Annibynnwyr

[Hedd Gwynfor]

:lol: touchy...

Dwi yn sylwi nawr tho bo ti di newid tiwn...llynnedd mi oeddet o blaid y glymblaid llafur/plaid ar sail yr 'addewidion' odd yn mynd i ddigwydd yn sgil cryfhau Cymru ar iaith Gymraeg. Gan bo ti di gweld bod hwnna ddim wedi digwydd a gweld dy fod wedi colli y ddadl yna, rwy'n sylwi nawr dy fod yn defnyddio y ddadl o'r plaid mwyaf , pam mae yn siwito ti. No hard feelins fel Hedd, ond mae yn wir.

Chwilia trwy fy negeseuon Rhodri, ac fe weli di yn gwbwl glir fi'n dweud ar sawl achlysur ei bod yn bwysig fod y blaid fwyaf yn llywodraethu. Dwi newydd chwilio i wneud yn siwr mod i'n cofio'n gywir! Y rheswm arall oeddwn i'n cefnogi'r Glymblaid gyda Llafur oedd fy mod yn adain chwith. Y trydydd rheswm oedd gan fod cytundeb Cymru'n un yn addo'r un pethau â chytundeb yr enfys + refferendwm ar Senedd i Gymru.

Pam i ti yn son am Plaid Cymru fel y plaid Cymraeg go iawn , wel dyw torri ar addewidion a dweud celwydd am cyhoeddi papur dyddiol Cymraeg ac yna eu taflu ir bin, ac hefyd arafu'r broses o ddatblygu addysg Gymraeg yng Nghaerdydd ddim yn blaid sa ni yn disgrfio yn 'blaid wir Gymraeg'

Cymreig wnes i ddweud Rhodri, nid Cymraeg. Ffaith yw hynny, nid barn!

Dwi yn deall ac yn cydymdeimlo a'ch sefyllfa yn Caerfyrddin, fel rwyf yn cydymdeimlo a plediau eraill sydd di bod yn y run sefyllfa - ond ma'r ddadl ma abathdi'r busnes ma o bleidiau cenedlaetholwyr prydeinig yn erbyn y 'plaid Cymraeg' sori yn ridicylys - drycha am dadleuon a sylwedd fel, dim nonsens fel hyn!
Yn bod yn streit da ti , but its tyff lyf...

Does dim 'ridicylys' o gwbwl yn hyn.

Mae'r Rhyddfrydwyr, Llafur a'r Ceidwadwyr yn bleidiau Prydeinig = Ffaith.
Mae Plaid Cymru yn blaid Gymreig = Ffaith.

ON. Plis paid defnyddio cymaint o yn dy negeseuon!

[Rhods]

Hmmm, gwbod ti di dweud bo ti yn cynhesu at yr enfys pam odd y trafodaethau yn digwydd (dim son am y nifer llafur pryd ni!!!).. mi o ti o blaid y glymblaid llafur/plaid ar y sail bod e yn mynd i fod yn rhaglen deliferi ar yr iaith ac ar senedd...not so...ond ta waith am hynny, gorffennol di hynny..ddim yn deg cyfeirio ato ti yn uniongrychol, ond mae yn wir bod rhai ar y maes (a tu allan) oedd ar y pro llafur/plaid lobi ddim di son unwaith am y ffaith fod en wrong bod unrhyw clymblaid yn ousto'r plaid mwyaf, ond yn hytrach yn son am yr addewidion ar agenda posib odd yn dod o'r undod

Pleidiau prydeinig ti yn son am nawr, ie, ond 'cenedlaethowlyr prydeinig gynne?!!!!
Eniwiei, ma lot o drafodaethau di bod ar semantics yn y gorffennol ar y maes...diwedd ar hynny nawr falle........

Adain chwith tho!!!!??? lleisiau'r dosbarth canol chwith cenedlaethol yn siarad to.. Trendi..hei tynnu coes, Hedd, onest, joia'r wicend

[Seonaidh/Sioni]

Mae gennym ni 3 grwp o Annibynnwyr yma yn Ffeiff! Mae'r grwp annibynnol swyddogol - 3 aelod os cofia i'n iawn; y grwp sy ddim yn rhoi enw plaid/disgrifiad o gwbl ar y balot (Plaid Gomiwnyddol Prydain Fawr ar un adeg) - 2 aelod; a dyn sy newydd gael ei daflu allan o'r grwp SNP.

[Cath Ddu]

O ran moesoldeb, dwi'n credu dylai'r blaid gafodd y nifer fwyaf o seddi fod yn arwain.

