Yn debyg i ti a fi

[Gwahanglwyf Dros Grist]

Diwedd annwyl dad! Ry'n ni (o'r diwedd) wedi cael rhyw ffurf ar theatr genedlaethol, a dyw pobl dal ddim yn fodlon. Drychwch, mae'r peth yn dal i fod yn ifanc, mae angen sefydlu'i hun, ac mae wedi penderfynu gwneud Shakespeare yn lle Gwenlyn Parry. Dyw hyn ddim yn ddiwedd y byd, ac mae'n gyfle (yn fy marn i) iddyn nhw sefydlu'u hunain. Plis peidiwch â lladd ar y peth cyn iddo ddechrau.

A beth yw traddodiad ta beth?

Un pwynt bach i gloi: ydych chi'n gweld Theatr Genedlaethol Lloegr yn cyfyngu'i hun i gynyrchiadau Seisnig, am nad yw dramâu eraill yn cyfleu 'gwir ddiwylliant Lloegr'?

Ac roedd Shakespeare yn copio'r Eidalwyr ta beth...

[krustysnaks]

Rydw i'n fodlon â'r cwmni newydd - perfformiad yn wych ac yn edrych ymlaen i weld beth sydd am ddigwydd yn yr Eisteddfod ac yn y dyfodol.

Mynegi pryder oeddwn i fod y theatr yn mynd i golli cynulleidfa, ac yna mynegi pryder fod y theatr yn gwneud dewisiadau ffôl o ddramau.

Mae gan Loegr llawer yn fwy o gwmniau theatr na ni, ac os wyt ti eisiau gweld Shakespeare, mae dau le amlwg i fynd, felly mae traddodiad gwbl Seisnigaidd gan rai cwmniau.

Ac roedd Gwenlyn yn copio arloeswyr theatr yr abswrd hefyd ...

[Llewelyn Richards]

Cytunaf ac eiliaf Krusty.

[brenin alltud]

Sa'n well da fi weld cynhyrchiad campus o Bobi a Sami, Wil Sam cyn Romeo a Juliet, er y bydd hwnnw'n gaboledig (sori am y gair 'na) o weld y pytiau naethon nhw'n y lansiad.

Wedi crybwyll hyn o'r blaen, ond be' am drosi rhai o ddramau S4C i'r llwyfan? Mae 'na ddegau o rai da 'di bod, fydde'n addas.

Unwaith da ni'n dechre meddwl bod rhaid cael y dramau piwsig i ddenu cynulleidfa eang, da ni ar dir peryglus. Mae cyfarwyddwyr Saesneg sy'n byw yng Nghymru fel Michael Bogdanov eisoes yn cwyno digon bod angen theatr Saesneg ei hiaith yng Nghymru, ac yn dweud bod hi'n fistec i ddarparu theatr gymraeg yn unig heb feddwl am y ddarpariaeth honno.

Mae na ddigon o bobol sy' ddim yn poeni taten amdanan ni, felly rhaid ni fecso am ein buddianne a'n hiaith ni'n hunen. I ni mae'r theatr ma.

[Rhys Llwyd]

Gyda llaw, bydd ThGC wedi cynhyrhcu drama gan Povey ac un gan John Gwil maes o law. Heblaw am Saunders a Gwenlyn, pwy arall (clasuron) sy gynnon ni?

Nid pwy sydd gynno ni ydy'r cwestiwn, ONd yn hytrach pwy fydd gyda ni?

Peidied ac edrych nol yn romantaidd ar ddramau Saunders a meddwl, sdim angen i ddramodwyr ifanc wneud stwff at gyfer THGC ac chwmniau erill oherwydd mae na ddigonedd o stwff Gwenlyn Parry, Sounders a Povy gyda ni'n barod i'w perfformio.

Does dim llawer gan ddramodwyr ifanc weithio tuag ato, felly mae llawer yn rhoi'r ffidil yn y to ac yn peidio ei gymryd o ddifri.

Mae lle gan THGC berffordio dramau newydd

[krustysnaks]

rhaid ni fecso am ein buddianne a'n hiaith ni'n hunen. I ni mae'r theatr ma.

Taro'r hoelen.

Rhywbeth arall on i'n meddwl oedd dipyn bach yn od.
Y rhaglen - actorion craidd: pedwar enw, yna'r actorion yn y ddrama: run o'r pedwar enw
dwi'n deall pam - cael actorion sefydledig a mwy profiadol yn y ddrama gyntaf, a pheidio taflu'r actorion ifainc i mewn i'r dwr poeth, ond dim rhan gan yr un ohonyn nhw? Jyst bach yn od.