Blogio yn y Gymraeg - pam dydy pawb ddim yn wneud?

[nicdafis]

Mae Suw Charman wedi postio <a href="http://chocnvodka.blogware.com/blog/_archives/2004/8/8/120565.html">cofnod sain</a> (yr un cyntaf Cymraeg yn y byd?) i'w blog ynglŷn â beth mae hi'n galw y blogosffer Cymraeg. Mae'n annodd ei dyfynnu, ond jist y cofnod yw bod hi am <i>wneud rhywbeth</i> i hybu'r Gymraeg fel iaith blogio, ond dydy hi ddim am wneud ar ei phen ei hunan, a dydy hi ddim yn siwr <i>beth</i> ei wneud.

Dyn ni wedi trafod blogs Cymraeg yma ar y maes sawl gwaith, ond nid yn y seiat hwn, ac mae hyn yn berthnasol i ddyfodol yr iaith, dw i'n credu. Pam mae Cymry wedi bod mor araf i sylweddoli posibiliadau'r we? Cofiwch, dw i ddim yn cymharu Cymry â siaradwyr Saesneg yma: <a href="http://www.gulli.is/blogs/">dyma rhestr o 5000 o flogiau yn Islandeg</a>, iaith llawer llai na'r Gymraeg. Mae pawb a'i gi â blog yn Gwlad yr Iâ. Pam nad yw hyn yn wir yng Nghymru?

[huwwaters]

Byswn i'n neud, ond sgynnai'm llawer i flogio am eto, neu methu dod rownd i'w wneud.

Peidiwch a phoeni achos ma gynnai pob awydd creu unrhyw fath o wefan yn y Gymraeg, fel dwi'n neud rwan.

[Di-Angen]

Gen i ddim yr amser i wario ar cadw e up-to-date na'r inclination i'w wneud. Dwi'm yn darllen unrhyw blogiau i ddweud y gwir gan fod well gen i negesfyrddau lle mae unrhywun yn gallu dechrau trafodaeth yn hytrach na jyst rhoi sylw ar eitem y blogger.

O ran "pam", dim syniad - mae'n ymddangos fod nifer mwy wedi ymddangos ers i maes-e ddechrau ond rhaid i rhai bobl orffen meddwl am maes-e fel "y" negesfwrdd/safle Cymraeg a dechrau safleoedd eraill i normaleiddio defnydd y Gymraeg ar y we.

[nicdafis]

Mwy o bethau i gnoi cil drostynt. Yn y <a href="http://blogs.law.harvard.edu/ethan/2004/02/02#a78">cofnod hwn</a> mae syniad o'r <i>Second Superpower</i> yn cael ei drafod:

"Second Superpower" suggests that a group of people are changing democracy by using a three-part model for social engagement - collect information, comment and debate, then act.

Dyna, wrth gwrs, yw bwriad gwefannau fel yr un <a href="http://cymdeithas.com">Cymdeithas yr Iaith</a>, a dyn ni wedi gweld enghraifft yma (yr "ymgyrch ildiwch") ar y maes o grŵp ymgyrchu ffurfio yn sydyn iawn, ac yn gweithredu mewn ffordd na fyddai wedi bod yn bosib heb y cysylltiadau dyn ni wedi creu yma. Mae'r busnes Radio Carmarthenshire a Sleifar colli ei slot yn enghraifft arall.

Ond ar wahan i gwestiynau o weithredu yn wleidyddol fel hyn, mae 'na gwestiwn cymdeithasol. Mae aelodaeth maes-e yn ifanc iawn, ar y cyfan, er nad oedd bwriad i anelu at unrhyw oedran arbennig. Lle mae hen bobl (bobl dros eu 30)?

Mae Suw yn sôn am ddiffyg diddordeb gan y cyfryngau Cymraeg. Dw i'n fawr gobeithio bydd hyn yn newid pan daw'r <a href="http://ybyd.com">Byd</a>. Fel mae cofnod uchod yn dweud:

...for a citizen to function in a democracy, a free, engaged and critical press is essential.

