Diwedd Pantycelyn???

[Clebryn]

Mae'r stori wedi cael coverage yn Golwg heddiw!
Os unrhywun yn meddwl geiff hyn unrhyw effaith ar yr awdurdodau priodol i ail ystyried eu penderfyniad i gymryd y cadeiriau?

[Barrar]

Ma'r 'coverage' yn golwg yn shit! ma'n neud i ni fyfyrwyr swnio'n hollol 'petty' a phlentynaidd, yn pwdi coz bo ni'n gorfod ishte ar y llawr!

[Gregory]

Be sydd i ddod nesa tybed? Bwrw pantycelyn i cael 'skyscraper' fel gallen llenwi hi gyda mwy o fyfyrwyr? Mae'r coleg ma yn fusnes iddyn nhw - a'r myfyrwyr sy'n talu mas trw'r amser! Sdim ots da nhw oni bai am ££!

[gesiwch pwy!]

GWARTH yw'r unig air ynglyn a'r ffaith nad yw'r warden yn mynd i'r cinio- dangos yn bendant beth yw ei hagwedd hi (ac un neu ddau o'r is wardeiniaid fyd!!) tuag at y neuadd

[Iwan Rhys]

Fi yw Is-Bennaeth Pwyllgor Myfyrwyr Neuadd Pantycelyn. Oes, ma tipyn o ffwdan 'di bod ma, i ddweud y lleia. Ma'r stori yn Golwg braidd yn gachlyd, i fod yn onest.

Dyma beth sy wedi digwydd o ran y cadeirie:

Cafodd 4 cadair eu torri ar y nos Fawrth cyn yr etholiad cyffredinol, a'r diwrnod wedyn penderfynodd y Warden newydd symud gweddill y cadeiriau o'r lolfa a'u cloi (yn y selar, fi'n credu).

Cafwyd cyfarfod pwyllgor neuadd ar y nos Fercher, a gwahoddwyd y Warden ac un o'r Is-Wardeiniaid i'r cyfarfod. Gwnaed yn glir bod y pwyllgor yn gryf yn erbyn y penderfyniad o symud y cadeiriau, ond ni chymerwyd sylw o hyn gan y tîm wardeinio.

Hollol hurt ac anheg yw cosbi 260 o fyfyrwyr ar sail gweithred ambell unigolyn.

Yn gyffredinol, mae'r is-wardeiniaid wedi bod yn gymharol anweledig yn ystod y flwyddyn academaidd. Rwyf i'n gwybod pwy ydyn nhw gan i mi eu cyfarfod nhw ar ddechrau'r flwyddyn yn rhinwedd fy swydd fel Is-Bennaeth y Pwyllgor, ond mor ddiweddar â phythefnos yn ôl doedd tua tri chwarter y myfyrwyr ddim yn gwybod pwy oedd yr is-awrdeiniaid.

Sai ishe bod yn bersonol, achos rwy 'di dod mlaen yn iawn 'da'r rhan fwya ohonyn nhw, ond fel un sy'n cymysgu gyda myfyrwyr Panty, dyna'r ymateb cyffredinol oeddwn i'n clywed.

Roedd y Warden newydd di bod yn byw ma ers 4-5 wythnos heb iddi gylfwyno ei hunan i'r myfyrwyr (heblaw am y rhai sydd ar y pwyllgor), ond roedd hi dal yn mynd rownd yn rhoi dirwyon allan i fyfyrwyr am neud swn yn "oriau mân y bore" (aka 1 y bore). Dychmygwch fod yn fyfyriwr 20 oed, wedi bod mas yn cael peint neu ddau (!) yn dod nol i'ch cartre (Panty) dan ganu, ac yn gweld menyw ganol oed hollol ddieithr yn dod atoch chi ar y coridor, yn rhoi stwr/row i chi, ac yn rhoi dirwy o £50 i chi! Ma'r peth yn hollol hurt.

Y myfyrwyr, yn y diwedd, benderfynodd alw cyfarfod neuadd i ni gael cwrdd â'r Warden newydd a'r is-wardeiniaid (eitha doniol/trist oedd gweld yr is-wardeiniaid yn cyflwyno eu hunen ar ôl bod yma am 9 mis!). Lleisiwyd y farn yn gryf gan nifer fawr o'r myfyrwyr nad yw hi'n deg dwyn y cadeiriau oddi wrthym, a ninnau heb wneud dim yn anghywir. (tybiaf yn gryf nad yw'r rhai sy'n torri cadeiriau yn "boddyrd" i droi lan i gyfarfod neuadd).

Galwyd y mater yn "fater cymharol ddibwys" gan un o'r is-wardeiniaid. Digon hawdd iddo fe siarad - ma ganddo fe ei lolfa fach ei hun. Nid mater dibwys yw hyn o gwbwl. Hwn yw'n cartre ni, a'r lolfa fawr yw canolfan ein cymuned ni.

Ar hyn o bryd, mae'r rhai sydd yn mynd i'r lolfa yn gorfod eistedd ar lawr. Yn waeth yw'r ffaith bod nifer fawr bellach yn cadw draw o'r lolfa, ac mae'r gymuned yn chwalu.

Mae'n hollol wir bod angen Warden ar Bantycelyn sydd ond yn warden ar Bantycelyn. Ac mae angen tîm cryf o is-wardeiniaid sydd yn ymdreiddio i'r gymuned.