Y cenedlaetholwyr Prydeinig yn yn clymbleidio'n erbyn yr unig blaid Gymreig.

Hedd, mae angen i ti siarad gyda aelodau dy Blaid yng Nghonwy a Sir Ddinbych. Y Ceidwadwyr yw'r blaid fwyaf yn y ddau gyngor yma ac eto ymddengys y bydd dy blaid, law yn llaw gyda'r annwyl annibynnwyr + Llafur + Rhyddfrydwyr yn uno yn y ddau gyngor er mwyn cadw y Ceidwadwyr allan o rym. Ymddengys fod rhai pleidiau Prydeinig yn OK Hedd

Mae'r geiriau tŷ gwydyr, pobl, taflu a carreg yn dod i feddwl wrth wrando arnat yn hefru heb son am y creadur oedd yn rantio ar y radio.

[Hedd Gwynfor]

Hedd, mae angen i ti siarad gyda aelodau dy Blaid yng Nghonwy a Sir Ddinbych. Y Ceidwadwyr yw'r blaid fwyaf yn y ddau gyngor yma ac eto ymddengys y bydd dy blaid, law yn llaw gyda'r annwyl annibynnwyr + Llafur + Rhyddfrydwyr yn uno yn y ddau gyngor er mwyn cadw y Ceidwadwyr allan o rym.

Plis darllena'r holl negeseuon yn llawn Gath cyn cyfrannu. Fy marn i yw'r uchod, nid barn Plaid Cymru. Fi wedi gwneud hyn yn gwbwl amlwg. Fi hefyd wedi derbyn fod Plaid Cymru yn cymryd mantais o'r system i gadw'r plaid mwyaf allan o bwer mewn Cynghorau eraill. Dwi'n credu y dylai'r blaid fwyaf mewn unrhyw Gyngor neu ar lefel cenedlaethol fod mewn pwer. Dyna yw fy marn, ac mae hyn yr un mor berthnasol i bob Cyngor ac i bob plaid.

Ymddengys fod rhai pleidiau Prydeinig yn OK Hedd

Enghraifft penodol mewn un Cyngor oedd hynny.

Mae'r geiriau tŷ gwydyr, pobl, taflu a carreg yn dod i feddwl wrth wrando arnat yn hefru heb son am y creadur oedd yn rantio ar y radio.

Dim o gwbwl, ac os bydde ti wedi darllen yr edefyn yn llawn fydde ti'n sylweddoli hyn. Pwynt cyffredinol 'wi'n codi sydd yr un mor berthnasol i bob plaid ym mhob sir. Mae enghreifftiau Ceredigion lle gafodd y Blaid fwyaf 44% o'r bleidlais, a Sir Gaerfyrddin lle gafodd y blaid fwyaf 40% o'r bleidlais ond eu cau mas o bwer yn enghreifftiau da o wendidau'r drefn bresennol yn fy ardal i. Mae'r un yn wir am siroedd eraill hefyd dwi'n siwr. Beth oedd canran pleidleisiau'r Ceidwadwyr yng Nghonwy a SIr Ddinbych allan o ddiddordeb?

[Cath Ddu]

Plis darllena'r holl negeseuon yn llawn Gath cyn cyfrannu.

Hedd, be sy'n gwneud i ti feddwl na fu i mi wneud hynny

Mae dy ddefnydd o eiriau megis anfoesol ayb yn awgrymu'n gryf o ble ti'n dod ar y mater hwn ac y cyhyddiadau yn erbyn y pleidiau Prydeinig yn ddoniol iawn o weld parodrwydd dy blaid i roi grym i Lafur mewn dau gyngor lle bu i'r Ceidwadwyr weld twf sylweddol yn nifer yr aelodau etholedig. Os ydi hwn yn fater moesol yna gair yng nghlust dy gyd aelodau falle yn hytrach na gweiddi fan yma ar Maes E.

O ran canran y Ceidwadwyr yn Sir Ddinbych a Chonwy - dim syniad ond yn Aberconwy yr oedd gan y Ceidwadwyr 30% o gymharu a 13% i Blaid Cymru. Mae Plaid Cymru law yn llaw a Llafur (ddaru'n waeth na Plaid Cymru) a'r Rhyddfrydwyr (ddaru'n waeth fyth!) yn debygol o fod yn rheoli. Dyna wleidyddiaeth Hedd.

