Coleg Cymraeg Ffederal

gan **Geraint** » Gwe 27 Hyd 2006 10:00 pm

Wedi darllen lot am hyn, a dal ddim yn deall yn iawn beth yn union yw coleg ffederal, felly ddim yn gallu teimlo o blaid neu yn erbyn. Sut, yn union, y fydd yn wahanol i'r sefyllfa presennol? Pa wahaniaethau, dydd i ddydd bydd i fyfyrwyr? Esboniad syml, os gwelwch yn dda.

gan **Darth Sgonsan** » Llun 30 Hyd 2006 1:11 pm

Geraint a ddywedodd: Sut, yn union, y fydd yn wahanol i'r sefyllfa presennol? Pa wahaniaethau, dydd i ddydd bydd i fyfyrwyr? Esboniad syml, os gwelwch yn dda.

[esboniad syml?! byhafia, ond gobeithio neith y canlynol ddim drysu chdi gormod cariad}

y sefyllfa bresennol - dim ond 1.5% o fyfyrwyr colegau Prifysgol Cymru sy'n astudio pynciau trwy gyfrwng y Gymraeg
- 0.3% o bres Prifysgol Cymru cael ei wario ar addysg cyfrwng Cymraeg

er mwyn cael cynnydd yn y niferoedd pathetig yma, mae cefnogwyr eisiau gweld gwario £20-25miliwn ar Goleg Ffederal Cymraeg, sef sefydliad fydd efo statws cyfreithiol i gynyddu addysg Gymraeg.

ar y funud mae'r colegau yn cael dewis faint o gyrsiau/modiwlau sy ar gael yn Gymraeg, ond fydda Coleg Ffederal yn gorfodi mwy o ddarpariaeth

Coleg Ffederal - coleg ar wahan, efo cangen ym mhob coleg Prifysgol Cymru
- efo cyfrifoldeb penodol am addysg Gymraeg (ar y funud mae'r cyfrifoldeb gan bawb a chan neb)

gan **Taflegryn** » Sad 04 Tach 2006 12:20 am

Dwi'm yn dallt sut fydd o'n gweithio chwaith - os dwi eisiau astudio i gael gyrfa i fod yn optegydd er enghraifft, sut bydd y coleg ffedral cymraeg yn mynd i'n helpu i?

gan **Rhys Llwyd** » Sad 04 Tach 2006 12:42 am

Taflegryn a ddywedodd:Dwi'm yn dallt sut fydd o'n gweithio chwaith - os dwi eisiau astudio i gael gyrfa i fod yn optegydd er enghraifft, sut bydd y coleg ffedral cymraeg yn mynd i'n helpu i?

Wel... mi ei di i ba bynnag le yng Nghymru lle fedri di wneud gradd mewn optegaeth (Dim ond Caerdydd amwni?!) ac mi fydd y Coleg Ffederal gobeithio yn raddal bach yn cynnyddu'r ddarpariaeth Cymraeg yn y pwnc. Gyda pwnc mor arbennigol a dy un di amwni mae dim ond dysgu sut mae rhannu dy brofesiwn trwy gyfrwng y Gymraeg fydd yn bosib OND tymor hir beth sydd i sdopio Doctor/Academydd ym maes optegaeth fedru dysgu ei giw optegwyr yn y Gymraeg?

gan **sian** » Sad 04 Tach 2006 9:59 am

obi wan a ddywedodd:Rwyf wedi cael cip ar "Adroddiad Arad", ac mae'n dweud yn hollol blaen fod HOLL benaethiaid HOLL golegau Cymru (14 i gyd) yn "ddiamwys" yn erbyn y syniad o goleg ffederal. Merfyn Jones a'i ddirprwy Meri Huws yn Mangor, Noel Lloyd yn Aberystwyth a'i ddirprwy yntau Aled Jones, Medwin Hughes, Prifathro Coleg y Drindod. Pawb fel yna.

