Diwedd Pantycelyn???

[Gwenllian]

Cytuno 100% gar, ma'r peth yn gywilyddus! Yn y lle cyntaf dydio ddim yn iawn fod y coridorau yn cael eu feinio am rhywbeth mae un person ar y coridor hwnnw wedi neud (neu hyd yn oed rhywun o'r tu allan!). Diffyg diogelwch dwi'n meddwl ydio, a ma isho cael gwared o'r twats na yn y flwyddyn gynta sydd wedi tynnu allan o'u cwrs coleg, ond eto yn byw yn JMJ, yn difetha'r lle yn racs ac yn chwalu'r gymdeithas yma!

[twmffat]

O stopiwch gwyno y babis. Mae'n neis gweld rhywun yn sefyll lan yn erbyn y coclyfwyr bondygribwyll o Bantycelyn. Mae'r bobl fi'n adnabod o Pantycelyn yn gallu cael eu rhannu mewn i ddau grwp. Y rheini sy'n meddwl eu bod yn cwl am feddwi'n gachu bob nos ac am roi nicknames shite i'w gilydd tra'n bod yn glicaidd a troi mewn i ffyliaid ddwrngarol dan-dîn, a'r rheini sy'n ffeindio rhywle arall i fyw cyn gynted â phosib.

Fi wedi gweld pobl digon teidi yn mynd mewn i Pantycelyn a dod mas y pwrsod mwyaf yn hanes. Ffatri Pwrsod yw'r lle. Pantyculyn dyle enw'r lle fod achos y rhai sy'n gadael yn meddwl bod y lle yn wych yw'r pobl mwyaf cul fi'n adnabod.

[Manag Werdd]

Ma huna'n agwedd braidd yn drist tuag at fyfyrwyr Pantycelyn twmffat. Tydi Pantycelyn heb newid fi fel person, dwi'n yr un boi ac on i yn ysgol. Tra bod fi'n cytuno bod mynd allan yn agwedd flaenllaw o brif gymdeithas Pantycelyn, ma na gymdeithasau eraill yn cyd-fodoli yma. A does na ddim drwgdeimlad rhwng gwahanol griwiau. Ma'r stereoteip o fyfyriwr Pantycelyn braidd yn naiif - dydi o ddim gwahanol mewn gwirionedd i fod mewn ysgol, gyda gwahanol grwpiau â gwahanol ddiddordebau.

Ar ddiwadd y dydd, ma angen i chdi fod llai chwerw am betha ddylsa ddim dy boeni di. Ma bywyd rhy fyr.

[Pioden_Wen]

Rhaid i mi gytuno hefo Maneg Werdd yma. Dydw i ddim yn meddwl bod i wedi newid ers gadael yr ysgol. Datblygu do... ond dim newid. Mae pawb hefo diddordebau gwahanol yma a dydw i ddim yn deall pam fod llawer yn mynd mor flin am y peth. Ma rei pobol yn licio mynd allan a meddwi - rhei ddim...pam fod angan i bawb ddadla am beth sydd yn iawn?
Mae'n amlwg nad ydi twmffat erioed wedi mynychu Pantycelyn fel myfyriwr, oherwydd mae'n hawdd iawn cael camargraff ar y lle ar nos sadwrn, hefo llawer o bobol o'r tu allan yn dod i mewn ac yn aml yn creu difrod. Dydi hyn ddim yn rhoi argraff dda iawn ar bobol.
Yn y diwedd, lle i ni aros ydi Pantycelyn, a dydw i bendant ddim y 'no. 1 fan' o'r lle, ond ma na riw deimlad fod pawb yn dalld i gilydd yno dwin meddwl. Anodd iawn i bobol o'r tu allan ddeall hyn.

[Iwan Rhys]

Twmffat, ma dy agwedd di braidd yn naîf, i ddweud y lleia.
Wrthgwrs mae na wahanol deip o bobol ym Mhantycelyn, fel sy na mewn unrhyw gymuned/gymdeithas. Mae'n amhosib rhannu pawb mewn i 2 grwp felna, a'u stereoteipo nhw'n llwyr.

Ti'n gweud lot o sens, Maneg Werdd. Ma'r rhan fwya o'r rhai sy'n mynd drwy Panty y datblygu fel cymeriad, ond anamal ma rhai yn newid yn llwyr (er fod na rai).

I ategu beth ddwedodd Maneg Werdd eto, ma mynd allan rownd tafarne yn rhan weddol bwysig o'r cymdeithasu sy'n mynd ymlaen 'da pobol Panty (ac ex-panty sy'n byw yn y dre), ond ma llawer mwy na hynna hefyd. Ma tim rygbi, tim pel droed, tripiau rygbi unwaith y flwyddyn, cymdeithas lenyddol, undeb cristnogol, cor (cymysg, merched, bechgyn), danwsio gwerin, cwis y geltaidd, cinio nadolig, cinio gwyl ddewi, cinio diwedd blwyddyn, ayyb. Heb son am wneud eich trefniade eich hun i gymdeithasu h.y. mynd allan / sinema neu rywbeth ad hoc.


