Golwg360

[Hedd Gwynfor]

Dyna'r enw newydd fydd ar wefan newyddion (h.y. y £200,000) newydd golwg. Mae'n swnio'n ddiddorol iawn. Am y tro 1af bydd gyda ni newyddion o Gymru A'R BYD yn Gymraeg ar y we! Gobeithio bydd yn cael ei ddiweddaru'n gyson, a bod y wefan nid yn unig yn ail adrodd straeon ffynonellau eraill ond yn gwneud bach o waith newyddiadurol ymchwiliol. Mae wir angen hyn arno ni yng Nghymru.

Mae'r elfen o rhyngweithioldeb hefyd yn un diddorol, gyda'r opsiwn i fudiadau, grwpiau, cylchoedd, bandiau ayb greu is-wefannau yn rhada c am ddim.

Disgwyl 'mlaen i'r lansiad ar y 15fed o Fai.

Hwn fydd y cyfeiriad mwy na thebyg - http://www.golwg360.com/

golwg360.jpg (27.14 ) Dangoswyd 4987 o weithiau

Mae cloc ar wefan Golwg yn cyfri lawr tan y dyddiad - http://www.golwg.com/

[Hedd Gwynfor]

Bydd hwn yn fyw am 12 o'r gloch heno felly???

[Hedd Gwynfor]

Mae screenshots gan http://www.metastwnsh.com





Mae fod i fynd yn fyw am 9am bore fory. Dyma beth sydd gan Dafydd Tomos i ddweud ar metastwnsh:

Blwyddyn o waith datblygu a degau o filoedd yn ddiweddarach a dyw e ddim yn edrych fel petai unrhyw ddylunydd wedi bod yn agos at y wefan yma. Gewn ni weld beth yw safon y newyddiaduraeth ond o berspectif datblygu gwefannau mae’r wefan yma yn mynd a ni nôl i oes yr arth a’r blaidd.

Dyma'r ddolen - http://www.golwg360.com/

[Hedd Gwynfor]

Be chi'n meddwl te?

[sian]

Rhywun arall yn cael trafferth â hwn?
Roedd e'n iawn bore 'ma.

Methu mynd i'r hafan nawr.
Stribyn yn dweud :
Celf | Celf Gweledol | Criced | Gwleidyddiaeth | Rygbi |
a dyna'i gyd!
Dw i'n gallu mynd i'r straeon unigol o hwnnw ond dim nol i'r Hafan.

[sian]

Mae'n gweithio'n well ar Firefox nag ar Safari ond dwi'n dal yn methu mynd i'r Hafan - hyd yn oed trwy roi'r cyfeiriad yn y bar ar dop y sgrin.
Dwi mod yn cael newyddion Cymru (heblaw am y Pab) nawr a Newyddion a Calendr ar y top

[llygoden fach lwyd]

Di bod yn cael yr un broblem - hefyd does dim adran pennawdau newyddion hyd y gwela i, dim ond adrannau pwnc penodol

[Hogyn o Rachub]

Dwi'm isio rhoi dampnar ar bethau ond oes rhywun arall yn meddwl bod ymddangosiad y wefan yn edrych yn, wel, amaturaidd?

[sian]

A dw i wedi methu cofrestru.
Ac ar yr adegau prin dwi'n gallu mynd i'r Hafan mae'r fideo felltith 'na'n dechrau chware heb i mi ofyn iddo.
A does dim ffordd i weld o gysylltu â nhw.

[Wylit, wylit Lywelyn]

Dwi'm isio rhoi dampnar ar bethau ond oes rhywun arall yn meddwl bod ymddangosiad y wefan yn edrych yn, wel, amaturaidd?

Wedi disgwyl gwell Byd Cymraeg?

[Macsen]

Mae yna broblemau technegol ar hyn o bryd.

Allai'm esbonio'r broblem ond mae gwagio eich cache (yr opsiwn Clear Private Data yn firefox...) i weld yn datrys y peth dros dro!

Pob lwc!

[Ray Diota]

gwagio eich cache

wastad yn neud i fi d'imlo'n well ta beth...

[Ray Diota]

falle bod hi braidd yn gynnar, ond be ffwc yw pwrpas 'Y Maes'??

hefyd, dwi'n dipyn o gretin ar y we a wy'n lico mynd nol i'r hafan yn weddol amal... dyw hynna ddim i'w weld yn bosib...?

[Macsen]

dwi'n dipyn o gretin ar y we a wy'n lico mynd nol i'r hafan yn weddol amal... dyw hynna ddim i'w weld yn bosib...?

Dyna un o'r problemau technegol.

Dyle chi fod yn gweld Hafan, Chwaraeon, Newyddion, Celfyddydau, Lle Pawb, Y Maes, a Calendr ar hyd y top.

