maes-e.com

Yn eich tyb chi beth yw'r wefan orau/wasanaeth orau ar y we? Os allech ymhelaethu pam rydych yn meddwl hyn, bydde hwnna'n grêt. Gall fod o dan unrhyw gategori, e.e. newyddion, gwefan gymdeithasol, gwasanaeth trin delweddau, porwyr, gemau, peiriannu chwilio, blogiau, ayyb. Diolch.

Google, mewn termau syml un o'r wasanaethau fyddwn i'n ddefnyddio y fwyaf ar y we. Dim byd ffansi. Hoffwn ddeud Wikipedia hefyd ond...naa...gormod o sbwriel a "gwybodaeth" amheus, er mod i'n defnyddio fo yn aml. Ac eithrio y rhain, dwi'n hoff o rhai gwefannau lleol fel http://www.nationalpost.com/, i gael newyddion dyddiol ac ati, ond dim cyswllt i chi yng Nghymru wrth gwrs.

Duw a ddywedodd:Yn eich tyb chi beth yw'r wefan orau/wasanaeth orau ar y we? Os allech ymhelaethu pam rydych yn meddwl hyn, bydde hwnna'n grêt. Gall fod o dan unrhyw gategori, e.e. newyddion, gwefan gymdeithasol, gwasanaeth trin delweddau, porwyr, gemau, peiriannu chwilio, blogiau, ayyb. Diolch.

Ai cwestiwn tric ydi hwn? Os na ddudwn ni "maes-e", byddi di'n ein gwahardd ni am byth? Ella mai dyna pam dwyt ti mond di cael un ateb! Ga'i ofyn pam ti isio gwybod?

Orcloth a ddywedodd:Ai cwestiwn tric ydi hwn? Os na ddudwn ni "maes-e", byddi di'n ein gwahardd ni am byth? Ella mai dyna pam dwyt ti mond di cael un ateb! Ga'i ofyn pam ti isio gwybod?

Na, nid trio dal neb mas. Dwi wir a diddordeb yn yr hyn mae pobl yn defnyddio'n aml/gweld yn ddefnyddiol neu'n hoffi defnyddio. Dwi'n datblygu gwefannau (nid eu dylunio) ac ar y lwcowt am syniadau da (poblogaidd). Hefyd dwi'n dipyn o gîc ac yn diddori darganfod pethe newydd ar y we.

-Diolch GD - Google yn gorfod bod yn y top 5 i mi hefyd. Am Wikipedia - cytuno ei fod yn 'amheus', ond o ran syniad gwreiddiol - wwwwww. Gan ystyried dyw Mr. Wales ddim yn cymryd clincen o'r elw - 'mazin.

Oce ta, Duw, dyma fy hoff wefannau i:-
HSBC - handi iawn i neud bob dim - talu biliau, symud arian o un cyfrif i'r llall, gweld a phrintio 'statements' (yn lle cael rhai drwy'r post).
Patient.co.uk - ordro tabledi ayyb sydd gennych ar 'repeat' - sbario i ti ffonio'r syrjeri.
E-bay - wrth fy modd yn siopa (a gwerthu weithia).
Hotmail - e-byst, newyddion, pethau diddorol weithia.
BBC Cymru - newyddion, sgoriau rygbi, tywydd Cymru.
Rownd a Rownd - pan fydda'i di methu pennod.
A maes-e wrth gwrs - am yr hwyl, gwneud ffrindiau newydd, sgyrsiau diddorol, swdocw ac am ei fod o'n Gymraeg!
Gobeithio fod hyn o ddiddordeb i ti!

Beth yw rownd a rownd?

Rhaglen ar s4c bob nos Fawrth a nos Iau am 6.30 - o na, dwi'n swnio fatha hysbyseb! - ti rioed di wylio fo? Mae'r actio'n crap ond fyddai'n licio'i ddilyn, Duw a wyr pam! Fedrai'm coelio nad wyt di clywed amdano!

Dwi ddim yn ymweld â llawer o lefydd ...

Maes-e wrth gwrs!
eBay
Craig's List yn boblogaidd iawn yma.
Hefyd Gwefan Mount Washington i checio'r tywydd ar gyfer sgio.
Blogiadur.com a blogiau Cymraeg.
Cwis fach sydyn bob bore.
Americymru
North Wales Index a Forum Wales i weld be sy'n mynd mlaen....
O..a gwefan swyddogol Sarah Brightman .

Jest wedi trio yr un cwis - gret! Nes i'n wael iawn - ddim yn sylwi bo amser yn bwysig! Diolch Mali - rhywle arall i wastraffu'm amser.

moneysupermarket/gocompare/comparethemarket ayyb. Gwych am gael yswiriant rhatach.