Selador,

Hefyd, ti'n dweud mae'ch pwyllgor chi sy'n gyfrifol am fyfyrwyr Pantycelyn, a dy fodi'n ymwybodol o rhwng 2 a 10 o bobl sy'n malu pethau yn eithaf aml (Pob un o'r rhain wedi malu rhwng 2 a 10 cadair yr un yn ol dy ffigyrau di). Pam wnewch chi ddim darganfod pwy yw'r rhain a'i disgyblu?

(i) nid y ni sy'n gyfrifol amdanyn nhw. Ni di cael ein hethol i'w cynrychioli nhw.
(ii)all rhywun o'r pwyllgor neuadd, na'r tim wardeinio ddim bod yn bresennol yn y lolfa/coridorau drwy'r amser, felly mae'n anodd gwybod yn union pwy sy'n torri beth. Felly allwn ni ddim dechrau dirwyo pobol jyst achos eu bod nhw di neud rhwbeth tebyg yn y gorffennol.
Pam na allwn ni ddarganfod pwy yw'r rhain . . ? Ry' ni wedi trio darganfod, ond heb lwyddo. Ry'm ni'n gwthio i gael camera diogelwch yn y lolfa (ac roedd y mwyafrif llethol yn y cyfarfod neuadd yn cytuno), fel y gellir, yn y dyfodol, cosbi'r rhai euog yn unig, a nid y di-euog. Gyda camera yn y gornel, credaf y bydd llawer llai o bethau'n cael eu malu beth bynnag. Mae'n drist bod hyn yn gorfod digwydd, ond mae'n decach na chosbi pawb.

Symyd i ffwrdd o'r pwynt penodol yma braidd, ond ffars y'w teulu Pantycelyn ma dachin son amdano drwy'r adeg. Mae rhyw 20 o bob blwyddyn yn ran ohono, lle mae gweddill y preswylwyr?

20? allan o 270? na, sori boi, ond ti'n anghywir. Fel ddwedest ti, dim ond 4 mis fuest ti ma. Rwy di bod ma am dair blynedd. Dyw e ddim yn un teulu mawr o 270, full stop, nadi. Mae'n ffigwr rhy fawr. Mae'n gymuned o 270, ac o fewn y gymuned, ma na grwpiau o ffrinide, gyda gwahanol gysylltiade rhwng y grwpie - cariadon, gwneud yr un pwnc, aelod o'r un cor, ayyb. Ma llawer mwy na 20 yn "nheulu" pantycelyn.

Wedi dweud hyn ma'r gair "clici" yn gallu ffitio wrth ddisgrifio pantycelyn yng nghyd-destun myfyrwyr aber i gyd.

Ramirez ddwedodd:

dwi di siarad efo lot o bobol sy'n honni mai symud allan a ffendio ty odd y peth gora nathonw yn coleg.

Hollol wir, mae'r rhan fwya (nid pawb) rwy'n nabod sy di byw ym Mhanty am flwyddyn neu ddwy neu dair cyn symud i'r dre yn dweud mai symud i'r dre oedd y peth gore nethon nhw. Ond rwy'n tybio na fyddai braidd neb o'r rhain yn dyfaru dod i Bantycelyn i ddechrau, cyn symud i'r dre. Mae dod i Bantycelyn gynta yn rhoi llawer mwy o gyfle i chi ddod i nabod llawer mwy o bobol. Wedyn erbyn yr ail/drydedd flwyddyn, rych chi di setlo, yn gwbod eich ffordd rownd, yn gwbod pwy yw'ch ffrindie ac felly'n gallu trefnu i fyw mewn ty gyda nhw ayyb. Os byddech chi'n mynd i fyw mwen ty yn syth, falle na fyddech chi'n dod mlan gyda'r rhai sy'n byw 'da chi, fydech chi ddim yn dod i nabod gymaint o bobol mor hawdd, a fyddech chi ddim yn dod i wybod mor hawdd ynglyn â gwahanol gymdeithasau / gigs / cyfarfodydd / umca ayyb.

Gyda llaw, rwy'n mynd i fyw mewn ty yn y dre y flwyddyn nesa, ac rwy'n methu aros!

[Iwan Rhys]

Mae'r bobl fi'n adnabod o Pantycelyn yn gallu cael eu rhannu mewn i ddau grwp. Y rheini sy'n meddwl eu bod yn cwl am feddwi'n gachu bob nos ac am roi nicknames shite i'w gilydd tra'n bod yn glicaidd a troi mewn i ffyliaid ddwrngarol dan-dîn, a'r rheini sy'n ffeindio rhywle arall i fyw cyn gynted â phosib.

Ti'n amlwg ddim yn gwbod am beth ti'n sôn. Sai'n hoffi stereoteipo, ond os wyt ti'n mynnu gwneud hynny:

- y math o bobol sy'n meddwi'n gachu bob nos etc, yw'r rhai sy'n fwya parod i "ffeindio rhywle arall i fyw cyn gynted â phosib".