[Hedd Gwynfor]

Mae dy ddefnydd o eiriau megis anfoesol ayb yn awgrymu'n gryf o ble ti'n dod ar y mater hwn ac y cyhyddiadau yn erbyn y pleidiau Prydeinig yn ddoniol iawn o weld parodrwydd dy blaid i roi grym i Lafur mewn dau gyngor lle bu i'r Ceidwadwyr weld twf sylweddol yn nifer yr aelodau etholedig. Os ydi hwn yn fater moesol yna gair yng nghlust dy gyd aelodau falle yn hytrach na gweiddi fan yma ar Maes E.

Dwi'n aelod o Blaid Cymru (a nifer fawr o fudiadau a grwpiau eraill) ond dyw hyn ddim yn mynd i'n atal i rhag dweud fy marn yn gyhoeddus Gath. Os yw plaid yn cael 44% o'r bleidlais, mae synnwyr yn dweud y dyle nhw fod mewn pwer. Os taw'r Ceidwadwyr oedd y blaid mwyaf yng Nghonwy, dyle nhw fod mewn pwer. Os nad yw hyn yn digwydd, mae rhywbeth o'i le, ac mae angen newid y drefn. Roedd Plaid Cymru yng Ngheredigion a SIr Gár yn awgrymu fod yr holl bleidiau yn cydweithio, gyda cyfran teg o aelodau'r holl bleidiau yn cydweithio ar y Bwrdd Gweithredol. Efallai dylai'r holl Gynghorau gael eu gorfodi i wneud hyn ar draws Cymru?

[Hedd Gwynfor]

Gyda llaw, fe wnaeth John Dixon esbonio'n dda iawn polisi cenedlaethol Plaid Cymru o ran cydweithio gyda pleidiau eraill mewn Cynghorau a'r sefyllfa yng Ngheredigion a Sir Gaerfyrddin ar raglen gwilym Owen rhai munudau yn ól.

Mae Plaid Cymru yn ffafrio system 'Bwrdd Cydweithredol' yn hytrach na 'Cabinet'. Y drafferth yw bod y system 'Cabinet' yn rhan o gyfansoddiad bron pob Cyngor yng Nghymru arwahan i Gyngor Gwynedd sy'n gweithredu'r drefn o Fwrdd Cydweithredol. Mae pob Plaid yn cael cynrychiolaeth deg ar 'Fwrdd Cydweithredol'. Does dim modd newid cyfansoddiad Cyngor o fod á threfn Cabinet i drefn 'Bwrdd Cydweithredol' heb fwyafrif o 2/3.

Yn Sir Gár, roedd Plaid Cymru wedi awgrymu system o Fwrdd Cydweithredol gyda 4 sedd ar y bwrdd i Blaid Cymru, 4 sedd i'r grwp Annibynnol a 2 i Lafur, ond gwrthododd y Blaid Lafur a'r Grwp Annibynnol y cynnig. Maent wedi penderfynnu parhau gyda'r drefn cabinet gyda 7 aelod Annibynnol a 3 Llafur.

[Cath Ddu]

Gyda llaw, fe wnaeth John Dixon esbonio'n dda iawn polisi cenedlaethol Plaid Cymru o ran cydweithio gyda pleidiau eraill mewn Cynghorau a'r sefyllfa yng Ngheredigion a Sir Gaerfyrddin ar raglen gwilym Owen rhai munudau yn ól.

Ti'n hawdd dy blesio Hedd

Mae Plaid Cymru yn ffafrio system 'Bwrdd Cydweithredol' yn hytrach na 'Cabinet'. Y drafferth yw bod y system 'Cabinet' yn rhan o gyfansoddiad bron pob Cyngor yng Nghymru arwahan i Gyngor Gwynedd sy'n gweithredu'r drefn o Fwrdd Cydweithredol. Mae pob Plaid yn cael cynrychiolaeth deg ar 'Fwrdd Cydweithredol'. Does dim modd newid cyfansoddiad Cyngor o fod á threfn Cabinet i drefn 'Bwrdd Cydweithredol' heb fwyafrif o 2/3.

Rhyfedd fod rhai o aelodau amlwg Plaid yng Ngwynedd bellach yn credu y dylid symud oddi wrth y dull hwn o weithredu er mwyn osgoi rhannu grym efo Llais Gwynedd. Mae o hefyd yn wir i ddweud fod yna elfen o 'tokenism' o ran rheolaeth Bwrdd Cydweithredol. Yn achos y Cynllun Ysgolion wnaeth y fath ddifrod i dy blaid yng Ngwynedd ni fu hwn o flaen y bwrdd cydweithredol i'w drafod ond yn hytrach fe'i cyflwynwyd fel dogfen orffenedig. Serch y bwrdd cydweithredol yr oedd rhai o (gyn)gynghorwyr dy blaid yn llwyr ymwybodol o'r cynnwys ond nid felly mwyafrif aelodau'r Bwrdd. Y gwir yn achos Gwynedd oedd fod y Bwrdd yn cael gwybod am yr hyn y dymunai arweinyddiaeth y Cyngor iddynt gael wybod.

