Wylfa B?

[Darth Sgonsan]

dowch efo fi fewn i'r thought jacuzzi am dipyn bach a blue skies thinking (a grope slei os tisho) ...be am Jerbileiddio bob cartra yng Nghymru? gorfodi pobol i redag ar olwyn neu bedlo beic er mwyn creu eu trydan?
fysa chdi'n creu egni glan a gwaredu'r wlad o'r pla gordewdra

fasa pobol gyfoethog yn gallu cael athletwr Pwylaidd i redag eu holwynion letrig, ne'r tramp lleol...fysa pobol ddrwg yn cael eu hel i redag yn Y Felin Letrig fel Y Wyrcws erstalm, yn creu trydan i fwydo goleuadau'r ffyrdd tra'n gwrando ar areithiau ysgogol gin Tami Grei Tomson

a fysa hi'm yn ddrwg o beth i ffitio pedals dan dinau'r ffacars tew yna yn y Cynlleiad er mwyn pweru'r compiwtars a'r meicroffons

[Norman]

Y Wyrcws erstalm,

Clywch Clywch - dowch ar wyrcws 'nol.

[Tegwared ap Seion]

Mae dwy ddadl fan hyn. Un yw a ydych chi o blaid ynni niwclear ym Mhrydain neu beidio? Yr ail yw, os yw llywodraeth Prydain yn penderfynu defnyddio ynni Niwclear, ydyn ni eisie gorsaf yn Wylfa?

Yn bersonol, nid oes gen i farn gref ar y cwestiwn cyntaf, ond byddwn i'n bendant yn ateb "ydyn!" i'r ail gwestiwn.

Mae gormod o Gymry sydd yn erbyn ynni niwclear ym Mhrydain yn dadlau yn erbyn yr ail gwestiwn, gan gymysgu'r ddau.

Os ydych chi'n erbyn ynni niwclear ym Mhrydain, dadleuwch hynny. Os collwch chi'r ddadl hynny, ac mae'n edrych yn debyg bod y llywodraeth am godi mwy o orsafoedd Niwclear, wedyn symudwch ymlaen i'r ail gwestiwn.

Ni fyddai ennill y ddadl yn erbyn Wylfa B yn ennill y ddadl yn erbyn ynni Niwclear ym Mhrydain.

Os na ddaw Wylfa B, bydd hynny ond yn golygu un orsaf ychwanegol yn Lloegr, ac os bydd un o'r rheiny'n chwythu, wedyn byddwn ni oll yn diodde beth bynnag. Onid man a man i ni fynd, felly, am Wylfa B i gael y swyddi?

Sbot on. Bydd atomfeydd newydd yn cael eu codi ym Mhrydain. Y dewis rŵan ydi i le mae nhw'n mynd.

Mae unig atomfa weithredol Cymru ar fin cau, a fydd yn golygu cannoedd o ddiswyddiadau mewn rhan o Gymru lle mae'r economi ddigon bregus fel ag y mae hi. Os na chawn ni atomfa newydd ym Môn yna nid yn unig y bydd llawer o ddiswyddiadau ond bydd llawer iawn o'r gweithlu, sydd yn bobl leol â lefelau sgiliau uchel, yn mynd i'r atomfeydd newydd i'w codi a'u rhedeg yn lle bynnag byddan nhw oherwydd uber-idealists Môn a'u pennau yn y cymylau. Double, os nad tripple-blow i'r ardal.

Dim dadl "ddylian ni gael mwy o atomfeydd ym Mhrydain ai peidio" ydi hi mwyach, ond mater o ddarbwyllo'r llywodraeth mai Môn 'di'r lle gora' i roi un.

[7ennyn]

Erbyn heddiw mae gwyddonwyr a pheirianwyr niwclear yn gwybod sut i osgoi rhai o'r problemau oedd yn gysylltiedig a'r hen genhedlaeth o atomfeydd - pa fath o ddur a choncrid i'w defnyddio yn yr adweithyddion er enghraifft. Bydd y genhedlaeth nesaf o atomfeydd yn llawer glanach i'w rhedeg, a bydd eu dad-gomisiynu yn lot llai o gur pen. Wedi dweud hynny, mae cyfnod dad-gomisiynu hir yr hen genhedlaeth yn sicrhau y bydd swyddi yn parhau i fodoli ymhell ar ol iddynt gynhyrchu eu megawatt olaf - dwi'n siwr bod bron iawn cymaint yn gweithio ar safle Traws heddiw ag yr oedd pan oedd yr adweithyddion yn fyw!