[Dewin]

Mae'n warthus o safle yn dechnegol (dim sylwad ar y cynnwys fan hyn):

Dim RSS, hygyrchedd erchyll, fideo'n cychwyn heb ofyn, ffontiau anghyson, dim botwm cartref, dim teitlau i luniau, hysbysebion yn edrych yn wael, hysbysebion golwg360 yn edrych fel rhai geocities y 90au, cloc "provided by timeadndate.com"!!, dim opsiwn graffeg isel, ffontiau aneswmyth ac anghyson, scriptiau di-ri - heb fersiwn testun os nad yw dyn yn rhedeg scriptiau,

Y chwyddwydr yn y chwilfar a'r teitl "newyddion diweddara'" arno yn dweud y cwbl i ddweud y gwir: dal i chwilio amdani...

Rhaid i fi ddweud 'mod i wedi creu safleoedd gwell (a gwaeth *pesychiad*) - er bod rhaid cyfadde hefyd i fi gael deuddydd a weithiau tridiau cyfan i greu'r rheini.

o.n.
Disgwyl stori am arweinydd newydd nesa'r blaid Lafur yng nghymru fan hyn - ond na...
http://www.golwg360.com/UI/News/ViewNewsDetails.aspx?ID=623&navigationID=0&domainID=0

Ymddiheuriadau am y rant - ond mae'n warthus am £200,000.

[Hedd Gwynfor]

mmm... Dim dechreuad da o gwbwl. Dyw e ddim yn gweithio o gwbwl nawr. Rhaid i mi weud mod i'n cytuno gyda lot o'r hyn mae Dewin yn dweud uchod, a doeddwn i ddim am rhoi sylwadau negyddol,ond mae'n amhosib peidio mewn gwirionedd. Mae jest yn edrych fel, wel rhywbeth o ddiwedd y 90au!

Mae'r ffaith nad oes RSS yn broblem anferth. Roeddwn i am ddangos Ffrwd RSS aradran newyddion yma ar y maes e.e.

Mae'r ffaith eu bod yn defnyddio teclynnau bach rhad ac am ddim fel y cloc yn gamgymeriad mawr.

Hefyd pam cymaint o wahanol ffontiau, a pam ffont y straeon yn llwyd? Mae hyn yn anodd i'w ddarllen. Dylai'r prif ffont wastad fod yn ddu yh fy marn bach i.

Fel arfer, mae pwyso ar logo unrhyw wefan yn mynd a chi nol i'r hafan, ond dyw logo y wefan yma ddim yn pwyntio at unrhywle.

O'r hyn dwi'n deall, Tinopolis gafodd y cytundeb o adeiladu'r wefan. Siwr nad yw staff Golwg yn hapus iawn gyda Tinopolis nawr!! Falle byddai wedi bod yn well defnyddio rhywun fel http://www.imaginet.co.uk/ i wneud y gwaith.

Er hyn, dywedodd Dylan Iorwerth y bydd y wefan yn cael ei ddatblygu dros yr wythnosau/misoedd nesaf, felly nodwch eich sylwadau yma (da a drwg) ac fe wnaf yn siwr eu bod yn cael eu danfon ymlaen at tîm Golwg 360. Dwi'n siwr y bydd y problemau yma oll yn cael ei sortio mas, jest trueni eu bod wedi digwydd o gwbwl o ystyried y swm o grant gan y Llywodraeth, a blwyddyn gyfan o amser i baratoi!

[Geraint (un arall)]

Allai ddim cofio y tro diwethaf i fi gyfrannu i'r maes ond dyma oedd y lle cyntaf y des i ar ol edrych ar y mess ag ydi Golwg360. Mae'r ddau gyfraniad diwethaf yn llygad eu lle, mae o'n edrych fel safle fasa rhywun wedi adeiladu fel prosiect ysgol/coleg yn niwedd y 90au. Sgwennu coch ar gefndir gwyn sy'n ofnadwy o annodd ei ddarllen ac uffernol o hyll, 'gaps' mawr gwyn tua gwaelod y tudalennau, gwefan sy'n edrych yn hollol wahanol ar Safari a Firefox (heb ei drio ar IE), lluniau low-res. Dwi newydd wrando ar gyfweliad ar Radio Cymru lle does dim o hyn yn cael ei adlewyrchu. Y peth trist ydi allai'r cynnwys fod y peth gorau gafodd ei sgwennu yn yr iaith gymraeg ond mae'r dylunio mor wael fel ei bod hi'n amhosib canolbwyntio/dod o hyd i'r straeon.

[Dewin]

Y gwir yw hyn: gan amcangyfrif gwariant ar y safle o £20,000, mae'n erchyll o wasanaeth.

