Cau ysgolion yng Ngwynedd

[garynysmon]

Dwi'n cytuno S.W. Mae na ymateb 'knee-jerk' enfawr yn digwydd mewn achosion fel hyn, a mentaliti 'Ysgol yn Cau? Lle? Rhaid i ni eu gwrthwynebu!!'. Enghraifft o hyn oedd rhyw ddynas mewn cyfarfod cyhoeddus ar Taro Naw 'Os mae nhw isho War, War gawn nhw'. Wel, oedd hon yn deall be oedd yn mynd mlaen go iawn, ta jyst ymateb penboeth oedd o?

Er hyn, mae'r holl broses o gau yn swnio'n frysiog tu-hwnt.

Ar nodyn arall, ar Wales Today amser cinio heddiw roedden nhw'n dangos protest yn erbyn y cynlluniau. Roedd y ddau oedd yn siarad yn swnio'n Seisnig tu hwnt i mi de.

Da chi di gweld hwn?

http://savebronyfoelschool.com/

[Cath Ddu]

Ond dwi'n credu ei bod hi'n annheg beirniadu cefnogwyr cynllun Gwynedd am wneud y ddadl yma. Hynny yw, Cymdeithas yr Iaith sydd wedi penderfynny gwneud hon yn ddadl ieithyddol - dyna pam fod carpetbaggers o Sir Gar yn arwain ymgyrch yng Ngwynedd.

Wel Garnet, digon hawdd fydde dadlau mae pobl ddwad ydi'r prif gynghorwyr sy'n gwthio'r cynlluniau. Serch hynny, dwi'n credu fod y brotest heddiw yn profi i raddau helaeth mae nid pobl ddwad sy'n arwain y brotest yng Ngwynedd.

Ti'n gwybod bod gen i barch mawr ata ti, Gath, ond mae hon yn ddadl gwbl anheilwng ohona ti.

Pam?

Wrth gwrs fod rhaid edrych ar sut mae Cyngor Gwynedd yn gwario gweddill ei chyllideb. Ond dyw'r ffaith fod gwastraff yn bodoli drwy'r cyngor cyfan ddim yn cyfiawnhau gwastraff yn yr adran addysg.

Nac ydi, ond mae addysg yn wasanaeth o bwys, yn wahanol i'r llu swyddig gwneud yn y pencadlys. Y mae'r gyllideb addysg yng Ngwynedd yn llai na'r hyn y dyla fod yn unol a setlad y Cynulliad (tua 96% dwi'n credu o gymharu a 102% yn sir Conwy) felly mae'r ddadl yn deilwng ac yn sefyll.

Yn ol dy resymeg di, mae hi'n berffaith dderbynniol cynnal y status quo gwarthus

Wel dy ddisgrifiad di ydi gwarthus Garnet

O ran gweddill dy bwynt dwi ddim yn credu i mi ddweud dim o'r fath ons os mae arbed arian ydi'r rheswm dros y newidiadau yna mae angen ystyried gwariant y Cyngor yn ei gyfanrwydd.

Mae addysgu rhai o blant Gwynedd yn costio tua £2000 o bunoedd y flwyddyn, tra bo addysg plant eraill yn costio £10,000. Bydd y cynllun hwn yn lleihau'r gwahaniaeth, gan ddod a chost addysgu'r plant drytaf i lawr i £5000. Bydd mwy o gyfartaledd rhwng gwariant, a mwy o arian yn cael ei wario ar addysg y plant sydd, ar hyn o bryd, yn cael bargen wael iawn.

Mae hon yn ddadl sy'n boblogaidd iawn ymysg cenedlaetholwyr yn Lloegr sy'n gweld dim rheswm i gael gwariant uwch yng Nghymru neu'r Alban heb dderbyn y ffaith fod darparu gwasanaethau mewn ardaloedd o boblogaeth wasgaredig yn ddrud. O ddilyn dy ddadl i'r eithaf fe fydd yn rhaid cau pob gwasanaeth cyhoeddus mewn ardal wledig er mwyn arbed costau. Rwan pwy yw'r tori asgell dde Garnet? Chdi ta fi?

Onid tegwch sylfaenol ydi hyn?

Na, ddim o gwbwl. Ti'n anwybyddu'r ffaith fod costau darparu gwasanaethau yn ddrytach mewn ardaloedd gwledig. Dyna pam fod banciau wedi cau, siopau wedi cau ayb. Os mae gwasanaeth masnachol ydi addysg yna mae dy ddadl yn sefyll ond gan mae gwasanaeth cyhoeddus sy'n dod o goffrau'r pwrs cyhoeddus ydi addysg mae dy ddadl yn rhyfeddol o simplistig a dwi'n dweud hynny er fod gennyf barch mawr i ti!

