Geiryn, WordPress, Joomla a Moodle...

[Rhoslyn Prys]

Geiryn
Rhaglen Java ar gyfer ffôn symudol gan David Chan. Mae'r rhaglen yn darparu geiriadur deunaw mil o eiriau Mark Nodine Cymraeg> Saesneg. Felly os 'dach chi'n brin o eiriau ar y ffôn, dyma'r delfrydol...

WordPress
Cyfieithiad ar gyfer y fersiwn diweddaraf o WordPress. Mae WP yn cynnwys y gallu i greu tudalennau sefydlog yn ogystal â rhai symudol. Mae modd felly defnyddio WP i greu safle gwe gweddol syml.

Joomla
Codi ymwybyddiaeth am y cyfieithiad sydd ar gael ar gyfer y system rheoli cynnwys yma.

Moodle
Rhaglen rheoli cynnwys ar gyfer sefyllfaoedd addysgol a'r gallu i greu safleoedd gwe a chyrsiau addysgol ar y we. Mae'r cyfieithiad yn cael ei ddatblygu gan dîm mawr ond mae angen gweld cynnydd arno o ran ei gwblhau a diogelu safon y cyfieithiad.

Rhagor ar safle Meddal.com

[Jac Glan-y-gors]

Joomla
Codi ymwybyddiaeth am y cyfieithiad sydd ar gael ar gyfer y system rheoli cynnwys yma.

Rhagor ar safle Meddal.com

Mae gen i rai modylau ar gyfer Joomla! ble rwy wedi cyfiethu'r ochr flaen fydd y defnyddiwr yn gweld, ond heb gael cyfle i gwblhau'r cyfieithiad a'u hanfon. Os oes rhywun eisiau'r ffeiliau iaith anfonwch neges bersonol.

Modylau yn cynnwys:
com_zoom - llyfr lluniau
com_jim - negeseuon (IM)
joomlaboard - fforwm
com_events a mod_events - calendr
com_letterman - modiwl cylchlythyru

Yn ogystal a ffeil iaith ddiwygiedig ar gyfer Joomla!

Enghraifft o rai o'r rhain ar waith:
http://www.yfc-ceredigion.org.uk/
http://theatrfelinfach.com

[Griff-Waunfach]

Gallai ddim cael Geiryn i lawrlwytho ar y ffon! Damio ma' fe'n swnio fel rhywbeth defnyddiol hefys!

[f00]

amdani hefo moodle, mae angen binio blackboard. ella bo posib gorfodi colegau cymru i ddefnyddio system ddwyieithog (neu fwy) ...

[gronw]

ac eto...

Annwyl Gyfaill

Fe’ch gwahoddir yn gynnes iawn i lansiad fersiwn Gymraeg o’r meddalwedd Blackboard ar Stondin Prifysgol Cymru Bangor ar faes Eisteddfod Genedlaethol Cymru Sir Fflint ar y 9fed Awst 2007 am 2.30 o’r gloch.

Defnyddir Blackboard i gefnogi dysgu ac addysgu yn y dosbarth ac mewn cyrsiau o bell. Gellir ei ddefnyddio i osod pob math o ddogfennau, i asesu gwaith myfyrwyr ac i gynnal trafodaethau, ymhlith nifer o nodweddion eraill.

Yn ystod y lansiad bydd cyfle i gael golwg ar y fersiwn Gymraeg a chyfle i weld enghreifftiau o sut y defnyddir Blackboard i gyflwyno modiwlau a chyrsiau cyfrwng Cymraeg.

Bydd y fersiwn Gymraeg ar gael i holl sefydliadau Addysg Uwch Cymru ac yn fodd o gynyddu’r posibiliadau cyd-weithio ar draws y sector.

Os hoffech ddod i’r digwyddiad hwn a fuasech cystal ag e-bostio techd[malwen]bangor.ac.uk neu ffonio 01248 38(3949) erbyn 3 Awst 2007 os gwelwch yn dda.

[Rhoslyn Prys]

Mae'n dda gweld meddalwedd o bob math ar gael yn Gymraeg - siawns i griw Mwdl ymateb, 'te.