Problemau gyda maes-e

[Duw]

Diweddariad: fel roeddwn yn gofidio, mae pyst canol Mehefin hyd at ein hailymddangosiad wedi'u colli - posib yn barhaol. Newidiom y gwesteiwr tua'r amser hwn. Roeddent mor ddi-siap ag wn i beth. Yn anffodus, nid oedd modd tynnu gwybodaeth cyflawn o'r gronfa ddata yn y cyfnod hwn. Cawsom ein taflu allan yn ddi-seremoni oherwydd yr ymosodiadau yr oeddwn yn eu hwynebu. Dau fys i nhw hefyd!

Gallaf ond ymddiheuro am hyn. Yr unig gysur yw bod ychydig iawn o byst wedi'u cyflwyno yn y cyfnod hwn oherwydd y problemau ennill mynediad i'r safle - gall fod llawer mwy difrifol. Posib gwnewch ddarganfod ambell post coll o ganol edefyn hefyd - unrhyw bost reli a gafodd ei gyflwyno yn y cyfnod uchod. Short rope - long drop.

[Duw]

Diweddariad - dwi wedi datrys problem 'Pynciau Bywiog'. Dylai fod yn gweithio nawr. Os oes anhwysterau, rhowch wybod yma neu drwy NB.

I adael neges yma - ewch drwy is-seiad 'Croeso a Chyfarchion' a dewis 'Problemau gyda maes-e'.

[Hazel]

Diolch, Duw. Yr ydych chi'n gweithio'n galed.

[osian]

Dydi hon ddim yn broblem fel y cyfryw, dim ond syniad, a dwnim lle i roi o.

Pan dwi'n clicio ar linc ar facebook a rhai gwefannau erill, ma'r linc yn agor mewn ffenest/tab arall. Fysa'n bosib cael yr un fath ar maes-e? Ar y funud dwi'n tueddu i glicio ar y linc ac anghofio dod yn ôl yma!

Dio'm byd mawr, jysd 'sa reit handi, diolch!

[Duw]

OK Osian - wedi gwneud.

Syniad da. Prawf: cemeg

Aficionados HTML - sori - os oes gwrthwynebiad mawr - rhowch wybod.

//Ar fy hols tan ddiwedd Awst - felly dim newidiadau pellach tan hynny, heb law fy mod yn teimlo'n masocistig a mynd ati trw'r hen Fwyaren.

[Duw]

AELODAU NEWYDD!

Rwyf wedi trwsio (gobeithio!) problem mewngofnodi ar gyfer aelodau a wnaeth gofrestru yn ystod Gorffennaf/Awst.

[Duw]

SBAM!

Efallai bo rhai ohonoch wedi sylwi ar lu o sbamwyr yn ddiweddar. Yn anffodus, mae rhai ohonynt wedi mewngofnodi gan law yn hytrach na defnyddio spambots, naill ai ni, neu mae'r Captcha wedi'i gracio. Beth bynnag, dwi wedi gosod cwestiwn yn y Gymraeg at y sgrin cofrestru i geisio ag atal sbamwyr rhag ymaelodi. Mae'r defnydd hwn dal yn arbrofol, felly byddwn yn ddiolchgar os allech chi anfon NB i mi os ydych chi'n dod ar draws unrhyw beth sy'n edrych fel sbam. Diolch

//GER LLAW

Oherwydd y cwestiwn hwn, fe welwch chi blwch ychwanegol yn eich proffil (ugain tynnu pedwar) - stim angen i chi wneud unrhyw beth ynghylch â hwn - anwybyddwch e.

[Hazel]

Nid wyf yn derbyn negeseuon ebost am atebion i fy nhanysgrifiadau neu am fy negeseuon preifat newydd. Unrhyw un arall?

[Duw]

Dwi wedi hysbysu Hedd o'r broblem. Sicrha dy fod yn gwirio dy osodiadau yn dy broffil. Diolch Hazel.

[Hazel]

Dwi wedi hysbysu Hedd o'r broblem. Sicrha dy fod yn gwirio dy osodiadau yn dy broffil. Diolch Hazel.

Diolch, Duw. Ie, rwy i wedi gwirio fy ngosdiadau yn fy mhroffil.