[Rhys]

Dwi wedi bod eisiau creu gwefan (yn Gymraeg wrth gwrs) ers sawl blwyddyn, ond fel Huw doedd gennyf ddim i'w sgwennu am, a byddaai gwefan diflas gyda dim ymwelwyr yn dda i ffyc ddim.

Ar hyn o bryd dwi'n weddol brysur rhwng gwaith sy'n cynnwys nosweithiau (pan ddim yn sleifio ar maes-e ) a projects ongoing (chwedl Mr Mwyn) eraill sy'n ymwneud ar we ond ddim blogio nac yn uniaith Gymraeg. Ond yn rhyfedd ddigon, dwi wedi meddwl am sawl pwnc/testun yn ddiweddar ar gyfer gwefan trwy gyfrwng y Gymraeg. Nai eu rhestru isod a chroeso i unrhywun eu gwireddu:

Gwefan teithio/gwyliau: Pan mae rhywun wedi bod ar wyliau mae'n yn anfon disgrifiad a lluniau o'r gwyliau, dwued ble aethant i ymweld, bwyta ac yfed. Byddai modd categoreiddio'r gwyliau gan ddefnyddio php (e.e. lleoliad- gwledydd celtaidd, Ewrop, natur y gwyliau - Haul, Diwylliannol, Ieithyddol, Gweithgareddau Antur). Siawns bod llawer o rai fel hyn mewn ieithoedd eraill (dwi heb edrych) ond siawn nad oes un yn y Gymraeg oni bai am ar BBC Cymru'r Byd efallai, ond mae poblogrwydd y seiat Crwydro'n dangos pa mor hoof o deithio mae Cymry Cymraeg Iafanc (a hun )

Dwyn syniad Nic o wneud gwefan ar gyfer dysgwyr y de ddwyrain (sut mae un ti'n mynd beth bynnag Nic? dwi heb weld dolen iddo ers tipyn?)
Mae llawer o wybodaeth ar gael am ddigwyddiadau ar wahanol wefannau ond da fyddai eu crynhoi a chael one stop shop. Er nad ydw i'n credu mewn segregatio dysgwyr, mae llawer yn teimlo'n fwy cyfforddus yn cymdeithasu'n Gymraeg gyda dysgwyr eraill (rhywbeth i ni siaradwyr Cymraeg wethio ar bod mwy accesable efallai?)

Negesfwrdd Cymraeg ar gyfer Cefnogwyr pel-droed (Cenedlaethol/Cyngrhair Cymru/Clybiau sy'n chwarae'n Lloegr)

[Mr Gasyth]

does gen i fawr o ddiddordeb mewn cadw blog fy hun a bod yn onest. dwi rioed di gallu cadw dyddiadur a tydw i ddim yn gweld pa ddiddordeb i unrhywun arall fase be sy'n mynd ymlaen yn y mywyd bach i.
o gymharu efo gwlad yr ia, ella na mater o ddiwylliant ydi o, a fod pobl Cymru yn gwneud pethau gwahanol efo'u amser sbar. Faint o bobl yng Ngwlad yr Ia sy'n cynganeddu?

[krustysnaks]

Mae maes-e'n darparu hyn i gyd yn barod!
Siop un stop ar gyfer holl anghenion gwe Cymru!

Does gen i ddim blog oherwydd dwi ddim yn gwbod be fydden i'n dweud.
Dwi ddim yn gweld pam fyddai pobl isio darllen am be dwi'n gwneud neu fy marn un-ochrog i. Llawer gwell gen i ddod i gymuned ar-lein lle de chi'n gallu trafod a son am beth sy'n digwydd ym mywydau pobl eraill, achos dwi'm yn meddwl fod digon o bethau diddorol yn digwydd yn f'un i.
Heblaw'ch bod chi'n fy mherswadio i fel arall wrth gwrs.

[Dewyrth Jo]

Dwi'n gweld nw'n bethau hynod aniddorol a sgena i'm mynadd darllan nw felly pam ffwc ddyliwn i feddwl bod rhywun eisio darllen un wedi ei sgwenu gena i?

[Dylan]

'Dw i 'di dechra' un o rywfath ond mae'n anodd cadw ato fo. Mae cyfranniad ddoe yn darllen fel cofnod dyddiadurol; wrth ei ddarllen eto ymddengys fy mod wedi llwyddo i wneud i'r 'Steddfod swnio'n eitha' diflas.

