Coleg Cymraeg Ffederal

gan **Hwntw Mawr** » Llun 13 Tach 2006 4:28 pm

Ni allaf i weld y bydd prinder darlithwyr Cymraeg ar gyfer Coleg Cymraeg. Gall rhai ohonom gofio dyddie'r ymgyrch fawr i gael sianel deledu Gymraeg ac roedd yr un math o amheuon yn cael eu lleisio bryd hynny - a oes digon o dalent yng Nghymru etc. etc. Nid bod S4C yr hyn y dyle fod, efalle, ond o leia mae gennym sianel Gymraeg. Pan sefydlwyd y sianel wedi ymdrech hir gwelwyd nifer fawr o'r gwrthwynebwyr yn ciwo lan i gael sedd ar y 'gravy train'. Bydd yr un peth yn siwr o ddigwydd gyda'r Coleg Cymraeg pan ddaw e, gewch chi weld. Cawn yr un hen ddadleuon 'inferiority complex' ynglyn a phapur dyddiol Cymraeg hefyd. "Oes ganddon ni'r adnodde?" a llawer o gwestiyne cyffelyb. Wnawn ni gyflawni jawl o ddim os yw ein hagwedd mor daeog ac ofnus.

Ond y prif reswm dros sefydlu'r coleg yw fod hynny'n unol a hawl pob cenedl i gael y fath sefydliad. Mae'n yna gymaint o Gymry amlwg y dyddie hyn yn erbyn y synied oherwydd eu bod mor wasaidd ac ofn gwawd y Saeson arnynt. Ac mae Prifysgol Cymru yn llawn Saeson fel y gwyddom.

gan **sian** » Llun 13 Tach 2006 4:48 pm

andras a ddywedodd:mae hi arlein yma dwi'n meddwl-

Diolch, Andras - dyna'r fath o beth o'n i'n meddwl amdano - pwyntiau 3 a 4 yn arbennig.

gan **Taflegryn** » Llun 13 Tach 2006 5:00 pm

Hwntw Mawr a ddywedodd: Wnawn ni gyflawni jawl o ddim os yw ein hagwedd mor daeog ac ofnus.

Ga'i ddyfynu fy hun?

Dwi'n meddwl bod angen i ni anghofio am y coleg ffederal ac rhoi ein arian cyhoeddys at ddarparu swyddi i raddedigion sydd wedi graddio mewn pynciau megis nyrsio ac meddygaeth a.y.b, felly eu bod yn gallu aros yng Nhymru i 'practisio' ei pwnc ac ei galwedigaeth er lles y Cymry Cymraeg.

Mi fasa yn well gen i weld pob fferyllydd/optegydd ayyb yng Nghymru yn gallu siarad cymraeg. Dim ond drwy eu denu yma yn nol i weithio y gellir gwneud hyn, nid drwy gael Coleg Ffederal Cymraeg. Bydd myfyriwr sydd eisiau astudio Fferylliaeth/Optegiaeth yn mynd i ddewis y Brifysgol sydd yn mynd i rhoi yr addysg orau iddi/iddo. Eu denu yn nol yw y tasg mwya' nesa' Cymru. Rhoi terfyn ar y brain drain.

gan **Taflegryn** » Llun 13 Tach 2006 5:05 pm

Diolch Andras - mae hyn yn helpu daflu rhyw oleuni ar sut drefn fydd ar y CFfC.

gan **sian** » Llun 13 Tach 2006 11:00 pm

Ydi model Dr Delyth Morris a Dr Einir Young ar gael i'w weld?

Heb gael cyfle i geisio Problem Prifysgol.
Mae'r argraff rwy'n ei chael o ddarllen erthygl Dafydd Glyn Jones yn Barn, Medi 2004, yn wahanol i'r syniad sy'n cael ei gyfleu yn Y Glwyd Olaf. Mae Dafydd Glyn Jones yn sôn am ddechrau trwy ganolbwyntio ar ryw bedwar pwnc ond Y Glwyd Olaf yn rhoi'r argraff mai cryfhau'r ddarpariaeth Gymraeg ar draws yr holl bynciau fyddai'r drefn.

Rwy'n deall y byddai myfyrwyr yn cofrestru yn y Coleg Cymraeg - beth fyddai'r sefyllfa pe bai dim ond rhan fechan iawn o'u cwrs ar gael yn y Gymraeg?

Ydi cael 'coleg' newydd a myfyrwyr ag 'aelodaeth ddeublyg' yn cymhlethu'r sefyllfa? Pam na fyddai modd cryfhau'r ddarpariaeth Gymraeg a'i chydgysylltu'n well heb sefydlu corff newydd? Hynny yw, oni fyddai modd gweithredu'r holl bwyntiau yn y Glwyd Olaf, er enghraifft, heb sefydlu coleg newydd?
Jest gofyn.

gan **Rhys Llwyd** » Maw 14 Tach 2006 10:01 am

sian a ddywedodd:
andras a ddywedodd:mae hi arlein yma dwi'n meddwl-

Diolch, Andras - dyna'r fath o beth o'n i'n meddwl amdano - pwyntiau 3 a 4 yn arbennig.

oi, fi sgwennodd hi :winc:

dwi'n pwysleisio mae 'papur trafod' ydy hi nid blw print fel petae, 19 o ni yn ei sgwennu hi ac wrth reswm felly mae eraill llawer mwy profiadol yn fwy cymwys i neud jobyn gwell yn y man - ond lle maen nhw? Fel dogfen oddi wrth y myfyrwyr dwin gobeithio ei fod hi wedi yhwanegu at y ddisgwrs ac yn ei aeddfedu tu hwnt sloganau yn unig.

gan **Rhys Llwyd** » Maw 14 Tach 2006 10:04 am

sian a ddywedodd:Pam na fyddai modd cryfhau'r ddarpariaeth Gymraeg a'i chydgysylltu'n well heb sefydlu corff newydd? Hynny yw, oni fyddai modd gweithredu'r holl bwyntiau yn y Glwyd Olaf, er enghraifft, heb sefydlu coleg newydd?....

