Oes angen plaid genedlaetholgar adain dde?

[S.W.]

S.W. :
Dyfyniad:
Cath Ddu
Mae hyn yn sicr yn wir yn fy achos i!


Ti ddewisiodd ymuno a nhw! Be am i ti newid dy feddwl a'u gadael?! Yn enwedig o feddwl bod Cameron di datgan bod ei blaid am ymgyrchu yn ERBYN chwaneg o bwerau i'r Cynulliad a'i fod yn erbyn Rhanbartholi.


Bod yn ysgafn oedd fy mwriad. Dwi'n ddigon hapus yn fy nghartref gwleidyddol, ond diolch am yr awgrym.

Dim probs. Cofia ofyn os ti isio mwy o awgrymiadau rhywbryd!

S.W. :

Maen bosib bod Wyn Roberts wedi cael gryn ddylanwad ar y llywodraeth Doriaidd pan roedd y dyn ar ei anterth ar bethau'n ymwneud a Cymreu a'r Iaith Gymraeg (megis S4C) ond wedyn rhaid meddwl pwy ddylanwadodd arno fo i bwyso arnynt o'r tu fewn? Gwynfor Evans efallai?


Nid cywir yw dweud 'digon posib' - fe gafodd ddylanwad. Collodd Gwynfor ei sedd yn 1979, bu dylanwad Wyn Roberts o fewn y Swyddfa Gymreig o 1979 hyd 1994 - ni chredaf fod dylanwad Gwynfor wedi bod yn drwm arno a dweud y gwir.

Ond roedd ei effaith yn parhau yn sylweddol wedi iddo adael y ty. Pan wnaeth o fygwth ymprydio ac ati dwin credu bu i Wyn Roberts fod digon craff i weld effaith posibl hyn ar sefyllfa'r Blaid Geidwadol yng Nghymru a gweithredu ar hynny.

Eniwe, nol at y drafodaeth am 'Plaid Genedlaethol Asgell Dde' fel maen deud ar y teitl.

[Cath Ddu]

Ond roedd ei effaith yn parhau yn sylweddol wedi iddo adael y ty. Pan wnaeth o fygwth ymprydio ac ati dwin credu bu i Wyn Roberts fod digon craff i weld effaith posibl hyn ar sefyllfa'r Blaid Geidwadol yng Nghymru a gweithredu ar hynny.

Cytuno efo hyn 100%. Ond 1980 oedd hyn, bu cyfraniad a gwaith Wyn Roberts yn sylweddol o hynny tan 1994 ac ni chredaf fod modd priodoli hynny i ddylanwad Gwynfor Evans.

Eniwe, nol at y drafodaeth am 'Plaid Genedlaethol Asgell Dde' fel maen deud ar y teitl.

Dwi'n meddwl am hwn ar hyn o bryd - llawer mwy difyr na gweithio!

[Hedd Gwynfor]

Efallai wir, oes unrhyw un yn gallu trafod gwleidyddiaeth yn wrthrychol? Byddai'n ddiddorol felly gwybod faint o ddatganoli y mae Guto Bebb yn bersonnol am ei weld yma yng Nghymru. Statws Dominiwm?

Ni chredaf mai cyfrinach yw'r ffaith fy mod yn dymuno gweld y Cynulliad yn datblygu i fod yn Senedd at batrwn yr Alban a hynny yn weddol fuan.

Gwych. Ond pa mor bell wyt ti am fynd?

Byddai Plaid Genedlaethol adain dde newydd yn cefnogi annibyniaeth i Gymru yn yr hir-dymor?

[S.W.]

Byddai Plaid Genedlaethol adain dde newydd yn cefnogi annibyniaeth i Gymru yn yr hir-dymor?

I fod yn deg Hedd mae hynny'n amhosib i ateb o feddwl nad yw plaid o'r fath yn bodoli. Oni bai bod Y Gath yn bwriadu neud John Marek a dechre Plaid ei hun a fydd yn dilyn union polisiau y Gath yna does bosib gall ei ateb!

[Macsen]

Mi fyddwn i'n bles iawn petai 'na Blaid genedlaetholgar adain dde. Mae Plaid Cymru yn reit adain dde yn barod ddywedwn i, heblaw a y ffaith ei bod nhw'n sosialwyr. Os yw'r Cymru Cymraeg am fod mewn pwer mae angen gadael sosialaeth a troi at gyfalafiaeth, ble mae'r pledleisiau i'w cael. Mae pledleiswyr yn bobl barus chi'n gweld, yr unig reswm mae nhw'n pledleisio yn y lle cyntaf yw am ei bod nhw eisiau rhywbeth. Y dewis arall yw glynu wrth ein delfrydau a gwylio Cymru yn troi'n wlad uniaith saesneg dan reolaeth plaid Brydeinig. Fyddai well gen i rhoi'r gorau i un delfryd a cadw'r lleill nag mynnu ar y cwbwl a colli'r cyfan.

[Ray Diota]

Onid oedd Elystan Morgan yn genedlaetholwr, a aeth i'r Blaid Lafur oherwydd mai yno yr oedd o'n gweld y medrai roi'r gorau i Gymru?

Mae hyn yn wir ond sosialaeth oedd / yw 'peth' Elystan, ac roedd / mae hynny yn ei dynnu at Lafur cymaint ac unrhywbeth arall.