Prin iawn ydi'r diddordeb yn fy mywyd personol i (hyd y gwn i ) felly mewn blog fel hyn mae angen gwneud yr hyn y mae Nic a Macsen yn eu gwneud, sef trafod pethau maent wedi eu darganfod ar y we a rhoi eu barn. 'Does gan f'un i ddim digon o ffocws - mae gan Macsen (newyddiaduraeth a ballu). A beth bynnag, wrth drio gwneud hynny 'dw i methu helpu â theimlo bod rhywun arall, yn rhywle, wedi nodi'r pethau hynny yn barod ac ei fod yn hen newyddion ymhell cyn i mi hyd yn oed ei sgwennu.

[nicdafis]

Mae maes-e'n darparu hyn i gyd yn barod!
Siop un stop ar gyfer holl anghenion gwe Cymru!

Ond mae negesfyrddau yn hollol wahanol i weflogiau. Mae'r blogiau gorau yn rhoi safbwynt unigolyn ar y byd, naill ai trwy'r ffordd mae'r blogwr yn sgwennu (ar flog "dyddiadurol"), neu drwy'r pethau mae'n blogio amdanyn nhw (ar flog "dolennog"). Mae naws negesfwrdd fel hyn yn hollol wahanol. Mae'n fwy agored mewn un ffordd (mae pawb yn gallu cyfrannu) ond yn fwy cyfwng hefyd (does dim "siarad yn rhydd" gan fod un person yn gosod y safonau ar bawb arall). Mae pobl yn cwyno am hyn trwy'r amser, ond prin iawn ydyn nhw'n wneud unrhywbeth amdano fe. Typical ffycin Cymry

Ai fi yw'r unig un a fyddai'n lico gweld blog am fyd cyfieithwyr gan Gwanhanglwyf Dros Grist? Sy'n ysu i weld beth byddai pogon yn dweud 'sai dim rhaid iddo fe boeni am gael ei fanio gan y ffasgwyr ar maes-e? Gweld blog pync roc Di-Angen? Blog am fwyd gan Jeni Wine?

[Dylan]

Ie, rhywbeth efo mwy o ffocws. Trafferth efo fi ydi 'does yna ddim un peth yn benodol i ganolbwyntio arno.

[nicdafis]

Dw i'n ffeindio'r un peth, ond dw i'n tueddu jyst blogo am y pethau sy'n dal fy llygad ar y pryd.

Peth arall dw i'n ffeindio yw bod blogio yn brido blogio. Os ydw i'n ymweld â blogiau eraill a gadael neges, mae'r blogwr yna yn dod at Morfablog a dweud rhywbeth.

Ffordd arall i ennill diddordeb yw blogio am rywbeth ffeindiaist ar blog Saesneg. Wedyn, wrth i'r blogwr ho/wnna gweld bod pobl yn dod at ei b/flog o dy flog di, bydd hi/e'n blogio amdanat ti: <i>someone's blogging about me in some weird language - is it Hungarian?</i>

Hefyd, wrth i ti flogio, ei di lan graddfa Google, a chael mwy o ymwelwyr ar hap trwy hynny. Mae rhaid blogio yn gyson i hyn weithio.

[eusebio]

Mae gen i flog ifanc iawn a dwi'n trio ei ddiweddaru

Aled - mae gen i ffansi creu wefan Gymraeg am bêl-droed rhyw ddydd gan fy mod wrthi'n ail lansio safle a470 - dwi'n trio prynnu parth i gydfynd ond mae na alw mawr am a470 am ryw reswm!!

[Al Jeek]

Y prif reswm dwim yn blogio rhagor yw nad oes gen i lawer i sgwennu am, dwi'n treulio trwy'r dydd o'r flaen PC beth bynnag, a dyw ysgrifennu ddim yn un on nghryfderau.

[Macsen]

Wn i ddim os oes digon o bobl yn darllen y blogiau sy'n bodoli yn barod i ddweud y gwir. Yn ol Bloglines dim ond tri person sy'n darllen fy mlog - a fi yw un ohonynt (Nicdafis di'r llall).