Felly beth am yr anghyfiawnder o gymeryd arian o bocedi plant ardal fel yr Hendre - un o ardaloedd mwyaf di-freintedig, a Chymreiciaf Cymru - i gynnal hanner dwsin o blant yn Rhydygwystl?

Mae Hendre yn bell o fod yn ward ddi-freintiedig ac mae'r ysgol er yn derbyn cyllid isel o ran cyfanswm y pen yn perfformio'n wych. Serch hynny, fy mhryder am y ddadl yma yw'r modd y mae'r rhai hynny sy'n cefnogi bwriad Gwynedd yn rhoi rhyw spin gwlad v tref i'r ddadl. Hyll iawn a dweud gwir.

Ta waeth, nmae'n debyg fod y penderfyniad wedi ei wneud bellach - wn io ddim ond dwi off i weld cyngerdd Nadolig y plant (sy'n mynychu ysgol na fydd yn cael ei effeithio gan y newidiadau).

[Hedd Gwynfor]

dyna pam fod carpetbaggers o Sir Gar yn arwain ymgyrch yng Ngwynedd.

Ffred Ffransis yw Cadeirydd Grwp Addyg cenedlaethol y Gymdeithas, ac felly yn amlwg bydd e'n cymryd rhan mewn ymgyrchoedd 'addysg' y Gymdeithas trwy Gymru. Yr aelodau sydd yn ymwneud a'r ymgyrch yw Angharad Tomos a Gwyn Sion Ifan (y 2 yn byw yng Ngwynedd).

Nid nod y Gymdeithas ydy 'arwain' yr ymgyrch yn erbyn cynlluniau ad-drefnu addysg (fel mae'n sefyll ar hyn o bryd) yng Ngwynedd, ond yn hytrach i gynnig cymorth i aelodau a chefnogwyr y Gymdeithas sy'n poeni'n arw am y sefyllfa yng Ngwynedd.

[Garnet Bowen]

Mae hon yn ddadl sy'n boblogaidd iawn ymysg cenedlaetholwyr yn Lloegr sy'n gweld dim rheswm i gael gwariant uwch yng Nghymru neu'r Alban heb dderbyn y ffaith fod darparu gwasanaethau mewn ardaloedd o boblogaeth wasgaredig yn ddrud. O ddilyn dy ddadl i'r eithaf fe fydd yn rhaid cau pob gwasanaeth cyhoeddus mewn ardal wledig er mwyn arbed costau. Rwan pwy yw'r tori asgell dde Garnet? Chdi ta fi?

Wrth gwrs fod cost cynnal gwasanaethau gwledig yn uwch na chynnal gwasanaethau trefol, a fydd 'na ddim posib dileu y gwahaniaeth rhwng gwlad a thref yn gyfangwbl. Ond mae posib ei leihau.
Mae'r drefn addysgol bresennol yn seiledig ar fodel cymdeithasol sydd yn perthyn i'r 1950au. Yn y cyfnod cyn i'r car ddod yn rhan anatod o fywyd y mwyafrif llethol, roedd hi'n angenrheidiol bod ysgolion yn cael eu codi ar safleoedd oedd o fewn taith gerdded o gartrefi'r disgyblion. Roedd yr awdurdod addysg yn cydnabod y byddai gofyn i blentyn gerdded 3.5 milltir (dyma'r cyfartaledd pellter ar gyfer yr ysgolion sy'n cau) i'r ysgol bob bore yn afresymol, ac felly yn cydsynio i godi a chynnal ysgol - ar gost ychwanegol - o fewn pellter ymarferol.
Erbyn heddiw, mae'r hyn sydd yn cynrychioli pellter ymarferol wedi newid yn llwyr. Dyw hi ddim yn afresymol gofyn i riant yrru 3.5 milltir bob bore i ddanfon eu plant i'r ysgol. Yn ol pob tebyg, fe fydd y rhieni yn gyrru tipyn pellach na hyn eu hunain, er mwyn mynd i'r gwaith. Mae hi yn berffaith ymarferol i bobl deithio ychydig yn bellach er mwyn danfod eu plant i'r ysgol bellach, felly dyw hi ddim yn bosib cyfiawnhau'r gwariant uwch ar wasanaethau.
Mae'r rhieni sydd yn protestio yn gwneud hynny am reswm da iawn - mae nhw mewn sefyllfa fanteisiol, a dyw nhw ddim ishio gweld colli'r fantais honno. Ond i mi, mae dyletswydd ar i lywodraeth geisio cynnig y gwasanaeth cyfartal - neu mor gyfartal a sy'n ymarferol - i bob un o'r trethdalwyr.