- y math sy'n dueddol o aros ym Mhanty am dair blynedd, ar y cyfan, yw rhai chydig (gyda phwyslais ar y chydig) tawelach. (er, ma pawb yn gallu meddwi'n gachu bob hyn a hyn, wrth gwrs! - heb falu cadeiriau!)

Dere draw i goridor y ffynnon, Pantycelyn, i gael sgwrs da bois y drydedd, a wedyn penderfyna os ydyn ni'n bobol sy'n meddwi'n gachu bob nos, yn rhoi nicknames shite i'n gilydd, yn bod yn glicaidd, ac yn ffyliaid dwrngarol dan-dîn.

[Manag Werdd]

Wel sed Iwan, dwi'm yn meddwl fedrith na neb ddadla efo be ti newydd ddeud.

[Dyn Gwyn Gwirion]

Fi wedi gweld pobl digon teidi yn mynd mewn i Pantycelyn a dod mas y pwrsod mwyaf yn hanes.

Dwi yn enghraifft dda o hyn. Ar ol dwy flynedd, pwrs ydwyf. Pwrs, pwrs, pwrs.

Cytuno i'r carn efo Selador a Ramirez. Does gen i ddim mynadd dadlau am hyn am y canfed gwaith, achos mae dadlau efo pobl sydd efo'r un agwedd a Pioden-Wen fatha siarad efo wal frics. Mae agweddau fel'na jyst yn profi os ydach chi'n meiddio trio bod ychydig yn wahanol yn Pantycelyn, os ydach chi'n meiddio torri i ffwrdd o'r stereotype, 'da chi apparently yn...

gwybod dim!

ac...

Os wyt ti yn gweld Pantycelyn yn anioddefol mae'n debyg mae ffael ynot ti ydi hyn a ddim ym Mhantycelyn!!

A pha ryfedd?

Mae pawb arall wrth eu boddau yma!

Wrth gwrs ein bod ni! Hive mind Pantycelyn, oll yn gytun, oll yn mwynhau'r 'gymdeithas agos', oll yn ran o'r 'aelwyd'. Resistance is futile.

Ochenaid.

Beth bynnag, ia, mae'r arch-fitsh newydd 'ma yn boen mawr yn y pen-ol, mae'n ymddangos, ond dydi ei hymddygiad ddim yn fy synnu. Mae hi'n ffitio i mewn yn iawn ym Mhantycelyn.

[Manag Werdd]

Ma'n rhyfadd sylwi bod na neb ond y grwp lleiafrifol anhapus yn cwyno am y math arall o fyfyrwyr Pantycelyn. Da chi'n gweld problam lle does na ddim, rili. I fi, pam fedrith pawb ddim jysd gneud be ma nw isho, heb boeni am be ma pobol erill yn neud? Da chi jysd yn trio swnio'n hard done by. Da chi'n ddigon parod i gal go ar y rhei sy'n mynd allan a meddwi bob nos, ond fyswn i byth yn stoopio i lefel chi a cal go ar y rhei sy ddim - dwi'm yn gweld un o'r ddau beth yn fwy cwl na'r llall. Pawb yn wahanol, derbyniwch huna. Ma'r edefyn yma'n neud fi'n flin wan.

[Dyn Gwyn Gwirion]

Wnes i ddim cwyno am bobl yn mynd allan i feddwi bob nos. Dwi ddim yn poeni am hynny. Dwi jyst ddim yn hapus fod 'na bron i neb ym Mhantycelyn fedra i uniaethu efo nhw, a pan dwi'n cwyno am hynny, mae pobl yn dechra mynd yn flin efo fi. Dwi ddim isio dumbio fy mhersonoliaeth lawr i ffitio mewn - dwi ddim isio gwisgo crys rygbi efo glasenw ar y cefn, dwi ddim isio bangio ffyrc ar y bwrdd yn y ciniawau bondigrybwyll, dwi ddim isio canu yn y Cwps, dim achos dwi'n anti-social, ond mai dim dyna'r math o foi ydw i. Os dwyt ti ddim yn dallt pam, wnei di byth wneud mae'n debyg, ac mae hwnna'n ddigon teg, ond dwi ddim yn licio pobl yn gweld bai arna i am beidio gwneud. O fy sabwynt i, mwyafrif myfyriwyr (a staff) Pantycelyn sydd ddim yn gallu dallt fod pawb yn wahanol.

Dolig diwethaf, aeth fy ffrindiau a fi i swyddfa Pantycelyn i ddeud nad oedd awydd ganddom ni i fynd i'r cinio Dolig (achos nad oedden ni wedi mwynhau'r un y flwyddyn ganlynol o gwbl), a wnaeth Dilys jyst ddechrau roi ffrae i ni mwy neu lai, a'n galw ni'n 'jibbers'. Yr agwedd yna sy'n pisio fi off - os 'da chi ddim yn ffitio mewn i criteria Pantycelyn, does dim croeso i chi yna, mae'n ymddangos i mi.