[Mihangel Macintosh]

Dw i'm "o blaid" ynni niwclear fel y cyfryw, ond mae ynni niwclear yn ffordd eithaf diogel a dibynadwy o gynhyrchu'r ynni sydd ei angen arnom yn ddirfawr ar hyn o bryd, dw i'm yn credu y gellid dadlau â hynny.

Ond mae Wylfa B yn hanfodol i Ynys Môn. Os ddaw Wylfa i ben bydd diweithdra yn Ynys Môn yn codi, tebyg y bydd busnesau eraill yn cael eu heffeithio (a rhai yn cau), a hyn mewn ardal sydd eisoes yn dlawd. Mae'n rhoi swyddi o safon i bobl leol y byddent yn symud o'r ardal oni bai am Wylfa. Mae'n dda i'r economi, mae'n dda i bobl Ynys Môn, ac hefyd o fudd mawr i'r iaith Gymraeg yn yr ardal.

Mae'n hanfodol felly cael Wylfa B.

Dydi gwastraff niwcliar ddim yn dda i neb!

O rhan swyddi, bydd yn golygu gwario bilynnau o bunoedd Gellid gwario’rarian hynny ar ddatblygu mesurau arbed ynni a phrosiectau ynni adnewyddol. Mae’r ynys yn fan delfrydol ar gyfer technolegau’r dyfodol.

[Hywel y Bryniau]

Ni fedraf fod yn bendant ar fater yr 'hot spot'. Ond mae'r belydredd sy'n dianc o orsaf bwer yr Wylfa yn siwr o fod yn llai o lawer na'r belydredd sy'n dod o amryw ffynhonnell arall.

Hoffwn egluro ar rai o faterion sydd wedi eu dadlu ynglyn a diogelwch 'Wylfa B', yn enwedig mewn cymhariaeth a Chernobyl. Y broblem efo'r adweithyddion yn Chernobyl, yr RBMK, oedd arwydd (+ neu -) y cyfernod gwagle. Hynny yw, os bydd yr oerydd (dwr) yn berwi ac yn creu bwrlwm stem, a ydi'r adwaith yn cynyddu (arwydd +) neu yn gostwng (arwydd -). Yn yr RBMK, yr oedd yn bosibl i'r arwydd fod yn bositif. Gyda hyn, os bydd yr adwaith yn cynyddu, mae'r tymheredd yn codi, mae're dwr yn berwi, yn creu bwrlwm stem, mae'r adwaith yn cynyddu'n rhagor, mae'r tymheredd yn codi eto, ac yn y blaen. Mae ymddygiad fel hyn yn beryglus. Ond mewn pob adweithydd arall, heblaw yr RBMK, mae arwydd y cyfernod gwagle yn negatif. Gyda hyn, mae bwrlwm stem yn lleihau yr adwaith, ac yn oeri'r adweithydd, ac yn osgoi ychwaneg o ferwi. Mae ymddygiad fel hyn yn ddiogel.

Ni fydd cynllun yr adweithydd yn Wylfa B fel Chernobyl. Ni fydd damwain fel Chernobyl yn bosibl.

[Tegwared ap Seion]

Yn ôl ymchwil gan lywodraeth (dwi'n meddwl) Canada (dim dolen - dim amser) mi gei fwy o ymbelydredd wrth gysgu yn yr un gwely â dy gymar na gei di o atomfa.

[H Huws]

Unrhyw un di gweld Bremer, Bird and Fortune neithiwr? Sgets dda am hurtrwydd y diwydiant niwclear wrth osgoi y broblem gwastraff - o fantais i'r buddsoddwyr preifat ond anfantais i'r cyhoedd gan mai'r llywodraeth fydd yn gorfod datrys y broblem gostus. Hefyd yn amlygu'r gwir fod gan pob cymuned ei phris. Felly y pris i ardal gydnabyddedig dlawd Ewropeaidd (Amcan 1) Ynys Môn yw'r swyddi. Does dim dadlau ei fod yn bris tymor byr gwerth ei dalu i'r cyflogedig (boed yn lleol neu nid mor lleol), ac i gynghorwyr/gwleidyddion sydd wedi addo cyflogaeth.
Ond i’r gweddill a all oedi i fod mwy gwrthrychol, onid tristwch yw gweld Mam Cymru yn ei thlodi swyddi yn gwerthu ei hunan i’r prynwr cyntaf. Bydd cofleidio cyhoeddus am genhedlaeth cyn iddi hi, a gweddill trethdalwyr Cymru, gael ei gadael i dalu am wehilion costus eu perthynas.

