Ailddechrau llyfr y mis?

gan **Alys** » Sul 10 Awst 2003 4:48 pm

Ro'n i'n siarad efo Siani yn ystod y Steddfod, a meddyliwn ni beth am roi cynnig arall ar grwp trafod "llyfr y mis" (neu deufis neu beth bynnag mae pobl isio). Ella bydd hen lawiau'r Maes yn ei gofio, ond y pwynt oedd dewis llyfr i bawb ei ddarllen ac wedyn ei drafod (Y Pla wnaethon ni tro diwetha). Doedd dim llawer o ymateb bryd hynny, ond mae na lot mwy o bobl a phrysurdeb erbyn hyn, felly fasai na ddiddordeb? Baswn i'n cynnig ella llyfr y Fedal, Brwydr y Bradwr gan Cefin Roberts.
Faint ohonoch chi sydd ag awydd? (Sdim lot o bywnt os nad oes na lot o drafod!)

gan **nicdafis** » Sul 10 Awst 2003 4:55 pm

Dw i'n gêm. Wedi dechrau darllen hwnna ta beth, tra oedd fy nghariad yn mynnu darllen y cyfansoddiadau yn gyntaf.

Beth yw'r trefn, wythnos neu ddwy i'w ddarllen ac wedyn ei drafod?

gan **Alys** » Sul 10 Awst 2003 5:08 pm

Jyst trio darganfod faint o ymateb fydd yn gynta.
A bydd rhaid imi orffen Memory KJ Parker gyntaf (dydi'r ffaith mod i'n hanner ffordd trwy drydedd gyfrol trioleg gwych adeg y Steddfod ddim yn amseru da mi wn i) wedyn y cyfansoddiada, wedyn ... Dwedwn ni fis? Diwedd wsnos cynta o Fedi?

gan **SbecsPeledrX** » Sul 10 Awst 2003 7:32 pm

Gwon 'de. Ella mod i'n rhyw brysyr am y deufis nesaf. Ond y llyfr nesaf yn sicr ac os mae'n cymryd mis neu ddau i ti gael hwn i fynd nai ddarllen brwydr y bradwr hefyd.

gan **eusebio** » Sul 10 Awst 2003 9:03 pm

Wel, dwi 'di prynnu Pan ddaw'r dydd ...?, mae'n rhaid mi gyfaddef doedd cyfrol Cefin Roberts ddim yn apelio o gwbwl.

gan **Gwen** » Llun 11 Awst 2003 8:48 am

Dwi di darllen Brwydr y Bradwr, ond dwi'm yn siwr os bydda i'n cofio digon i drafod erbyn diwedd mis Medi. Dwi newydd ddechrau Pan Ddaw'r Dydd rwan.

Llyfr arall ddarllenais i yn y Steddfod oedd Gwenynen Bigog gan Meleri Wyn James. Mae o'n dda iawn - a dydach chi ddim yn gwybod pa mor dda tan y diwedd, wedyn rydach chi isio mynd nol a'i ddarllen o eto. Rhywun arall wedi'i ddarllen o?

gan **Alys** » Llun 11 Awst 2003 8:50 am

Diolch am yr argymelliad Gwen (fel tasa na ddim digon gen i'n barod i'w ddarllen!!). Dim ond cynnig oedd Brwydr y Bradwr, os bydd mwy o bobl isio dechrau hefo Pan Ddaw'r Dydd, wel digon teg mi awn ni efo hwnnw. Na i aros dipyn i weld a oes na farnau eraill...

gan **Gwen** » Llun 11 Awst 2003 9:00 am

Mae Brwydr y Bradwr yn iawn gen i - mi gawn ni drafod y lleill yn ystod y misoedd llwm rhwng rwan a'r Dolig pan does na neb yn cyhoeddi nofelau Cymraeg.

Oes rhywun yn gwybod am ryw nofel Gymraeg arall sydd newydd ddwad allan ac yn werth ei darllen? Os oes, cofiwch ddeud.

On i'n sylwi bod Sioned wedi'i hailargraffu. Ddarllennais i hwn rai blynyddoedd yn ol a dwi'n meddwl y dylai pawb ei ddarllen o. O'r un cyfnod a nofelau Daniel Owen ond yn lot gwell (yn fy marn i). Ond ydi o'n apelio fwy at ferched ar y cyfan? Merched ydi pawb dwi'n nabod sydd wedi'i fwynhau o, ond mae'n debyg bod gan R. Williams Parry gopi hefo fo drwy gydol ei amser yn y rhyfel. Ddyliwn i ddechrau edefyn ar wahan i drafod y nofel yma tybed?

gan **Siani** » Gwe 22 Awst 2003 12:41 am

Mae'n flin 'da fi Alys - dw i ddim wedi bod ar y Maes ers y Steddfod. Ond byddwn i'n awyddus iawn i drafod unrhyw un o'r llyfrau sy wedi eu cynnig. Mae copi o "Brwydr y Bradwr" gyda fi, ac mae diddordeb gyda fi hefyd yng ngwaith Meleri Wyn James, a dw i heb ddarllen ei nofel diweddaraf eto. Beth am gael pol piniwn yn cynnwys y cynigion hyd yn hyn, ac wedyn penderfynu ar ddyddiad? - ond mae rhaid dewis rhywbeth sy'n ddigon hawdd ei gael.

gan **Alys** » Gwe 22 Awst 2003 8:43 am

Syniad da, Siani. Dwi ddim yn meddwl bod modd imi osod pôl piniwn yma, felly dwi'n mynd i'w wneud mewn edefyn arall a chloi'r edefyn hwn.

Ailddechrau llyfr y mis?

Ailddechrau llyfr y mis?

Pwy sydd ar-lein