Y broblem a blogiau yw bod pobl yn ei dechrau nhw gyda'r bwriad gorau, ond yn anghofio amdanyn nhw wedi ychydig o amser. Mae chwarter y gwefannau dw i'n dod ar ei traws ar Google yn blogs heb gael ypdet ers 2002. Mae'r rhyngrwyd yn fynwent o flogs di angen.

Ond gyda'r Gymraeg mae yna digon o 'niche' gwahanol i bob blog. Dw i yn blogio am newyddiaduraeth, ond beth am yr holl bynciau eraill yna sydd angen ei cyfro? Gwell dewis un peth a sticio hefo'i, dwi'n meddwl. Mae Nicdafis yn cael dianc gyda siarad am bopeth dan haul yn benaf am mai Morfablog yw'r unig flog gwerth ei halen yn y gymraeg (blaw am Rwdls Nwdls).

[eusebio]

Macsen - pam fo dy luniau Eisteddfod efo'r dyddiad 8.10.2004??

Gweld i'r dyfodol go iawn

[Macsen]

Macsen - pam fo dy luniau Eisteddfod efo'r dyddiad 8.10.2004??

Gweld i'r dyfodol go iawn

Achos bod yr iancs yn gwneud popeth ti-chwith. Mae nhw'n rhoi'r mis, ac yna'r dydd, ac yna'r flwyddyn. Dyna pam bo nhw'n cyfeirio at 11/9 fel 9/11 drwy'r amser.

Dw i wedi ceisio ei newid o, ond na.

[Hogyn o Rachub]

Dw i'n blogio gormod dros yr Haf. Dw i angen brêc. Go iawn wan.

[eusebio]

Achos bod yr iancs yn gwneud popeth ti-chwith. Mae nhw'n rhoi'r mis, ac yna'r dydd, ac yna'r flwyddyn. Dyna pam bo nhw'n cyfeirio at 11/9 fel 9/11 drwy'r amser.

Dw i wedi ceisio ei newid o, ond na.

Dos i Settings ac yna Formatting, galli di ei newid yn fana

[Rhodri Nwdls]

Dwi yn dueddol o ddim ond darllen blogiau ffilm a blogiau Cymraeg. Dau beth sydd yn gwir ddiddori fi. Blogiau ffilm am eu bod yn gallu taflu newyddion, adolygiadau o ar draws y byd, syniadau newydd a dolenni i draethodau am sinema ac astudiaethau o gyfarwyddwyr.

Blogiau Cymraeg am fy mod i'n lecio ffeindio allan be sy'n mynd mlaen ar y we Gymreig ac yng Nghymru, er dwi yn ffeindio hi'n annodd cael mewn i rai ar ffurff ddyddiadurol am fod angen falla gneud cofnodion yn amlach i gael rhagor o naratif iddyn nhw a (theimlo eich bod chi'n) dod i nabod y person/y cymeriad maen't yn ei actio rywfaint. A falla mwy o farn personol yn hytrach na "nesh i hyn a llall heddiw".

Os mae ganddoch chi ddiddordeb mewn pwnc, ma blogiau'n gallu bod yn adnodd ffantastic i ehangu lle da chi'n edrych am wybodaeth ac i awgrymu pynciau/llyfrau ac ati i astudio'n bellach.

O ran Rwdls Nwdls, mae o'n le i roi dolenni dwisio cadw a falla ryw sylwadyn bach arnyn nhw a ddim isio clogio fyny maes-e efo'r ffasiwn betha. Debyg fod na rai yn ei ddarllen, ag os ma'n nhw'n ffendio'r lincs yn rhai difyr wel gret. Dydi o ddim yn cymryd llawar o'n amsar i, felly pam lai.

Swn i'n lecio tasa na ragor o bobol yn blogio o'i ffon lon nhw 'de. Dwi'n teimlo'n reit unig deud gwir. Dim ond Llunokiau welai o Gymru hyd y gwn i. Sa rywun arall yn gwybod am ragor?

(newydd ffendio un boi o Barri!)