Un ateb fyddai wedi ateb pob gofyn yw dechrau gyda phecyn tebyg i wordpress (http://www.wordpress.org), a gwario £20,000 yn datblygu hwnnw i fod yn addas i ofynion Golwg360. Mae Wordpress ar gael dan drwydded rhad ac am ddim gyda hawl i'w ddatblygu - AC MAE RSS YN AWTOMATIG YN RHAN O'R PECYN! Ymhellach, medrid fod wedi rhyddhau hyn yn ôl i'r gymuned arlein Gymraeg a medru dangos gwerth am arian amlwg i'r llywodraeth!

Byddai cwmnïau Cymreig megis ennillwyr gwobr dylunio dwyieithog Bwrdd yr Iaith http://www.greenlanddesign.org wedi medru llawer gwell. Mae Imaginet hefyd yn darparu nifer fawr o safleoedd Cymraeg - a Sequence hefyd wedi arfer a phrosiectau mawr Cymreig. Gwn i am ambell arbennigwr côd agored Cymraeg fyddai wedi medru adeiladu'r safle'n well am becyn o gnau ac ambell fwnci dawnsio.

O weld beth yw safonau cyhoeddi gwe heddiw - dyw darpariaeth Golwg360 yn ddim ond embaras. A gyda'r arian o San Steffan yn lleihau, chewn ni ddim arian fel hyn eto i sefydlu safle gwe dda. Y sgandal mwya' yw'r llun a'r datganiad sy'n disgrifio'r lansiad: 4 hen ddyn sy'n gwybod dim am dechnoleg yn llongyfarch eu gilydd am osod Golwg360 ar sylfaen broffesiynnol.

Pa ran o "Safle Gwe Newyddion" oedd mor anodd ei ddeall, dwedwch?

o.n. ydw - wedi cofrestru ers 2004, ac ond neges #4 yw hwn. Allwch chi fadde i fi?

golygiad: Wedi gweld Golwg a Golwg360, ma' rhaid bod y gwariant mawr wedi bod ar Golwg2-Golwg359.

[Dewin]

Ymddiheuriadau o flaen llaw os oes rhaid i gymedrolwr ymateb - ond fi'n eitha candryll ar hyn o bryd.

[Hedd Gwynfor]

Mwy o broblemau:

Mae'r gwagle gwyn ar waelod tudalennau yn arwydd o ddylunio gwael.

Nid yw'r teclyn anfon stori at gyfeiriad ebost yn gweithio.

Mae'r tudalennau Telerau ac Amodau + Polisi Preifatrwydd yn hollol wag.

Y sgandal mwya' yw'r llun a'r datganiad sy'n disgrifio'r lansiad: 4 hen ddyn sy'n gwybod dim am dechnoleg yn llongyfarch eu gilydd am osod Golwg360 ar sylfaen broffesiynnol.

Ti'n llygaid dy le yma. Dyna'n union wnes i feddwl o weld y llun yna ar y dudalen flaen hefyd.



Beth sydd hefyd yn drueni, yn enwedig o ddeall bod y wefan wedi cael ei adeiladu o ddim, yw bod cyfeiriadau y tudalennau yn cynnwys termau Saesneg e.e.

Cod: Dewis popeth

http://www.golwg360.com/UI/News/ViewNewsDetails.aspx?ID=2297&navigationID=19101&domainID=

Gol. Ie fi'n gwbod bod hyn yn wir am maes-e hefyd, ond rhaglen phpbb3 sy'n rhedeg maes-e, a cafodd Nic ddim £200,000 y flwyddyn i'w sefydlu!

[Dewin]

Ma potensial i hyn:

http://www.cachu360.com/

[iolopjones]

Dyma fi'n rhoi'n llaw i fyny. Fy mai i yw 'cachu360' (da iawn, bois!) - mae'n derm dwi'n ei haeddu heddiw - ond dwi'n gobeithio fydd y prosiect yn ychydig mwy o Deflon (h.y. non-stick).

Ac yn sicr nid yw'n rywbeth mae tim Golwg, sydd wedi mentro llawer mwy na mae neb yn gwybod ar y fenter hon, yn gyfrifol amdan.
Peidiwch a barnu ymgais i wneud gwahaniaeth mawr ar sail y dechnoleg yma, fydd wedi ei sortio yn o fuan.

Y tristwch mwyaf i mi yw darllen y brwdfrydedd ar ben y post yma yn troi - yn digon deg - i fod yn feirniadaeth hallt ar ei waelod. Y ffaith ydi nad oes un ceiniog o'r £200k, na'r £600k wedi mynd ar y dechnoleg. Noddiant cwmnïau masnachol fel Golwg Cyf, Tinopolis, Telesgop a fy nghwmni i, TV Everywhere, sydd wedi bod yn talu am ddatblygu'r dechnoleg. Aeth y grant ar newyddiadurwyr.

Ac dydi o ddim yn brosiect ysgol.