Yng Nghonwy mae Plaid ar fin achub Llafur gan ddyrchafu cyn arweinydd y Cyngor pan oedd y baid honno a 20+ o aelodau yn ddirprwy arweinydd fe ymddengys er fod Llafur wedi cwympo bellach i 7 aelod. Dyna wleidyddiaeth Hedd ond paid wir Dduw a trio creu rhyw ddadl am foesoldeb. Mae plaid fu'n ymgyrchu cyn Mai 2007 gyda'r slogan "kick Labour into touch" cyn gwneud tro pedol ac achub yr union blaid honno er gwaethaf canlyniad gwaethaf i Lafur ers y Rhyfel Byd Cyntaf yn chwarae gen beryglus wrth ddefnyddio'r gair moesol yng nghyd destun gwleidyddiaeth unrhyw ran o Gymru fach.

[Hedd Gwynfor]

Rhyfedd fod rhai o aelodau amlwg Plaid yng Ngwynedd bellach yn credu y dylid symud oddi wrth y dull hwn o weithredu er mwyn osgoi rhannu grym efo Llais Gwynedd. Mae o hefyd yn wir i ddweud fod yna elfen o 'tokenism' o ran rheolaeth Bwrdd Cydweithredol. Yn achos y Cynllun Ysgolion wnaeth y fath ddifrod i dy blaid yng Ngwynedd ni fu hwn o flaen y bwrdd cydweithredol i'w drafod ond yn hytrach fe'i cyflwynwyd fel dogfen orffenedig. Serch y bwrdd cydweithredol yr oedd rhai o (gyn)gynghorwyr dy blaid yn llwyr ymwybodol o'r cynnwys ond nid felly mwyafrif aelodau'r Bwrdd. Y gwir yn achos Gwynedd oedd fod y Bwrdd yn cael gwybod am yr hyn y dymunai arweinyddiaeth y Cyngor iddynt gael wybod.

Dyw Bwrdd Cydweithredol ddim yn berffaith, ond mae'n drefn LLAWER mwy democrataidd na Chabinet. Wyt ti'n cytuno Gath? O ran Plaid Cymru yng Ngwynedd, Llais Gwynedd sydd wedi gwrthod cydweithio gyda Phlaid Cymru o'r hyn i fi'n deall. Ensyniadau yw gweddill dy gyfraniad uchod.

Yng Nghonwy mae Plaid ar fin achub Llafur gan ddyrchafu cyn arweinydd y Cyngor pan oedd y baid honno a 20+ o aelodau yn ddirprwy arweinydd fe ymddengys er fod Llafur wedi cwympo bellach i 7 aelod. Dyna wleidyddiaeth Hedd ond paid wir Dduw a trio creu rhyw ddadl am foesoldeb. Mae plaid fu'n ymgyrchu cyn Mai 2007 gyda'r slogan "kick Labour into touch" cyn gwneud tro pedol ac achub yr union blaid honno er gwaethaf canlyniad gwaethaf i Lafur ers y Rhyfel Byd Cyntaf yn chwarae gen beryglus wrth ddefnyddio'r gair moesol yng nghyd destun gwleidyddiaeth unrhyw ran o Gymru fach.

Dwi'n credu ei bod yn foesol bwysig fod y Grwp mwyaf mewn grym. Fi'n credu bod y system o Fwrdd Cydweithredol yn un tecach na system y Cabinet. Wyt ti'n anghytuno gyda hyn?

O ran Conwy, dwi ddim yn glir beth yw'r sefyllfa, a dyw'r uchod ddim yn gwneud pethau lot yn gliriach. Os taw system gabinet sy'n bodoli yno eisoes, bydd angen 2/3 i newid y cyfansoddiad i Fwrdd Cydweithredol. A fyddai'r Ceidwadwyr yn barod i wneud hyn, a rhannu pwer rhwng yr holl bleidiau yng Nghonwy?

O ran dy sylwadau ynglŷn ag etholiadau'r Cynulliad yn 2007, does gan yr edefyn hwn ddim oll i wneud gyda hynny. Ond da gweld Plaid Cymru yn cydweithio gyda'r Blaid fwyaf, yn hytrach na nifer o bleidiau llai!