[pigog]

Mae David Cameron wedi dewis anfon ei ferch fach i ysgol fach lleol yn Llundain - dim i'r ysgol fawr lleol . Pam - achos dwedodd bydd yr ysgol fach yn siwtio hi'n well. Digon da i Dave - felly digon da i ni.

[Cath Ddu]

Wrth gwrs fod cost cynnal gwasanaethau gwledig yn uwch na chynnal gwasanaethau trefol, a fydd 'na ddim posib dileu y gwahaniaeth rhwng gwlad a thref yn gyfangwbl. Ond mae posib ei leihau.

Dim golwg o'r cydnabyddiaeth yma yn dy neges wreiddiol - da gweld dy fod yn gweld y pwynt.

Erbyn heddiw, mae'r hyn sydd yn cynrychioli pellter ymarferol wedi newid yn llwyr. Dyw hi ddim yn afresymol gofyn i riant yrru 3.5 milltir bob bore i ddanfon eu plant i'r ysgol.

Hollol dderbyniol i'r dosbarth canol ond wyt ti Garnet wedi ystyried ystadegau di-freintiededd cefn gwlad Gwynedd? beth os nad oes gan y rhiant gerbyd? Tuff lyc os ti'n byw ar fudddaliadau ac heb fodur (sy'n sefyllfa fwy cyson na'r hyn y byddet yn ddisgwyl). wrth gwrs, tydi hyn ddim hyd yn oed yn ystyried yr effaith amgylcheddol (rhyfedd fel mae Plaid yn anghofio polisi gwyrdd yn yr achos hwn )

Beth am y bws lleol? Wel mae fy chwaer yn gorfon anfon plant i'r ysgol trwy drafnidiaeth gyhoeddus gan nad oes ysgol yn y pentref lleol. Er fod yr ieuengaf o'r plant yn 5 oed ac yn uniaith Gymraeg y mae'r gyrrwr tacsi yn uniaith Saesneg. Yn ôl Gwynedd does dim modd sicrhau fod gurrwyr tacsis / bysus ysgol yn medru'r Gymraeg felly mae plentyn 5 oed yn gorfod derbyn gwasanaeth mewn iaith nad yw'n ddeall. Ateb fy chwaer (sy'n bennaeth adran mewn ysgol uwchradd) yw danfon y mab ei hun. dim problem efallai, mae gandi'r modd ond beth fyd sefyllfa plentyn o genfdir tlotach Garnet? Siwr Dduw y byddet yn honni fod gennyt hawl i wasanaeth Cymraeg yn y banc/ swyddfa'r post ayb ond ti'n fodlon gweld plant 5 oed sydd ddim yn medru'r Saesneg yn derbyn gyrrwr di-Gymraeg er mwyn ei hebrwng i'r ysgol?

Mae'r rhieni sydd yn protestio yn gwneud hynny am reswm da iawn - mae nhw mewn sefyllfa fanteisiol, a dyw nhw ddim ishio gweld colli'r fantais honno. Ond i mi, mae dyletswydd ar i lywodraeth geisio cynnig y gwasanaeth cyfartal - neu mor gyfartal a sy'n ymarferol - i bob un o'r trethdalwyr.

Wel o ddifri, lle mae cychwyn

Os gwasanaeth cyfartal ydi'r nod yna gwared o fformilwa Barnet rwan hyn.

Os gwasanaeth cyfartal ydi'r bwriad yna pam fod canolfan hamdden agosaf i Aberdaron yn ugain milltir o waith teithio? Pam fod gan drigolion Caernarfon fynediad i lyfrgell ac archifdy a chanolfan gelfyddydol ond does yna ddiawl o ddim yn y Parc?

Yn amlach na pheidio yr unig wasanaeth mae cymunedau gwledig Gwynedd yn dderbyn ydi ysgol yn weddol lleol i'r gymuned - a ti'n gweld hynny'n ormod?

