Seiclwyr - gwisgwch helm bob tro!

[7ennyn]

... rheswm pwysig dros ben dros wisgo helmed pan yn pedlo.

Mi fedrai dy ddychmygu di yn gwisgo dy helmed tra'n pedlo dy syniadau ar Maes-e. (ych a fi!)





Sori , ond mi fysa yna o leiaf un joc helmed wedi ymddangos yn yr edefyn yma yn hwyr neu'n hwyrach beth bynnag.

[Wylit, wylit Lywelyn]

Wel, efo'r golwg ar y llun uwchben yr enw 7ennyn dwi'n amheus iawn os y bydd angen helmed arna chdi.
Mwynhau bywyd yn y mor? Ond dyna ni, fel y dywedodd rhywun unwaith ar maes-e: paid bwydo trols

[Gwahanglwyf Dros Grist]

Os nad oes ots 'mod i'n gofyn, beth achosodd y ddamwain?

[Chickenfoot]

Clunk, click every trip, stay in school and don't do drugs. Drugs are bad, mmkay? DROP 'N' ROLL!

Falch i glywed fod y helmets wedi llwyddo i achub bywyd, neu o leiaf rhwystro anafiadau difrifol. Dw i'm di reidio beic ers oesoedd bellach, ond doeddwn i byth yn trafferthu wisgo helmed, felly dim ond try dumb luck (a 'sa'n gorfod bod yn fy achos i)
wnes i'm brifo.

[Mr Gasyth]

Os nad oes ots 'mod i'n gofyn, beth achosodd y ddamwain?

dyna oeddwn i'n bendroni hefyd.

dwi yn y broses o brynu beic ond braidd yn betrusgar am feicio ar y ffordd o safbwynt diogelwch a gan nad wyf yn sicir be dwi'n gael a ddim yn cael ei wneud felly buasai'n dda cael unrhyw dips eraill gan feicwyr profiadol.

[Gwahanglwyf Dros Grist]

Os nad oes ots 'mod i'n gofyn, beth achosodd y ddamwain?

dyna oeddwn i'n bendroni hefyd.

dwi yn y broses o brynu beic ond braidd yn betrusgar am feicio ar y ffordd o safbwynt diogelwch a gan nad wyf yn sicir be dwi'n gael a ddim yn cael ei wneud felly buasai'n dda cael unrhyw dips eraill gan feicwyr profiadol.

Wy'n seiclo i'r gwaith bob dydd ond ddim yn gwisgo helmed. Dydw i erioed wedi cael damwain ddigon difrifol (dim ond cwmpo unwaith neu ddwywaith - yn bennaf fy mai i fy hun e.e. bwrw drych ochr car) i gyfiawnhau i fy hun i wisgo helmed. Wy'n gwbod y dylwn i, achos, er gwaetha'r ffaith bod tebygolrwydd eitha' bach o gael damwain ddifrifol os wyt ti'n seiclo'n gyfrifol, mae 'na ffyliaid mas 'na ac fe allai helmed wneud byd o wahaniaeth mewn damwain. Fodd bynnag, ar y llaw arall, wy'n teimlo y gallai gwisgo helmed gymryd mwy o gyfrifoldeb o ddwylo'r gyrrwr parthed diogelwch ar y ffordd. Mae lle i ddadlau y gallai gyrrwr yrru ychydig yn llai gofalus wrth fy mhasio i gan feddwl "wel, mae'n gwisgo helmed, felly fe fydd e'n iawn hyd yn oed os bydda' i'n ei fwrw fe". Yr hyn sydd ei angen yw gwneud gyrwyr yn llawer mwy ymwybodol o'u dyletswydd, a sylweddoli eu bod nhw'n gyrru tunnell o fetel, tra bod beicwyr yn llawer mwy bregus ar gan cilogram o fetel, neu'n llai.

[Rhodri Nwdls]

Ma hwnna'n ddadl ridiculous GDG. Ti'n siarad trwy dy het! Ti'n ffwl os ti ddim yn gwisgo helmet, yn arbennig mewn dinas, a ma peidio gneud yn rhoi'r argraff i yrrwyr (sy'n ddigon amheus ohonan ni'n barod) ein bod yn anghyfrifol. Dylen ni ddim seiclo ar palmant a dylen ni drio cadw at yr un rheola lôn â gyrrwyr. Os na wnawn ni barchu'r lôn hefyd, pa hawl sgynnon ni gwyno pan mae ceir yn ein amharchu ni?

Dwi di cael sawl close shave yng Nghaerdydd ac roedd pob un allan o fy rheolaeth yn llwyr. Gan amla doedd y gyrrwr heb sylwi fy mod i yna, felly gwell gwisgo un na pheidio. Beth yw'r gwir reswm nad wyt ti'n gwisgo un ?