Wel, y ffaith nad oedd yn gweld dyfodol i Blaid Cymru oedd y rheswm pennaf, credaf. Cofiwch chi, nath y bois ma ddim tyfu lan yn nabod PC fel plaid wleidyddol sefydledig - ma llawer yn dadlau mai grwp ymgyrchu oedd y Blaid tan yn weddol ddiweddar...

[GT]

Ni chredaf mai cyfrinach yw'r ffaith fy mod yn dymuno gweld y Cynulliad yn datblygu i fod yn Senedd at batrwn yr Alban a hynny yn weddol fuan

A dweud y gwir mae hyn yn newydd i mi. Os 'dwi'n cofio'n iawn (does gen i ddim amynedd defnyddio'r botwm ymchwilio) dy agwedd pan oeddem yn trafod hyn tuag amser yr etholiad diwethaf oedd bod gan y Cynulliad le i brofi ei hun cyn hawlio mwy o bwerau. Roeddwn yn rhyw amau ar y pryd dy fod o blaid mwy o ddatganoli mewn gwirionedd, ond nad oeddet am ddweud hynny am resymau etholiadol wleidyddol.

Byddwn wedi meddwl bod y broblem gyda syniad Simon Brooks o blaid geidwadol Gymreig (neu yn hytrach i'r Blaid Geidwadol droi yn un llawer mwy Cymreig) yn weddol amlwg. Mae'n rhaid i blaid sydd am lwyddo'n etholiadol gael seiliau cymdeithasegol. Anodd ydi gweld seiliau tebyg yng Nghymru i blaid o'r math yma.

Mae'r hiraeth am Blaid Cymru Saunders yn chwerthinllyd wrth gwrs - grwp pwyso oedd y Blaid honno - nid plaid wleidyddol yn ystyr arferol y term hwnnw.

[Cath Ddu]

A dweud y gwir mae hyn yn newydd i mi. Os 'dwi'n cofio'n iawn (does gen i ddim amynedd defnyddio'r botwm ymchwilio) dy agwedd pan oeddem yn trafod hyn tuag amser yr etholiad diwethaf oedd bod gan y Cynulliad le i brofi ei hun cyn hawlio mwy o bwerau. Roeddwn yn rhyw amau ar y pryd dy fod o blaid mwy o ddatganoli mewn gwirionedd, ond nad oeddet am ddweud hynny am resymau etholiadol wleidyddol.

Dwi'n credu dy fod yn anheg fan hyn ac felly fe hoffwn gadarnhau ychydig bwyntiau (sy'n duedol o ail adrodd yr hyn a dywedwyd gennyf flwyddyn yn ol).

1. Dwi'n cefnogi datganoli

2. Fe fyddwn yn cefnogi ymgyrch i greu senedd ar batrwn yr Alban

3. Dwi'n credu y gallai'r ymgyrch fod yn llawer haws pe byddai'r Cynulliad yn gweithredu'n fwy eiffeithiol. Mae methiant y Cynulliad mewn sawl maes yn broblem i unrhyw un sy'n credu y byddai mwy o ddatganoli yn beth da.

4. Dwi'n credu (ac nid fi yw'r unig un) y gallai y Cynulliad wneud llawer mwy gyda'r pwerau sydd yn mediant y corff. I raddau, mae'r honiad fod diffyg pwerau'n llesteirio'r Cynulliad wedi datblygu'n esgus rhy hawdd dros fethiant.

5. Yr oeddwn yn cefnogi polisi y Ceidwadwyr yn 2005 gan nad wyf yn credu y dylid datblygu y Cynulliad heb gefnogaeth pobl Cymru.

Ni chredaf fod llawer o'r uchod yn wahanol i'r hyn a ddywedais cyn etholiad 2005.

[Hedd Gwynfor]

Mae'n dda iawn clywed yr uchod, ond un cwestiwn ti di llwyddo osgoi fel pob gwleidydd da

Yn bersonnol faint o bwerau hoffe ti weld yn cael eu datganoli i Gymru? Wyt ti'n gweld trefniant tebyg i'r hyn sydd yn yr Alban yn gam tuag at mwy o ddatganoli, neu ai dyma ddylai fod pen y daith?

5. Yr oeddwn yn cefnogi polisi y Ceidwadwyr yn 2005 gan nad wyf yn credu y dylid datblygu y Cynulliad heb gefnogaeth pobl Cymru.

Ond os cynnig yr opsiwn o ddiddymu'r Cynulliad, pam ddim cynnwys yr opsiwn o annibyniaeth llawn hefyd?

O weld Dragon's Eye heno, mae'n edrych yn debygol nad yw'r Ceidwadwyr wedi cael gwared o'r syniad o gynnig diddymu'r Cynulliad fel opsiwn mewn refferendwm wedi'r cwbwl, er gwaethaf datganiad Nick Bourne. Wyt ti'n credu y dylai 'diddymu'r Cynulliad' fod yn opsiwn mewn refferendwm ar bwerau'r Cynulliad? Wyt ti'n credu y dylai Annibyniaeth fod yn opsiwn?

[SbecsPeledrX]

Dwi'm di cael cyfle i ddarllen yr edefyn eto - ac mi wnai - ond yr ateb yn fyr ydi na - y dosbarth gweithiol yw'r unig dosbarth