Oes rhywun yn gwybod PAM mae'r bobl hyn yn erbyn? Dw i ddim wedi gweld na chlywed cyfweliad gan yr un ohonyn nhw ar y mater.

gan **Taflegryn** » Sad 04 Tach 2006 11:48 pm

Felly, myfyrwyr sy'n cael ei darlithoedd yn y Gymraeg yn barod fydd yn elwa o'r coleg ffedral yma? Myrfyrwyr sy'n astudio Cymraeg, Hanes Cymru, Addysg, Drama a.y.y.b. Sy'n arwain mi at y cwestiwn pam fod angen gwario i gael coleg ffederal ar gyfer myfyrwyr sydd eisioes yn cael ei darlithoedd yn y Gymraeg?

gan **Rhys Llwyd** » Sul 05 Tach 2006 3:52 pm

Taflegryn a ddywedodd:Felly, myfyrwyr sy'n cael ei darlithoedd yn y Gymraeg yn barod fydd yn elwa o'r coleg ffedral yma? Myrfyrwyr sy'n astudio Cymraeg, Hanes Cymru, Addysg, Drama a.y.y.b. Sy'n arwain mi at y cwestiwn pam fod angen gwario i gael coleg ffederal ar gyfer myfyrwyr sydd eisioes yn cael ei darlithoedd yn y Gymraeg?

Naci naci. OND yn amlwg mae gan bynciau fel Hanes a Drama head start oherwydd fod rhai darlithwyr mewn lle eisoes. Y Gobaith hir dymor yw y bydd Coleg Ffederal yn medru codi'r ddarpariaeth ym mhob maes ond yn amlwg bydd yn broses fwy hir-dymor mewn rhai pwynciau megis optegyddiaeth!

gan **Hwntw Mawr** » Maw 07 Tach 2006 12:42 pm

Mae'n gwbwl amlwg fod Prifathro Coleg y Trinity, Caerfyrddin, wedi cael braw pan welodd gyhoeddi ei enw yn y Cymro fel un o elynion yr ymgyrch Coleg Cymraeg. Bu ar raglen Gwilym Owen ddo ac yn malu cachu ynglyn a pha mor gwd odd i goleg e yn dysgu pethe drw'r Gymraeg. Hen ragrithiwr yw e ac fe glywes fod dwy adran Gymreicie ei goleg wedi cael eu cau lan - Hanes a Daearyddieth. Odi hyn yn wir? Ac hefyd a yw Adran Gymraeg y coleg mewn perygl er mwyn gwneud lle i'r holl gyrsie Mici Mows (fel y disgrifiodd Gwilym Owen hwy) a gyflwynir ganddo? Wedi dychryn mae nhw gan ddatguddiade yr ymgyrch.

Clywes hefyd fod Prifysgol Wales yn awr yn gwrthod rhyddhau y wybodeth ynglyn a'r tystiolaethe a gyflwynwyd i Arad Consulting, y cwmni hwnnw gafodd £80,000 i ladd y synied o Goleg Cymraeg. Odi hyn hefyd yn wir? Os yw, mae angen chwyldro mawr yn erbyn Prifysgol Wales.

Da iawn chwi fyfyrwyr Aberystwyth y nosweth o'r blaen - melys moes mwy, a hynny heb oedi wede i.

gan **Rhys Llwyd** » Maw 07 Tach 2006 1:10 pm

Hwntw Mawr a ddywedodd:Clywes hefyd fod Prifysgol Wales yn awr yn gwrthod rhyddhau y wybodeth ynglyn a'r tystiolaethe a gyflwynwyd i Arad Consulting, y cwmni hwnnw gafodd £80,000 i ladd y synied o Goleg Cymraeg. Odi hyn hefyd yn wir?

Ydy dwi'n meddwl ond dwi'n amau y bydd Cymdeithas yr Iaith yn anfon ymholiad yn enw'r ddeddf rhyddid gwybodaeth yn fuan iawn.

gan **Hwntw Mawr** » Maw 07 Tach 2006 1:24 pm

Gwaethe'r modd, o dan y ddeddf honno y mae Lynn Williams Prifysgol Wales yn gwrthod rhyddhau'r dystioleth. Dan y ddeddf, yn ol a ddeallais, y gwnaeth Cylch yr Iaith y cais yn y lle cynta. Mae gen i ofan fod Cymdeithas yr Iaith rai wythnose yn hwyr yn y mater.

Smo'r awdurdode afiach a gwrth-Gymreig yn moyn i ni weld beth odd tystiolaethe pobol ddiwylliannol blaenllaw Cymru ar y mater. Ych-a-fi ! Diddorol fydde gweld beth odd tystioleth Meri Huws y Language Bored a chyn-gadeirydd Cymdeithas yr Iaith. Blaidd mewn croen dafad yn wir.