Ymdrech i atal cenedlaetholdeb

[Dafydd Hywel]

Mae dogfennau cyfrinachol sydd wedi eu rhyddhau o dan y Ddeddf Rhyddid Gwybodaeth yn dangos fod ymdrechion yn ystod yr Ail Ryfel Byd i ddefnyddio'r Teulu Brenhinol er mwyn atal tŵf cenedlaetholdeb yng Nghymru.

Ewch yma i gael y newyddion yn llawn.

[Cawslyd]

Difyr, de?
Lwcus eu bod nhw di methu!

[Hogyn o Rachub]

Lwcus iawn! Mae'n newyddion bach diddorol, yn fwy na syndod aruthrol. Bydd 'na ddogfennau'n dod allan mewn deugain mlynedd arall fydd yn dangos bod camau i atal cenedlaetholdeb yn digwydd rwan, mae'n siwr, er fod hyn wedi digwydd yn ystod y rhyfal.

Mae'n eitha sgeri bod y wladwriaeth yn medru cymryd y fath gamau er mwyn chwalu Cymreictod.

[Chwadan]

Mae'n eitha sgeri bod y wladwriaeth yn medru cymryd y fath gamau er mwyn chwalu Cymreictod.

Be, fatha'r Deddfau Uno a'r Welsh Not ac ati? Swn i ddeud fod hyn yn un o'r petha lleia sgeri ma nhw di neud

[Nimel]

Be, fatha'r Deddfau Uno a'r Welsh Not ac ati? Swn i ddeud fod hyn yn un o'r petha lleia sgeri ma nhw di neud

Os unrhywbeth ma'r Deddf Uno ar Welsh Not wedi cynhyrfu mwy o genedlaetholdeb ynddo ni nawr. !!!!!!

Mae hyn yn dystioleth yn ei hun bod cynlluniau'r wladwriaeth d methu.

Iei Cymreictod!!!!!!!

[Hogyn o Rachub]

Dw i mond yn lled-gytuno. I raddau helaeth dw i'n meddwl bod y llywodraeth wedi llwyddo i danseilio cenedlaetholdeb Cymreig, mewn ffordd round-about. Mae rhanfwyaf o gefnogaeth i bethau cenedlaetholgar, bethbynnag y bo, yn dod gan siaradwyr Cymraeg. Mae pethau fel y Welsh Not wedi cyfrannu tuag at chwalfa'r iaith. Mae cenedlaetholdeb wedi cynyddu ymysg siaradwyr Cymraeg yn eithaf cyson, ond erbyn hyn dim ond lleiafrif yr ydym; hyd yn oed petasai pob Cymro a Chymraes Cymraeg yn genedlaetholwyr, dyna leiafrif ichi.

Nid dweud ydw i chwaith nad yw'r di-Gymraeg yn genedlaetholwyr, achos mae llwythi ohonyn nhw yn. Ond mae'r system Brydeinig wedi llwyddo i beintio cenedlaetholdeb Cymreig fel rhywbeth ar gyfer siaradwyr Cymraeg yn unig; hyd yn oed rwan cewch chi bobl yn dweud I can't vote for Plaid cos I can't speak Welsh neu rhywbeth tebyg, er fod hynny wedi newid lot ers peth amser rwan. Ond mae'r syniad dal yng nghefn meddyliau pobl.

Yn dweud hynny, wedi i mi fynd off y pwynt yn hollol, dydi'r llywodraeth ddim wedi llwyddo i ddinistrio cenedlaetholdeb Cymreig. Dim cweit. Dim eto. A nid byth. Fe all llywodraeth wneud lot o bethau; ond fedr hi ddim newid cynnwys y galon.

[ami]

Helo. Esgusodwch fi am ateb hwyr iawn, mwy na phedair blynedd ar ôl y sgwrs gwreiddiol(!) ond dw i newydd ei sylw trwy chwilio'r we. Mae gen i ddiddordeb personol yn y pwnc gan mai fy nhaid oedd Edward Iwi, a enwyd yn yr erthygl BBC.

Dwi ddim yn cytuno gyda theimlad gwrth-cenedlaetholwyr fy nhaid, wrth gwrs (ond, cyn i unrhywun ofyn, dwi'm yn meddwl bod rhaid i mi ymddiheuro'n bersonol am weithredoedd o hynafiad a fu farw cyn fy ngeni, chwaith). Serch hynny, hoffwn i anghytuno gyda phwynt Hogyn o Rachub. Os feddylir mai dim ond rhywbeth ar gyfer siaradwyr Cymraeg yw cenedlaetholdeb, mae'n ymddangos i mi bod beio'r llywodraeth neu'r "system Brydeinig" am hynny yn rhy hawdd. Mae rhaid i genedlaetholwyr gymryd cyfrifoldeb am gyhoeddi eu neges eu hunain yn effeithlon. Er enghraifft, os nad yw Cymry di-Gymraeg yn teimlo bod Plaid Cymru ar eu cyfer, efallai mae hynny'n golygu bod rhaid i'r blaid wneud mwy er mwyn eu hatynnu nhw. Dwi'n gobeithio nid barn rhy ddadleuol ydy hyn!

Oce, diolch, dwi'n gobeithio gwnaeth hynny synnwyr, ac esgusodwch camgymeriadau ieithyddol os gwelwch yn dda - dim ond dysgwr ydw i.

[Duw]

Trueni dyw fy Nghymraeg i ddim cystal â d'un ti ami. Hoffwn gytuno 'da ti ar sawl peth. Mae gan siaradwyr Cymraeg yr hawl i gefnogi unrhyw blaid wleidyddol a ddymunant. Mae'n fy mecso pan fydd unigolion yn cymryd yn ganiataol y dylid bleidleisio i PC oherwydd rhesymau ieithyddol yn unig. Er bod y llywodraeth wedi gwneud cymaint o lanastr mysg ein cymdeithas, ni a'n plant bydd yn penderfynu dyfodol ein gwlad ac os nac ydy PC a phleidiau tebyg eraill yn lledu'r neges a dwyn perswad ar y cyhoedd yn gyffredinol, wel...

Mae hanes yn bwysig, wrth gwrs ei fod, ond i mi, yr hyn rydym yn gwneud nawr a chynllunio i'w wneud yfory a fydd yn allweddol. Dyna lle dylem ffocysu'n hymdrechion.

[Kez]

Oce, diolch, dwi'n gobeithio gwnaeth hynny synnwyr, ac esgusodwch camgymeriadau ieithyddol os gwelwch yn dda - dim ond dysgwr ydw i.

Trueni dyw fy Nghymraeg i ddim cystal â d'un ti ami.

Sori bo fi'n torri ar draws y sgwrs 'ma ond ma'r teip 'na o beth jyst yn pisho fi off - sim syndod bo pobol ddim yn ysgrifennu ne'n folon siarad Cymraeg pan fo pobol fel chi'ch dou yn mynnu nag yw eich Cymraeg yn ddigon da

Ma rhaid inni gal gwarad o'r meddylfryd stiwpid 'ma - ne stim gobaith i'r iaith!

Dyna ddiwedd fy rant - cerwch nol at bwnc yr edefyn nawr.

[Duw]

Kez, wyt ti wedi sylwi ein bod ni wedi cyfrannu ac wedi ysgrifennu. Trio rhoi compliment i ami o'n i.

Cer o 'ma'r hen ben pop.