O ran tips seiclo, Gasyth, ma'n hawdd unwaith ti'n cael mewn i'r grŵf. Hyder ydi seiclo mewn dinas na'i gyd. Jest osgoi defnyddio lonydd bysiau/tacsis. Ma'n nhw'n aml yn gyfyng ac mae tueddiad ganddynt i sbidio ynddyn nhw. Gwell dod off y beic os ti'n ganol dre, neu drio ffeindio'r short cyts di-draffig. Buan ddei di'n giamstar ar ffeindio'r ffordd dawelaf o A i B. Ma roundabouts hefyd yn aml braidd yn hairy, ac yn werth osgoi. O'n i wastad yn trio cael fy hun i flaen ciw goleuada traffig, er mwyn cael head start, ond byth yn mynd trwyddyn nhw cyn troi'n coch. Fel'na ma cael dy gnocio drosodd. Boring falla, ond dyna ni...

[Tegwared ap Seion]

Dwi di cael sawl close shave yng Nghaerdydd ac roedd pob un allan o fy rheolaeth yn llwyr. Gan amla doedd y gyrrwr heb sylwi fy mod i yna,...

Mae hyn hefyd yn wir efo cerddwyr. 'Dyn nhw ddim yn dy glywed di'n dod a felly'n cymryd yn ganiataol nag wyt ti yna. Sawl gwaith dwi di ca'l close shave efo pobol yn croesi'r lon heb edrych yn iawn - mae pobol yn edrych allan am gerbydau mwy ac yn eu gweld. Tydi pobl ddim, ar y cyfan, yn chwilio am feic ac mae'n hawdd camgymryd seiclwr am gerddwr.

Byddwn i hefyd yn awgrymu'n gryf bo chdi'n gwisgo helmed, hyd yn oed os nad oes ceir o gwmpas o gwbwl. Welish i un beiciwr yn mynd ar ffordd feics pan oedd yn bwrw. Mi gollodd ei falans wrth fynd rownd gongol a mi ath ei feic un ffordd a fo'r ffor arall. Wrth lwc ar ei ben i gae aeth o a'r anafiadau mwyaf oedd llosg danadl poethion.

Un peth arall i ofalu amdano ar feic (hefyd mewn car, ond llawer pwysicach ar feic) yw cerbydau hir sy'n troi cornel. Mae'r cerbydau'n gorfod mynd y ffordd groes i'r gornel i droi iddi, ac mae cerbydau eraill yn meddwl ei bod yn iawn under-take-io ( ) gan eu bod yn meddwl bod y cerbyd yn mynd ffordd arall. Y perryg ychwanegol efo gwneud hyn ar feic ydi ei fod yn anos i yrrwr y cerbyd hir eich gweld. Gyda'r nifer uchel iawn o feiciau yng Nghaergarwnt, tydi clywed straeon am crushes ddim yn beth rhy ddiarth, yn anffodus.

[Ray Diota]

On i'n seiclo lot rownd C'dydd pan on i'n coleg - heb helmet. Nes i ddechre gwisgo helmet ar ol i fy ffrindiau ddadsgriwio'r handle bar ag i fi ffindo mas wrth i'r jawl ddod off a finne'n mynd ffwl pelt lawr City Road... aw.

Sdim dowt bo helmet beic yn neud i chi edrych fel coc, ond ma'n well na'r dewis arall ondyw e?

[ger4llt]

Y ngelyn penna' i ar y ffordd erbyn hyn ydi Range Rovers.

+ System reoli traffig newydd wrth y stesion ym Mangor.

Yr hyn ddigwyddodd odd fi'n beicio yn y ffrwd beic yn dod lawr Ffordd Deiniol tuag at ganol y ddinas. Wrth 'yn ochr i oedd Range Rover, a bob math o tints yn y ffenestri, bron yn 'i neud hi'n hollol amhosib y 'ngweld i wrth 'i ochr. Feeelly benderfynodd o ar y munud ola i droi i'r chwith, gyda fi ar yr ochr fewnol iddo, yn amlwg wedi 'nguddio tu ol i biler y drws/ffenest. Digwydd bod oni'n mynd jysd digon cyflym i allu sleifio o'i flaen ar yr eiliad ola. Mwy na thebyg os swn i di brecio 'swn i'n slwj ar y ffordd.

'Falla odd chydig o fai ar y system ffrwd traffig, ond ar y cyfan dwi'n gweld o'n fuddiol iawn i feicwyr, gyda llinella stopio estyniedig o flaen goleuadau traffig i osod eich hun o flaen ceir. Jysd y gamp wedyn di cofio bod mewn ger isel am quick getaway.