Felly pam na allwn ni gael beirdd yn blogio, ma na gynulleidfa gynhenid iddyn nhw ac mae'n nhw yn eu hanfod yn darllen yn dda (sy'n broblem sawl blog, a dwi'n gwbod mod i'n sal am hyn (sillafu gwael a brawddegau cam!)), fasa'n dda gen i gael darllen blog o ymennydd Twm Morys er enghraifft. A ffeindio rhagor am y person a be ma bardd yn neud efo'i amsar blaw ista'n gwitsiad am yr awen i ddod!

Be am wleidyddion, pobl sy'n gweithio yn y cynulliad (neu fasa nhw rhy ofnus i gael eu sbringio), blog gan aelod gweithgar o Gymdeithas yr Iaith neu Cymuned.

Bandiau? ayyb

Fasa hi'm yn annodd sgwennu rwbath mwy diddorol na'n blog i.

Ond ewch i'r Pictiwrs - ma hwnna'n un da

[Macsen]

Ond ewch i'r Pictiwrs - ma hwnna'n un da

Ew, ti wedi bod yn brysur. Ti'n gwneud i fi deimlo'n ddrwg am beidio gwylio unrhyw ffilmiau diddorol yn ddiweddar.

Felly pam na allwn ni gael beirdd yn blogio

Syniad arbennig o wych! Piti nad ydw i'n fardd. Falle dylsen ni ddechrau gwefan a gofyn yn glen wrth feirdd Cymru i gael defnyddio ei barddoniaeth? Mi fysai darn o farddoniaeth bob bore yn codi 'nghalon i yn fawr.

Dos i Settings ac yna Formatting, galli di ei newid yn fana.

Aha, dwi'n dwp. Diolch.

[krustysnaks]

Ma na lot o fynd ar flogio gwleidyddol yn america yn does? Nagoes gan Kerry un llwyddiannus?
Sneb wedi dal y cwch hwnnw'n y wlad yma eto, fel petae.

Dwi ddim yn gweld sut byddai blog gen i'n neud unrhyw ddaioni heblaw annog pobl eraill, llawer mwy diddorol, i gael blogiau. Pan dwi'n edrych ar nifer negeseuon maes-e wedyn edrych ar fy nghyfraniad i'r gymuned dwi'n wirioneddol embarasd. Dwi'n dweud dim byd mewn lot o le, a dyna sut dwi'n meddwl fyddai blog yn mynd.
Chwi bobl ddiddorol y byd ddylai flogio, felly dwi am gau ngheg

[Rhodri Nwdls]

Ma na lot o fynd ar flogio gwleidyddol yn america yn does? Nagoes gan Kerry un llwyddiannus?
Sneb wedi dal y cwch hwnnw'n y wlad yma eto, fel petae.

Cytuno, fasa'n ddiddorol cael blogs gan aelodau'r cynulliad/senedd.
Glywes i son fod Leanne Wood AC wedi cychwyn fforwm ar y we: sa rywun yn gwybod be di'r ddolen?

[nicdafis]

Yn ol Bloglines dim ond tri person sy'n darllen fy mlog

Gofyn i dy frawd i roi ystadegau go iawn i ti, falle cei di dy synnu. Os wyt ti am godi y nifer o bobl sy'n darllen, mae rhaid i ti fod mwy o sleblog (heh). Fel dwedais i o'r blaen, mae 'na ddigon o bobl di-Gymraeg sy'n fodlon stryglan gyda blog Cymraeg os oes 'na ddolennau digon diddorddol. Mae darllenwyr mas 'na, ond mae Cymry Cymraeg yn geidwadol iawn (gweler rhai o'r sylwadau yma).

[Mihangel Macintosh]

Rhwng popeth sda fi ddim amser i greu blog. Serch hynnu dwi wedi bod yn meddwl am ddechre un yn ddiweddar. Yn anffodus, falle fydde rhaid i fi gael sawl un ar gyfer fy wahanol bersonoliaethau!

Gyda llaw Nic, dwi'n gweld dy bwynt am yr Islandeg. Ma'r un peth yn wir am ei sin rap - ma na oleiaf 12 criw ar yr Ynys yn gwneud e yn ei mamiaith, tra bod llai na 4 yng Nghymru... pam???