Gwahardd Ysmygu mewn Mannau Cyhoeddus

[S.W.]

Mae'r Cynulliad wedi pleidleisio lot yn nol o blaid y syniad o wahardd ysmygu mewn mannau cyhoeddus yng Nghymru.

Dwi'n cytuno gyda hyn, er efallai gallaf gydymdeimlo gyda'r syniad o gael stafel mewn tafarn i ysmygwyr. Ond mae'r garfan o blaid ysmygu wedi bod yn dweud bydd gwahardd ysmygu hwn yn ddrwg i fusnes tafarndai yng Nghymru.

Pam?

Os yw pob tafarn yn gwahardd ysmygu yna does neb yn dioddef ar draul tafarn arall, mae pawb ar yr un lefel. Gall yr ysmygwyr fynd tu allan am smoc sydyn.

[Cwlcymro]

Ma'r pobl pro-smocio yn trio dadla bydd yn well gan smocars aros adra efo 6 pack o Oranjabwm a pacad o Marlbo Lites na mynd i pyb a gorfod mynd tu allan am smoc. Bolycs dduda i!

[Wilfred]

Ma'n gweithio'n gret yn Iwerddon.

[Mwnci Banana Brown]

Yn gwmws. Bues i'n Iwerddon mis dwetha lle ma ysgymu di cal i wahardd ym mhob man cyhoeddus, a wedd y tafarne yn le lot gwell i fod ynddo. Dim smel mwg ymhob man a wedd pob man yn teimlo'n fwy glan. Sylwes i fod pawb odd yn smygu jyst yn mynd mas am un fach cloi. Amharu biti fod dim gyda'r ffaith 'u bod nw mas mewn tafarn.

[Ramirez]

y broblem fwyaf efo gwahardd ysmygu mewn tafarndai (yn enwedig yn iwerddon efo'r holl guinness) yw fod pob rhech ganwaith gwaeth. coeliwch fi.

[Gwyn]

Beth am yr effaith ar y diwydiant cheewing gum? Ewn nhw i'r wal. Oes rhywun wedi ystyried hyn?

[Mwnci Banana Brown]

Beth am yr effaith ar y diwydiant cheewing gum? Ewn nhw i'r wal. Oes rhywun wedi ystyried hyn?

Ie, ond bydd y ffaith bo neb yn smygu yn meddwl bod mwy yn gallu chewan chewing gum- ma'n anodd neud y ddau ar yr un pryd. So, bydd y diwydiant yn aros fel y mae.

Falle!

[Darth Sgonsan]

y broblem fwyaf efo gwahardd ysmygu mewn tafarndai (yn enwedig yn iwerddon efo'r holl guinness) yw fod pob rhech ganwaith gwaeth. coeliwch fi.

y ddadl orau eto o blaid caniatau i bobol amsugno marwolaeth

[Cath Ddu]

Mae'r Cynulliad wedi pleidleisio lot yn nol o blaid y syniad o wahardd ysmygu mewn mannau cyhoeddus yng Nghymru.

Gadwch lonydd i bobl wir Dduw.

Os di siop, tŷ bwyta, caffi neu dafarn am wahardd ysmygu yna rhwydd hynt iddynt - ond deddf gwlad?

Dwi ddim yn ysmygu OND dwi ddim yn credu fod dim o'i le ar yr hawl i gael smoc bach sydyn efo'ch peint neu efo panad yn Caffi Cei. Os am ysgoi mwg yna mae yna ddewis eang o gaffis eraill yn y dref nad ydynt yn caniatau ysmygu.

Dwi hefyd yn amheus iawn o'r ddadl fod staff y bar yn dioddef 'passive smoking' - fel cyn dafarnwr fy mhrofiad oedd fod cael staff NAD oeddynt yn ysmygu yn anodd ar diawl.

Mae'r ddadl hon hefyd yn esiampl o'r llywodraeth yn honni gwneud rhywbeth am y broblem ysmygu tra'n gwneud dim mewn gwirionedd. Mae ystadegau'n dangos fod merched ifanc (16-25) yn dangos lefelau uwch o ysmgygu na bron unrhyw garfan o gymdeithas. Pam ddim taclo'r broblem fan hyn? Gormod o gyllid y trysorlys da fygythiad efallai? Ac wrth gwrs mwy o 'headlines' mewn ban nag a geir mewn mynd i'r afael â'r broblem go iawn.

[S.W.]

Mae'r Cynulliad wedi pleidleisio lot yn nol o blaid y syniad o wahardd ysmygu mewn mannau cyhoeddus yng Nghymru.

Gadwch lonydd i bobl wir Dduw.

Os di siop, tŷ bwyta, caffi neu dafarn am wahardd ysmygu yna rhwydd hynt iddynt - ond deddf gwlad?

Dwi ddim yn ysmygu OND dwi ddim yn credu fod dim o'i le ar yr hawl i gael smoc bach sydyn efo'ch peint neu efo panad yn Caffi Cei. Os am ysgoi mwg yna mae yna ddewis eang o gaffis eraill yn y dref nad ydynt yn caniatau ysmygu.

Dwi hefyd yn amheus iawn o'r ddadl fod staff y bar yn dioddef 'passive smoking' - fel cyn dafarnwr fy mhrofiad oedd fod cael staff NAD oeddynt yn ysmygu yn anodd ar diawl.

Mae'r ddadl hon hefyd yn esiampl o'r llywodraeth yn honni gwneud rhywbeth am y broblem ysmygu tra'n gwneud dim mewn gwirionedd. Mae ystadegau'n dangos fod merched ifanc (16-25) yn dangos lefelau uwch o ysmgygu na bron unrhyw garfan o gymdeithas. Pam ddim taclo'r broblem fan hyn? Gormod o gyllid y trysorlys da fygythiad efallai? Ac wrth gwrs mwy o 'headlines' mewn ban nag a geir mewn mynd i'r afael â'r broblem go iawn.

Ond ym mha ffordd bydd bwahardd ysmygu ymhob tafarn yng Nghymru yn golygu bydd tafarnwyr yn neud colled? Siawns bydd pob tafarn yn yr un sefyllfa, a dwi'n amau os bydd ysmygwyr i gyd yn aros adre just ermwyn cael smoc mewn stafell.