Hyd y gwn i, nid oes prosiect arall yn y byd yn defnyddio AJAX ac yn caniatáu defnyddwyr i adeiladu (pan mae'n gweithio, wrth gwrs) eu gwefan newyddion eu hunain a chyfrannu yn y modd yma. A dyma ond ddechrau..

Fy aneliad personol oedd adeiladu rhywbeth allwn ni Gymru fod yn falch ag e o ran dechnoleg, ochr yn ochr a gwefannau y BBC, CNN a'r NYT, gyda eu hadnoddau di-ri. Duw a wŷr faint o'u £400,000,000 mae'r BBC yn gwario ar /cymru ond rhaid cofio fod y rhan helaeth o'n newyddion yn dod o Loegr ac yn cael ei gyfieithu yng Nghaerdydd ar sail treth ar bob un ohonom, fwy neu lai.

Ond, da'chi’n iawn. Heddiw, fe wnes i fethu yn fy aneliad a gadael tim Golwg i lawr.

Yfory fe awn ati eto...

O ddifri, ac o galon, diolch am eich diddordeb, eich barn, a'ch cyfraniad. Mae'n cadw'r pwysau arnom i wneud yn well. Fel cymuned wnawn wahaniaeth i esblygiad ein diwylliant ac mae'r 'printout' o 'cachu360' yn mynd ar fy wal i’m hatgoffa o’r dyletswydd yma.

[Seonaidh/Sioni]

"golchu360"...newydd gael m'atgoffa nad ydw i ddim wedi ymweld a "mygaelic.com" am sbel. Pam? Wel, dechreuodd honno mewn ffanffer o gyhoeddusrwydd, daeth lot ohonom ni sy a diddordeb yn yr Aeleg yn aelodau ond, ar ol efallai 2 fis, doedd na ddim lot yn mynd ymlaen ar y wefan. Ond mae pethau'n dal i ddigwydd ar, e.e., "foramnagaidhlig.net" ac "abairthusa.ning.com", sy ddim yn ein cosbi dim.

[Geraint (un arall)]

Chwarae teg i ti am dy onestrwydd Iolo ond un cwestiwn sydd yn fy mhoeni i fwy nag un arall; pam nad oedd y problemau technegol yma wedi eu gweld wrth i'r wefan gael ei phrofi yn y cyfnod beta. Dwi'n deall nad oes odd rhagweld rhai pethau nes fod y wefan yn fyw ond mae lefel y camgymeriadau technegol yn ddychrynllyd o uchel. Mae'r ffaith dy fod yn cydnabod eich bod wedi gorfod adeiladu system newydd yn fy mhoeni i hefyd; oedd na ddim system i gael yn barod oedd yn cwblhau'r briff? Os nad oedd na dwi'n poeni fod y fenter yn ceisio cerdded cyn cropian. Dwi wedi siarad efo nifer o bobl heddiw a mae'r farn wedi bod yn unfrydol. Efallai mai'r sylw mwyaf damniol oedd 'dydi o ddim hyd yn oed yn edrych fatha gwefan'. Oes posib gwneud ambell beth ar fyrder -

1. Sicrhau bod modd cyrraedd yn ol i'r hafan (un ffordd fyddai drwy glicio ar yr icon Golwg360),
2. Galluogi'r wefan i weithio gyda RSS
3. Gwneud yn siwr fod y wefan yn edrych yr un peth ar borwyr gwahanol. Mae'n edrych fel dau safle gwahanol ar Safari a Firefox. Ac ar Safari mae'r penawdau i gyd yn goch.
4. Sortio allan y lluniau - mae cymaint o luniau low res fel eu bod nhw'n edrych wedi eu dwyn o rhywle.

Dwi am ddyfalbarhau efo'r wefan achos dwi'n credu y gallai hwn fod yn adnodd gwych i'r Gymry Gymraeg (yng Nghymru a thu hwnt) ond dyw fy amynedd i ddim yn ddi-ddiwedd. A dwi'n rhedeg allan o wallt i'w dynnu allan mewn rhwystredigaeth a mi faswn i'n licio cadw'r hyn sydd gen i ar ol!!

[iolopjones]

Digon teg, Geraint. Mae pawb a'u barn am ddyluniaeth a hystwyth, felly wnai i ddim son mwy am hyn....

Dim ond un problem 'bach' sydd yn achosi y problemau technegol i gyd (a ddyliai hyn fod wedi ei ddatrys nawr, dros dro, feth bynnag..) - fe brofon yn helaeth ar sustem ddatblygu ac roedd a sustem fyw yn wahanol. Yn anffodus roedd hyn allan o'm rheolaeth ar sail gytundebau a wnaethwyd cyn i mi ymuno a'r tim....

Diolch am dy adborth a dy gefnogaeth...