Ceisio enwi ffolder dogfen "Saved" yn y Gymraeg

[tachwedd5]

Shwmae,

Rwy'n ceisio enwi ffolder yn y Gymraeg, o'r Saesneg, sef "Saved". Beth yw'r enw cywir i'w ddefnyddio; Achubwyd neu wedi'u hachub (ar gyfer dogfennau ac e-byst)


Diolch o flaen llaw,
Geraint.

[osian]

Arbedwyd?

[ceribethlem]

Arbedwyd?

Arbedwyd yn swno'n well nac achubwyd i fi.

[sian]

"Cadw" mae TermCymru a'r Gronfa Ddata Genedlaethol o Dermau yn ei roi am "save" ym maes TGCh.

Ond dwi'n gwybod bod rhai pobl yn defnyddio "Arbed" hefyd.

Beth sy ar Windows Cymraeg? (Mac sy gen i)

[geraintj]

Cadw ydi o yn Office hefyd.

[Hogyn o Rachub]

Aye, Cadw

[Mackem]

Shwmae,

Rwy'n ceisio enwi ffolder yn y Gymraeg, o'r Saesneg, sef "Saved". Beth yw'r enw cywir i'w ddefnyddio; Achubwyd neu wedi'u hachub (ar gyfer dogfennau ac e-byst)


Diolch o flaen llaw,
Geraint.

...dw i newydd gael cipolwg drwy strwythur ffolder 'y nghyfrifiadur (dw i'n defnyddio system gweithredu Windows yn Gymraeg) a mae'n ymddangos taw 'Wedi'u Cadw' yw'r enw cywir yn ol Microsoft (e.e. mae 'na ffolder 'da fi o'r enw 'Gemau Wedi'u Cadw' - 'Saved Games').

[xxglennxx]

"Cadw" am yr hyn sydd ar label cyn gwneud y peth. Ffurf ar "wedi cadw" byddwn yn ei ddefnyddio; i ddweud rhywbeth fel "saved games" drwy ddefnyddio 'cadwyd,' mae'n rhaid dweud "Gemau a Gadwyd," sy ddim yn swnio'n gywir imi = 'gemau sydd wedi cael eu cadw' mae'r frawddeg yn ei golygu yn y ffurf honno...

"Gemau Wedi'u Cadw," "Ffolder Wedi'i Gadw," "Gêm Wedi'i Chadw" (yn dibynnu ar genedl y gair) amdani!