Asda ger Rhiwbeina, Caerdydd

[Jon Bon Jela]

Tua 18 mis yn ôl, roedd yr Asda yma sydd ger cyffordd 32 jest tu allan i'r ddinas yn gweithredu polisi dwyieithog ffantastig, gyda phob arwydd yn Gymraeg yn gyntaf ac hyd yn oed y cyhoeddiadau dros yr uchelseinydd yn ddwyieithog, (na, nid breuddwyd yw hwn). Ond es i nol yna neithiwr, ac roedd pob peth yn uniaith Saesneg unwaith yn rhagor.

Rhywun yn gwybod mwy am y rhesymau tu ôl i hyn? Mmm?

[Griff-Waunfach]

Am wn i bod rheolwr newydd yna? Ac wrth adnewyddu arwyddion ni ystyriwyd y Gymraeg gan y person newydd? Dwi ddim yn siwr.

[Horwth ap Ffrwchnedd]

Ac os felly, mae'n dangos mai ar chwiw unigolion y mae lle'r Gymraeg yn dibynnu yn y sector breifat. Er bod archfarchnadoedd yn rhoi gwerth mawr ar hunaniaeth gorfforaethol fel arfer pan ddaw at y Gymraeg, does dim cyfarwyddyd o'r canol. Mae pob Tesco yn unigryw o safbwynt defnydd o'r Gymraeg - yr unig fflach o wreiddioldeb mewn môr o unffurfiaeth gorfforaethol.

[jac]

Efallai bod angen edefyn newydd. Ond o ran diddordeb, beth yw'r archfarchnad sy'n rhoi'r gwasanaeth cyfrwng Cymraeg gorau yn eich ardal?

Does yna ddim un yn sefyll allan yn y gogledd-orllewin hyd y gwn i - mae nhw gyd cystal/cynddrwg a'i gilydd.

A oes yna unrhyw archfarchnad (neu siop arall hyd yn oed) sy'n defnyddio bathodynau Bwrdd yr Iaith i ddangos a ydy'r staff yn medru'r Gymraeg? Mi fuasai hwn yn fesur rhwydd iawn i'w weithredu ac yn hwyluso'r defnydd o'r Gymraeg. Mi fuaswn i'n ystyried o ddifri siopa gyda archfarchnad gyda polisi cadarnhaol o'r math yma.