Mae'r Warden newydd am i'r myfyrwyr allu mynd at un o'r tîm wardeinio i siarad os oes problem. Iawn. Ond i wneud hyn, mae angen bod y tim wardeinio a'r myfyrwyr yn
(i) adnobod ei gilydd, a
(ii) parchu ei gilydd.

Credaf bod camau disgyblaethol y Warden newydd wedi troi'r myfyrwyr a'r tim wardeinio yn erbyn ei gilydd, ac mae cryn dipyn o atgasedd yn bodoli.

Fe allwn i fynd yn bersonol iawn, gan sôn am briofiadau personol, ond wna i ddim o hynny. Fe wna i setlo ar ddweud 'mod i'n credu bod agwedd gyffredinol y Warden newydd at 270 o fyfyrwyr 18-22 oed yn hollol amhriodol, anheg ac anghywir.

Yn y cyfamser, mae myfyrwyr sy'n talu £2,800 i fyw 'ma, yn gorfod eistedd ar lawr i ddarllen papur neu wylio teledu yn y lolfa fawr. Dim ond pythefnos a hanner sydd ar ol o'r tymor, a bydd myfyrwyr y drydedd, sydd wedi talu £8,400 i fyw ma am dair blynedd, yn gadael gyda blas cas iawn yn eu cegau.

Dyna eitha digon o rant am nawr, rwy'n credu!

[Selador]

Os mai'r ddelfryd o deulu cymunedol o fewn eich neuadd yw'ch syniad o fywyd mewn Neuadd Breswyl, mae'n bryd ichi sylwi syd fyd dani'n byw ynddo fo. Bedi pwynt pwdu achos bod y warden ddim yn dwad i'r cinio? Pam eich bod chi'n poeni am hyn? Problem fwya Pantycelyn ydi'r myfyrwyr eu hunain, mae'r rhan fwyaf yn benau bychain hollol fabiaidd sy'n anfodlon cymeryd unrhyw gyfrifoldeb dros unrhywbeth ac yn disgwyl i bobl eraill blygu i'w dymuniadau nhw trwy'r adeg.
Malu cadeiria - a wedyn cwynno eu bod nhw'n eu tynnu nhw o na.
Difrodi eiddo - a cwynno am y ffein. (Gyda llaw, os ydych chi'n byw ar goridor lle mae rhywbeth wedi malu, mae'n anghyfreithlon i'r warden ffeinio'r coridor i gyd.)
Wedi byw ym Mhantycelyn am 4 mis, wedyn symyd ona oherwydd bod y lle mor annioddfol, gallaf ddeud modi'n synnu dim at agwedd ddirmygus y warden newydd tuag at y lle.

[Gwenllian]

Dim pantycelyn ydi'r unig le, coeliwch chi fi!! Mai'n rhemp yn jmj ma hefyd! Ma bawb yn y neuadd wedi cael dirwy o £20 heddiw am fod na haliwrs bach yn y flwyddyn gynta wedi difetha'r canllaw grisiau wrth daflu troli siopa drwyddo! Swnio yn ddigri ella, ond ni sy'n gorfod talu y dirwy o £3000!

[Ramirez]

haliwrs bach yn y flwyddyn gynta wedi difetha'r canllaw grisiau wrth daflu toli siopa drwyddo!

shot !!

[Manag Werdd]

Iwan Rhys, dwi'n cytuno 100% efo'r holl betha ti di ddeud. I'r rheiny ona chi sy di sgipio'r rhan fwya o'r negeseuon, darllenwch neges Iwan Rhys. A Selador, trist ydi clywad dy fod ti wedi bod yn anhapus yma, ond mae gena chdi ragfarn yn erbyn y lle achos ryw 1% o'r myfyrwyr sy'n byw yma. Ma'r rhan fwya ona ni'n bobol iawn sy'n licio mwynhau eu hunain heb fandaleiddio cadeiria'r lolfa nac unryw eiddo arall Pantycelyn.

[Pioden_Wen]

Sori Selador ond dwyt ti'n gwybod dim! Dwi wedi bod yn byw yma ers 2 flynedd heb broblem o gwbwl - yn ddiweddar mae pawb yn cael ffrae a dirwy am bethau hollol ddiniwed!! Os wyt ti yn gweld Pantycelyn yn anioddefol mae'n debyg mae ffael ynot ti ydi hyn a ddim ym Mhantycelyn!! Mae'n debyg dy fod yn un o'r rhain sydd yn hollol anweledig i bawb sydd ym Mhantycelyn a does neb yn gwybod pwy wyt ti gan dy fod wedi anwybyddu bywyd cymdeithasol Pantycelyn yn llwyr. Mae pawb arall wrth eu boddau yma! Dydw i ddim yn meddwl fod y warden newydd yn deall teimlad Pantycelyn yn iawn eto...mae hyn yn hollol amlwg.
Mae rhai pobol yn gwneud pethau gwirion ond pam fod pawb yn cael eu cosbi am hyn? Mae hi fel mynd yn ol i'r ysgol gynradd yma! Un peth sydd yn bwysig i'w gofio ydi mae lleiafrif o' staff sydd yn actio yn angrhedadwy o negyddol...mae'r mwyafrif fel Dilys a staff y gegin a glanhau yn parhau fod mor bositif a chwrtais ac erioed.
Come on Panty...ddown ni dros hyn debyg!!