......= Status Quo sy ddim yn gweithio

Holl ddiffyg y drefn bresenol yw fod e gyd yn dipbynu ar ewyllus da. Byddai trefn/Coleg newydd yn gorfodi yr adranau ar prifysgolion presenol i ildio peth awtonomi er lles yr achos... dyna pam nad ydy penaethiaid cyfforddus yn leicio'r syniad debyg.

gan **Taflegryn** » Maw 14 Tach 2006 3:12 pm

......= Status Quo sy ddim yn gweithio

Be sydd ddim yn gweithio? Mae gen i radd a dwi dal yn siarad cymraeg!!!

gan **Rhys Llwyd** » Maw 14 Tach 2006 6:06 pm

Taflegryn a ddywedodd:
......= Status Quo sy ddim yn gweithio

Be sydd ddim yn gweithio? Mae gen i radd a dwi dal yn siarad cymraeg!!!

Ti di collir pwynt fana braidd. Nid pwynt coleg ffederal fydd gwarantu fod pobl dal yn siarad Cymraeg - gellid dadlau y bydd yn gymorth ond nid dynar pwynt creiddiol.

Dwi wedi graddio hefyd, ac mi rydwi i dal yn siarad Cymraeg. Ond a ches i addysg fy ngradd trwy gyfrwng fy mam-iaith yn fy ngwlad fy hun? Naddo.

gan **sian** » Llun 19 Chw 2007 9:36 pm

Wel, er yr holl drafod, mae'n debyg bod cryn ddryswch ynghylch y Coleg Cymraeg Ffederal o hyd. Gweler y Cymro, 16 Chwefror:

Llythyr gan Hugh T Jones: "Hyd y gwn nid oes neb wedi egluro beth yw Coleg Ffederal mewn ffordd syml a dealladwy"

Erthygl Hafina Clwyd: "Nid oes neb wedi mynd ati i egluro i'r anwybodus a'r diddeall (hynny yw, fi) beth yn union yw oblygiadau sefydliad o'r fath."

Mae'r ymgyrchwyr wedi gwneud job dda yn dangos bod 'na wendidau mawr yn y system ar hyn o bryd - licio'r fideos, Rhys - ond ychydig o sôn sydd am y cam nesaf. Roeddwn wedi bwriadu mynd i'r Rali dydd Sadwrn ond roeddwn yn sâl.

Es i Lên LL?n yn ufudd â'm chwephunt yn fy llaw i brynu Problem Prifysgol. Darllenais y broliant sy'n dweud rhywbeth i'r perwyl ei bod yn wirionedd cyffredinol bod y bobl sy'n rhedeg sefydliadau hyn o fyd naill ai'n ynfydion neu'n gnafon. Rhoddais y llyfr yn ôl ar y silff. Efallai fy mod yn gwneud cam â Dafydd Glyn Jones ond allwn i ddim stumogi darllen llyfr sy'n cychwyn o'r sylfaen bod y sawl sy'n anghytuno â chi naill ai'n ddrwg neu'n wallgo. Efallai y dylwn ymwroli a rhoi ail gynnig arni.

Gwelais raglen y Byd ar Bedwar ar y pwnc. Mae angen bod yn ofalus ag un o'r dadleuon a gyflwynwyd a oedd yn hollol i'r gwrthwyneb i'r ddadl a ddefnyddir fel rheol gan bleidwyr addysg ddwyieithog. Bu sôn ar y newyddion yn ddiweddar bod pobl sy'n astudio gwyddoniaeth a mathemateg trwy gyfrwng y Gymraeg i TGAU a Lefel A yn gwneud cystal â os nad gwell na rhai sy'n astudio trwy gyfrwng y Saesneg ac yn mynd ymlaen i astudio'r pynciau yn ddiffwdan yn y Brifysgol. Ond roedd un ferch ar y rhaglen yn dweud bod amryw wedi rhoi'r gorau i'w cyrsiau mathemateg yn y Brifysgol am eu bod yn gorfod eu hastudio trwy'r Saesneg. Hyd nes y daw addysg Brifysgol trwy gyfrwng y Gymraeg yn y pynciau hyn, gallai'r ddadl hon olygu bod pobl yn dewis astudio mathemateg/gwyddoniaeth Lefel A trwy gyfrwng y Saesneg os ydynt yn dymuno mynd ymlaen i'w hastudio yn y Brifysgol.

Felly, byddai'n dda cael mwy o fanylion am drefniadau posibl ar gyfer Coleg Ffederal - e.e. os mai dim ond un neu ddau fodiwl mewn pwnc fyddai ar gael yn y Gymraeg, a fyddai'n drafferthus i fyfyrwyr gofrestru yn y Coleg 'arferol' a'r Coleg Ffederal? A fyddai darlithwyr Cymraeg yn y rhan fwyaf o bynciau yn cael rhan o'u cyflog gan y Coleg 'arferol' a rhan gan y Coleg Ffederal? A fyddai'r Coleg Ffederal yn rhannu darlithfeydd/labordai y colegau 'arferol' ar yr un telerau neu a fyddai angen eu rhentu neu rywbeth? etc

Coleg Cymraeg Ffederal

Pwy sydd ar-lein