maes-e.com

Cymro dewr, uchel ei barch a dyn o egwyddor. Cydymdeimlaf.

Teyrnged blodeuog Derec Llwyd Morgan isod...

Yr oedd Gwynfor Evans yn un o Gymry mawr yr oesoedd, yn arweinydd-weledydd di-ildio ac yn ymladdwr ffyrnig o fonheddig a oedd yn ysbrydoliaeth i bawb a ddaeth i gysylltiad ag ef. Gyda'i farw yr ydym megis yn colli Tad yn Israel.

Meddai Llywydd Plaid Cymru, Dafydd Iwan,

“Mae Plaid Cymru wedi tristhau heddiw o glywed y newyddion am farwolaeth Gwynfor Evans. Mae’r newydd wedi ei dderbyn a thristwch mawr gan bawb ym Mhlaid Cymru sydd wedi eu hysbrydoli gan Gwynfor dros y blynyddoedd i weithio dros Gymru ac i greu cenedl y gallwn fod yn falch ohonni.

“I aelodau a chefnogwyr Plaid Cymru yn hen ac ifanc, roedd Gwynfor Evans yn arweinnydd ysbrydol ac fe fydd yn parhau i fod. Mae’n amhosibl gor-bwysleisio cyfraniad unigryw Gwynfor i adeiladu Plaid Cymru i’r blaid ydi hi heddiw. Ef oedd pensaer y Blaid Cymru fodern ac fe droth y blaid i fod yn rym etholiadol credadwy pan gafodd ei ethol yn Aelod Seneddol yn 1966.

“Gwynfor oedd cynhaliaeth y Blaid yn ystod blynyddoedd llwm y 50au a’r 60au. Mae’n wir i ddweud heb Gwynfor wrth y llyw na fyddai Plaid Cymru wedi llwyddo mewn etholiadau ac ymgyrchoedd yn y blynyddoedd diweddar.

“Mae ei ddylanwad i’w deimlo ymhell tu hwnti i ffiniau gwleidyddiaeth bleidiol. Ni fyddai Cymru y wlad yw hi heddiw - yn wir mae’n bosib na fyddai yn wlad o gwbwl - heb waith a dyfalbarhad Gwynfor.

"Roedd Gwynfor Evans yn ddylanwad enfawr ar fy naliadau gwleidyddol. Roedd yn arweinydd cenedlaethol ymhob ystyr y gair. Bydd colled fawr ar ol ei ddoethineb a’i arweiniad ond bydd ei ysbrydoliaeth yn aros gyda ni am byth. Mae’n cydymdeimlad ni oll gyda’i wraig Rhiannon a’i deulu.”

Ei gyfraniad yn enfawr, yn hanfodol ac amhrisiadawy, ac yn gwbl ganolog.
Cydymdeimladau a'r teulu.
Diolch yn fawr, Gwynfor.
Hwyl ar dy daith.

Dyn sy'n haeddu diolch pob Cymro. Pob cydymdeimlad a'r teulu.

Mae ein dyled yn anferth i'r cawr o ddyn yma.
Parch a diolch o waelod calon iddo am bopeth nath o droston ni.

Efallai fod Gwynfor wedi'n gadael, ond oherwydd ei waith diflino mi gawsom ni S4C ac yna y Cynulliad.

Y cofeb mwyaf haeddianol i wr mor arbennig, a chyfranodd cyn gynmaint i'w wlad fyddai Senedd i Gymru gyda grymoedd go iawn!

Diolch amdano, ei weledigaeth a'i ysbrydoliaeth - arwr yn wir ystyr y gair.

Yr Iesu sydd yn casglu blodau - heddiw gasglodd un o'r gorau.

Dyw dweud diolch ddim yn teimlo fel digon.....

Diolch am bopeth.

Arwr mwya Cymru si di bod ers Glyndwr. Colled enfawr i'r genedl. Man saff i weud taw (yn rannol) i Gwynfor mar diolch bod yr iaith dal yn fyw, a bo efo ni chydig o hawliau fel cenedl.

Cydymdeimlaf efo'r teulu.

Parch.

Goleuodd y llwybr, arweiniodd y ffordd, ysbrydolodd.