Shwt wt ti'n ymateb i rywun gwrth-Gymraeg

[Kez]

Cwrddas i lan gyda fffind fi Rob pwy ddywrnod ac odd yffach o 'cob' arno. 'Co fe'n gwed wrtho i wedyn bo fa wedi bod yn dadlau 'ta'r arseholes 'ma odd yn lladd ar y Gymraeg - chi'n gwpod y teip o beth; tafodiaith Sysneg yw'r Gymraeg, sdim gair yn yr iaith am 'hoover' a bod y bobol ond yn ei siarad hi pan ddaw Sais i'r dafarn leol.

Athro yw Rob ac ma'n lico dadla nol , ond er hynny 'odd y dwli wetson nhw yn ei frifo fe. Dysgas i flynydda nol gin ryw ferch o Faesteg taw'r peth gora odd eu hanwybyddu - fi fan hyn ac rwyt titha fanna; felly ca dy geg, am bo fi ddim yn mynd i wastraffu fy amser wrth siarad a thi a dy fath. Bach yn gryf o bosib ond wi'n credu odd hi yn llygad ei lle a gwed y gwir - ma anwybyddu'r ffycars yn really pisho nhw off.

Walla bo fi ar fai ond pwy gyngor nelach chi roi i Rob?

[ceribethlem]

Cic yn y cerrig bob tro'n gweithio i fi.

[LLewMawr]

jyst dweud bod cymraeg yw iaith y nefoedd ac ei bod nhw'n genfigenus ei bod nhw ddim yn medru siarad y iaith.

[Doctor Sanchez]

Neu deud wrtho fo bod i fam o'n uffar o ffwc dda!

[eusebio]

... sdim gair yn yr iaith am 'hoover' ...

'Sa fo'n gallu dechrau trwy ddweud nad oes gair Saesneg am hoover chwaith - enw cwmni ydi hoover - vacuum cleaner ydi'r term!

[Kez]

Cic yn y cerrig bob tro'n gweithio i fi.

A man after my own heart

[Mali]

Walla bo fi ar fai ond pwy gyngor nelach chi roi i Rob?

Yr unig ffordd i ddelio efo pobl fel hyn ydi deud wrthynt gymaint o Iaith fyw ydi'r Gymraeg ....a mynd ymlaen ag ymlaen am yr Ysgolion Cymraeg , rhaglenni radio a theledu Cymraeg, y we yn Gymraeg , llenyddiaeth , cerddoriaeth ayb ayb .....Hynny ydi gwneud iddynt deimlo eu bod yn colli allan , yn ogystal a gwneud iddynt deimlo'n reit hurt nad ydynt yn ymwybodol fod y Gymraeg yn fyw !
Os neith hynny ddim llwyddo ....cer i grafu .

[Madrwyddygryf]

Ond mi fedri taro nol pryd mae pobl yn ymosod am ein defnydd geiriau Saesneg yn y Gyrmaeg.

Mae’r Saesneg wedi cymeryd cannoedd o eiriau o ieithoedd eraill dros y blynyddoedd. Mi fedri di ofyn ol : ‘What’s English for Restaurant, Menu, Schaudenfreude, Angst, Kitsch, Ambulance, centre and Bungalow ?’

Mae’r Saesneg fodern yn deillio o Ffrangeg yn ol pob son (wel yn ol Melvyn Bragg eniwe).

[Mr Gasyth]

Mae’r Saesneg fodern yn deillio o Ffrangeg yn ol pob son (wel yn ol Melvyn Bragg eniwe).

Wel, mae peth wmbreth o'r eirfa yn dod o'r Ffrangeg (a Lladin a Norseg), ond mae'r gystrawen yn Anglo-Sacsonaidd/Almaenig.

Yn aml mae gan Saesneg bar o eriau cyfystyr, un o darddiad Anglo-Sacson ac un mwy 'posh' o darddiad Ffrengig:

close / shut
reply / answer
odour / smell
annual / yearly
demand / ask
chamber / room
desire / wish
power / might

[Jakous]

Sud ti'n ateb i rywyn wrth-Gymraeg? Gofynna i Sais ar ol cyfarfod josgin, fydda nhw efo dipyn o hints i chdi.