A sôn am brynwr posib, Cwmni EDF o Ffrainc sydd wedi bod yn prynu’r tir o amgylch Wylfa. A phwy sy’n rhedeg cyfathrebu EDF on brawd bach Gordon Brown, Andrew Brown. Cozy – heb anghofio fod tad Ed Balls hefyd wrthi’n lobio dros y diwydiant niwclear. Talcen caled i argyhoeddi’r Prif Weinidog fan yna Albert!
Chwarae teg i’r Cynulliad am fynd ati i drafod yn annibynnol – ond am ba hyd… cyn i berthnasau Aelodau dylanwadol hwythau gael eu hudo gan gyflogau hael y diwydiant niwclear.

http://www.dailypost.co.uk/news/north-wales-news/2008/05/10/energy-giant-edf-snaps-up-wylfa-farmland-55578-20888816/
http://www.nuclearspin.org/index.php/Gordon_Brown

[Dewin y gorllewin]

Mae unrhyw un sy'n dweud fod Ynni niwclwar yn rhad yn byw ar planed arall. Cymerwch Trawsfynydd - mae'n defnyddio mwy o ynni i gadw'r lle'n cwl a fydd e yn am y can mlynedd nesa, os nad mwy; na wnaeth e gynhyrchu yn ei oes cynta. Mae'n edrych fel fydd rhaid cael rhywbeth yn Wylfa - dim ond i gyflenwi ynni i cadw'r un presennol yn cwl pan fydd yn dod i diwedd ei fywyd cynhyrchiol.

Beth yw'r opsiynau eraill? Yr un amlwg yw ynni gwynt. Rhoi fferm wynt anferth allan ar y mor - cyflenwi ffatri alwniniwm a cadw Wylfa yn cwl. Ond, mae cymaint o alw am tyrbeini, bod prinder yn dod i'r amlwg, a mae eu prisiau yn codi trwy'r amser. Beth am pwer tonnau? Bydd yn cymeryd amser hir i adeiladu, ac erbyn hyn fydd Wylfa di cae a dim byd yn barod i gymeryd ei lle. Pwer hydro - mae'n gweithio ar ambell i argau yng Nghymru, ond mae angen adeiladu un ar pob argau yng Nghymru, a'i defnyddio i gyflenwi pwer yn lleol, felly'n torri lawr ar pris cludo. Ond ymateb lleol fydd hyn nid ateb i anghenion y wlad. Y broblem fawr yw nad oes neb wedi meddwl am beth sydd yn digwydd pan fydd cenhedlaeth cynta y gorsafoedd niwclear yn dod i ben. Gyda'r problemau uchod, dim ond dau posibilrwydd realistig sydd i gael, niwclear, sydd yn annghynaladwy, neu technoleg glo glan, lle mae carbon yn cael ei ddal cyn ei fod yn mynd i'r awyr.

Ond, fel mae pethau wedi mynd nawr, y problem fwya, dros dim un problem arall yw'r NIMBY's! A diwedd y gan fydd ddim digon o drydan i gyflewnwi'r gwlad a fydd na 'blackouts'. Wedyn , pwy fydd yn achwyn? Dim fi, achos fydda i'n iawn gyda tyrbein bach gwynt, un tyrbein dwr i gadw fi a'r teulu'n hapus.

[Mihangel Macintosh]

A diwedd y gan fydd ddim digon o drydan i gyflewnwi'r gwlad a fydd na 'blackouts'. Wedyn , pwy fydd yn achwyn? Dim fi, achos fydda i'n iawn gyda tyrbein bach gwynt, un tyrbein dwr i gadw fi a'r teulu'n hapus.

I'm allright, jack