Dwi'n cofio bod mewn Pwyllgor Rhanbarth o Plaid (cyn cael cic allan - a diolch am hynny) pan ddywedodd Alun Ffred fod hi'n anodd gweld pam ddylai pobl dewis byw ym Mhen Llyn. Ymddengys fod ei frawd a'i gronis am sicrhau fod hyn yn wir. Tristwch y sefyllfa yw fod ffug athronyddu ti a dy debyg yn cyfiawnhau hoelen arall yn y syniad o gymunedau hyfyw yng nghen gwlad Cymru.

[pigog]

Hollol dderbyniol i'r dosbarth canol ond wyt ti Garnet wedi ystyried ystadegau di-freintiededd cefn gwlad Gwynedd? beth os nad oes gan y rhiant gerbyd? Tuff lyc os ti'n byw ar fudddaliadau ac heb fodur (sy'n sefyllfa fwy cyson na'r hyn y byddet yn ddisgwyl).

Tory yn becso am di-freintiededd. Neu'r Gath wedi colli'r plot yn cyfan gwbwl ac wedi troi'n socialist.

Beth am y bws lleol? Wel mae fy chwaer yn gorfon anfon plant i'r ysgol trwy drafnidiaeth gyhoeddus gan nad oes ysgol yn y pentref lleol. ... mae'r gyrrwr tacsi yn uniaith Saesneg. Yn ôl Gwynedd does dim modd sicrhau fod gurrwyr tacsis / bysus ysgol yn medru'r Gymraeg felly mae plentyn 5 oed yn gorfod derbyn gwasanaeth mewn iaith nad yw'n ddeall. Ateb fy chwaer (sy'n bennaeth adran mewn ysgol uwchradd) yw danfon y mab ei hun. dim problem efallai, mae gandi'r modd ond beth fyd sefyllfa plentyn o genfdir tlotach Garnet?
Siwr Dduw y byddet yn honni fod gennyt hawl i wasanaeth Cymraeg yn y banc/ swyddfa'r post ayb ond ti'n fodlon gweld plant 5 oed sydd ddim yn medru'r Saesneg yn derbyn gyrrwr di-Gymraeg er mwyn ei hebrwng i'r ysgol?

Tory boy yn becso am yr iaith Cymraeg

Wel o ddifri, lle mae cychwyn

Dwi'n cofio bod mewn Pwyllgor Rhanbarth o Plaid (cyn cael cic allan

Wel mae'r blaid wedi gwneud un penderfyniad iawn.

[sian]

Wel mae'r blaid wedi gwneud un penderfyniad iawn.

Wel, pigog, beth yn union wyt ti'n anghytuno ag e yn neges y Gath uchod?
Dw i'n deall fod y Gath yn barod bob amser i roi swadan i'r Blaid ond does bosib nad yw'r pwyntiau uchod yn rhai dilys?

[pigog]

Dyna'r point Sian
Y Gath nawr yn socialist yn becso am bobl di-frentiedoedd ac yn brwydro'r ar yr asgell chwith Plaid Cymru dros ein iaith a'n etifeddiaeth -bron llefen achos mae'r gyrwr tacsi yn Saes !!!
a) Ma'r Gath wedi mynd trwy trauma ofnadwy i'w brain neu
b) rhywbeth wedi achosi seismic shift yn ideolegi y Toris - heb i Dave Cameron wedi rhoi gwybodaeth i'r gweddill ohonom.
c) Neu........... opportunism.

[Hogyn o Rachub]

Mae'r sefyllfa yma yn debyg i Dori yn ennill annibyniaeth i Gymru, a chael ei gondemnio gan genedlaetholwr am wneud hynny!

Mae'n rhaid dweud dydi beth mae'r Gath yn ei ddweud ddim yn swnio fel beth y byddai rhywun yn disgwyl gan y Torïaid o gwbl, yr oll mae'n ei wneud ydi achub ar y cyfle i ennill pwyntiau dros Blaid Cymru (ni ellir ei feio am hynny!!). Tra na ellir dadlau nad yw'r cynllun yn un syml na phoblogaidd, mae'n benderfyniad sy'n rhaid ei wneud, ac mae Plaid Cymru wedi bod yn ddigon dewr i gymryd y penderfyniad hwnnw, a mae ymgynghori wedi ei chynnal, sy'n rhywbeth nad oes yr un awrdod lleol wedi gwneud.

Er, peidiwch ag amau am funud, pe byddai'r Torïaid yn rheoli Gwynedd yna ni fyddai hyd yn oed ymgynghoriad yn mynd rhagddi!