DIM CYMRAEG yn y JobCenter

[Hen Rech Flin]

Pan oeddwn yn laslanc, roedd modd i fyfyrwyr pumed dosbarth derbyn y dôl dros wyliau'r haf, rhag ofn nad oedd eu canlyniadau yn caniatáu iddynt ddychwelyd i'r ysgol i wneud lefel A. Dyma oedd fy sefyllfa yn ystod haf 1974. Cefais gynnig ffurflen uniaith Saesneg i'w llenwi gan y swyddog dôl a gofynnais â oedd y ffurflen ar gael yn y Gymraeg. Cefais yr ymateb:

"Bydd y papurau punt yn uniaith Saesneg os ti iso nhw llenwa'r ffurflen Saesneg. Cofia bach Di waith - di hawl."

Cefais brawf heddiw nad oes dim wedi newid yn yr adran yma o'r llywodraeth ers 30+ o flynyddoedd:

http://henrechflin.blogspot.com/2007/03 ... waith.html

Yr wyf wedi gwneud nifer o gwynion am fy mhrofiad unigol heddiw, ond hoffwn wybod os oedd fy mhrofiad yn unigryw neu a oes eraill wedi cael profiadau tebyg yn y Ganolfan Byd Gwaith honniedig

[Mali]

Ymateb ffiaidd gan y cyfarchydd HRF. Mae'r ddynes yn amlwg yn anwybodus ynglŷn a'r Iaith a Chymru, ac efallai y dylie rhywun ddysgu ychydig o fanars iddi hefyd!

[garynysmon]

Pan wnesh i orffen y coleg, fe drefnais gyfweliad dros y llinell ffon iaith Gymraeg, a roedd fy nghyfweliad yn gret hefyd.
Cofiwch chi, yn Llangefni a Caergybi oedd hyn.

[Geraint]

Ymha swyddfa ddigwyddodd hyn?

Mi o ni ar y dol blwyddyn dwetha, roedd y gwasanaeth Gymraeg yn swyddfa Bangor yn dda. Mae y linell ffon Gymraeg yn dda hefyd. Ond torrodd y gwasanaeth Gymraeg lawr pan o ni'n delio efo y swyddfa rhanbarthol yn Wrecsam.

Dwi'n meddwl fod pob swyddfa efo agweddau gwahanol i'r iaith, sydd yn deillio o'r personoliaethau sydd yn gweithio yno.