maes-e.com

Hedd Gwynfor a ddywedodd:Ma UMCA a UMCB yn gweithio yn dda yn Aber a Bangor

UMCB yn gweithio'n dda!!! Sai'n meddwl ar hyn o bryd

Anyway da iawn fod Caerdydd yn deffro-Roedd lot o bobl Caerdydd yn cwyno cwpwl o flynyddoedd yn ol fod UMCA yn ceisio pwyso Undeb ar Gaerdydd ond ma'r ffaith fod Myfyrwyr Caerdydd yn galw am un yn profi fod wir angen un-Yn enwedig ar ol gweld y Brotest Addysg Gymraeg yng Nghaerdydd-Roedd lot o Gaerdydd yna yn dangos eu cefnogaeth

oni fyddai'n well ceisio newid pethau trwy dreiddio i graidd rheolaeth yr undeb o'r cychwyn ?

teimlaf ein bod yn sianelu ein ymdrechion yn y mannau anghywir. mae'n rhaid i ni newid ein ffocws- yn hytrach na protestio o'r tu allan, mae'n rhaid i ni symud i ganol ein problemau er mwyn eu datrys.

mae'n rhaid i ni gymryd perchnogaeth o'n sefydliadau, yn hytrach na cwyno o hyd am eu diffygion. prifysgol ein prifddinas ni yw prifysgol caerdydd. mae'n rhaid i ni sylweddoli hyn.

rwy'n teimlo byddai'n well petai mwy o gymry yn ymeisio am swyddi ar fwrdd yr undeb, yn hytrach na gweithio'n galed i greu corff ymylol arall. onid oes peryg na fydd yr undeb arfaethedig yn ddim byd ond pwyllgor arall ? onid sefydliad arall yn canolbwyntio ar geisio newid trwy brotest, yn hytrach na newid o'r craidd bydd hi ?

mae'r traddodiad protest sy'n bodoli yn ein gwlad yn un dylem ni fod yn hynod o falch ohono, yn un sydd yn parhau i gyfrannu at ein datblygiad fel cenedl. ond teimlaf fod meddylfryd y protestiwr yn ein ffrwyno yn ogystal.

mae'n rhaid i ni stopio ymddwyn fel pobl gorthrymedig a stopio cwyno o hyd am yr anghyfiawnderau ry'm ni wedi, a'n parhau i brofi. yn hytrach, mae'n rhaid gwneud rhywbeth ynglyn a'r anghyfiawnderau yma.

yn sicr, bydd undeb myfyrwyr cymraeg yn ddatblygiad gwych o rhan dod a phobl ynghyd a chreu cyfleoedd i gymry o ar draws y wlad i gwrdd, ond mae'r gymgym yn bodoli ar gyfer y pwrpas yma. a fydd yr unbeb yn cyflawni yr hyn yr ydym am weld ?

rwy'n anghytuno gyda'r cysyniad o gael swyddog materion cymraeg yn eistedd ar fwrdd yr undeb, megis swyddog dros faterion hoyw a materion asiaidd ayyb. dylai'r gymraeg fod yn rhan ganolog o holl fusnes y bwrdd, ni ddylem orfod cael swyddog i oruwchwilio.

os ydym ni wir am i ein gwlad fod yn annibynnol, yn rhydd, a'n gymraeg, mae'n rhaid i ni ddechrau ei rheoli hi fel gwlad annibynnol, rhydd a chymraeg nawr.

yn lle gofyn am newidiadau, paham ddim mynd ati i newid y sefyllfa ein hunain ?

huwcyn1982 a ddywedodd:Nes i gwyno bo dim rhaglen Gymraeg ar Xpress Radio, sef orsaf yr undeb. A nawr ma da fi'r unig rhaglen Gymraeg.... Felly Huw Psych, falle ma'n amser i ti sefydlu'r undeb 'ma

er tegwch i xpress radio, o beth 'dw i'n ddeall mae nhw'n berffaith fodlon darlledu rhaglenni Cymraeg cyn belled bod myfyrwyr Cymraeg yn gwirfoddoli i'w cyflwyno. Gwir ydi nad oes digon ohonom yn gwneud.

Digon o bwytiau dilys iawn gan elliboi.

Mae swyddog cymraeg ar bwyllgor yr undeb, ond dwi ddim yn siwr iawn faint o Gymru Cymraeg sy'n ymwybodol o hyn. Mi fydda hi'n anodd iawn dechra yn ei chanol hi, os nad yda ni'n gneud swydd y swyddog yn hefyd swydd llywydd yr undeb.

Dwi'n cytuno ei bod hi'n bwysig ein bod ni'n cymryd perchnogaeth, ond ma hyna'n anodd iawn pan ma raid mynd i ofyn o hyd am ddarpariaeth Gymraeg. Mi ddylsa'r ddarpariaeth fod yna heb ofyn amdano fo. Mae ganddo ni hawl i'r ddarpariaeth yn y Gymraeg, felly drwy gael yr hawl hwnnw mi fydda'r anghyfiawnder yn dod i ben.

Dwi ddim yn siwr beth ydi cyfeiriad a pwrpas y Gymgym. Y Gymdeithas Gymraeg ydi o, does ganddo ddim byd yn unigryw i Gaerdydd, mae'r Gymgym yn bodoli yn Abertawe, Casnewydd, Morgannwg, ac mae son fod UWIC yn ceisio ffurfio un ar gyfer y flwyddyn nesaf!
Cymdeithas i gymdeithasu a dod i adnabod pobl Gymraeg eraill ydi'r Gymgym, dydi o ddim yn undeb o bell ffordd! Mi fydda undeb yn ymladd dros fuddianau myfyrwyr, nid y cymdeithasu.

Drwy ffurfio undeb mi fydda ni'n mynd ati i newid y sefyllfa. Mi fydda undeb yna er-mwyn gwarchod buddianau'r myfyrwyr Cymraeg a hybu'r Gymraeg. Mewn undeb mae nerth?!

Dylan a ddywedodd:

huwcyn1982 a ddywedodd:Nes i gwyno bo dim rhaglen Gymraeg ar Xpress Radio, sef orsaf yr undeb. A nawr ma da fi'r unig rhaglen Gymraeg.... Felly Huw Psych, falle ma'n amser i ti sefydlu'r undeb 'ma

er tegwch i xpress radio, o beth 'dw i'n ddeall mae nhw'n berffaith fodlon darlledu rhaglenni Cymraeg cyn belled bod myfyrwyr Cymraeg yn gwirfoddoli i'w cyflwyno. Gwir ydi nad oes digon ohonom yn gwneud.

Digon wir! Ma na lwyth o le i unrhywun sy' am gael rhaglen Gymraeg. Dewch i gael go!

Rwy'n cytuno gyda Hedd. Os bydd myfyrwyr Caerdydd yn sefydlu UMCC (Undeb Myfyrwyr Cymraeg Caerdydd) yn annibynnol ar yr Undeb, i gychwyn, a chael aelodaeth eang a bod yn weithgar am ddwy neu dair blynedd, wedyn byddai'n bosib symud ymlaen i geisio dod yn rhan o'r Undeb, a chael cyflog swyddog sabathol i lywydd UMCC, gan ddefnyddio UMCA ac UMCB fel enghreifftiau o beth sy'n digwydd yng ngholegau eraill Cymru, a byddai'r aelodaeth eang a'r gweithgarwch dros y 2-3 blynedd yn dangos eich bod chi o ddifri a bod galw am y peth.

Hefyd, mae'n werth i Gymry Cymraeg ymgeisio am y swyddi sabathol yn yr Undeb. Mae rhai'n llwyddo yn Aberystwyth bob blwyddyn.

Ar y llaw cynta, mae'n ymddangos yn anodd i gael eich hethol, o feddwl mai canran fach o'r myfyrwyr sy'n siarad Cymraeg (yn Aber, mae tua 7-9,000 o fyfyrwyr i gyd, a tua 500 o siaradwyr Cymraeg (tipyn o ges yw hwn)).

OND, pa ganran o'r myfyrwyr sy'n mynd allan i bleidleisio? Yn Aber, tua 1,000 sy'n arfer pleidleisio, sef tua 11% o'r holl fyfyrwyr (ac mae hynny'n eitha uchel, mae'n debyg, ymysg prifysgolion Prydain), ond mae tua 200-250 o Gymry Cymraeg yn arfer pleidleisio (rwy'n seilio hyn ar y ffaith y bu i 194 bleidleisio yn etholiad llywydd UMCA leni), sef 40-50% o'r Cymry Cymraeg.

Felly, os oes Cymro neu Gymraes Gymraeg yn sefyll am rhyw swydd, ac yn llwyddo i gael y Cymry Cymraeg eraill i gyd y tu