NA I ARWISGIAD ARALL! - arwyddwch y ddeiseb

[Prysor]

arwyddwch y ddeiseb ar-lein os gwelwch yn dda

http://www.ipetitions.com/petition/investiture?e

[dawncyfarwydd]

Mae creu dicter ymhlith y werin (sy'n lot pwysicach na gwrthwynebiad i'r actiwal digwyddiad) am rywbeth fel hyn yn mynd i fod yn haws os bydd na gynlluniau cyhoeddus ar y bwrdd i gynnal arwisgiad arall - so pam ymgyrchu rŵan a Lisabeth yn dal ar dir y byw?

Dwi'n credu bod hi'n haws creu 'outrage' ar fyr rybudd yn hytrach na chynnal ymgyrch hir-dymor. A pheth da fysa arwisgiad arall er mwyn ysgwyd pobol a magu'r sylweddoliad nad ydi Cymru'n wlad, a bod angen gwneud rhywbeth am y peth.

Pa Gymru fyddai orau - un â thywysog dibwys wedi'i arwisgo yng Nghaernarfon a Cherddi'r Cywilydd ac ati'n ein herio, Cymru a gafodd ei herio i'w hystyried ei hun; ynta un efo tywysog dibwys wedi'i arwisgo yn Westminster Abbey a ninna'n dal in denial am ein statws?

[Prysor]

yn anffodus, gyfaill, tydi'r chwyldro - ac, yn sicr, ddim y wladwriaeth Brydeinig - ddim am aros tra mae'r athronwyr yn rhesymegu pa union adeg yw'r orau i roi'u traed yn y dŵr

[Dylan]

er tegwch, dw i ddim yn rhagweld y chwyldro'n magu stêm oherwydd rhyw ddeiseb ar-lein chwaith

[dawncyfarwydd]

Mae'n haws creu chwyldro pan mae na rywbeth penodol i chwyldroi yn ei erbyn, does bosib?

Mae Salmond ar hyn o bryd yn pwysleisio bod Prydain yn dwyn olew'r Alban - mae pris olew yn rhywbeth ymarferol sy'n poeni'i bobol o rŵan, ac mae o'n fater sy'n tanlinellu y bysa Albanwyr yn well off mewn Alban annibynnol.

Propoganda pro-annibyniaeth ydi ymgyrch wrth-arwisgo, fel cwyno am bris olew yn yr Alban. Mae arwisgo William yn rhywbeth symbolaidd y mae potensial iddo ddigwydd mewn cwpwl o flynyddoedd, felly o safbwynt PR (sef yr hyn sy'n hollbwysig yma) dydi o ddim yn effeithiol ar hyn o bryd. Dwi'n rhagweld burst o falchder cenedlaethol pan fydd o'n fater o bwys, so mi fysa trio rhwystro'r peth ar hyn o bryd, a llwyddo, yn golygu colli cyfle.

Hwyl ar y padlo

[Nanog]

Os gobaith rhoi llun i'r ddeiseb. Mae 'na ddigon o ddewis tebyg i hwn:

[Chip]

dwi dim yn deall pam ma pobl y brenhimieth yn cadw neud hyn (arwysgo yng nghymru) mae mond, erbyn hyn yn cryfhau gwrthwynebiad i nhw. ydy e'n gyfraith i nhw creu tywysog cymru pob genhedlaeth neu rhywbe?

[Prysor]

Anhygoel! Ro'n i'n hanner disgwyl i ryw gyw cenedlaetholwr wrthwynebu'r ddeiseb am fod y fersiwn Saesneg yn dod cyn y Gymraeg. Ond hyn???!!

Deiseb gwrth-Arwisgo (sy'n ymateb i gynlluniau pendant, gyda llaw), ac mae'r ymateb cyntaf ac ail ar Maes-e (gan 'genedlaetholwyr') yn rhai gwrthwynebus a dilornus. (Synnu dim mai Pleidwyr pro-cau ysgolion ydi'r ddau ohonach chi, chwaith, deud gwir)

Does neb yn honni fod y ddeiseb yn chwyldro (Dylan - paid a pregethu i fi be ydi 'chwyldro'. Dwi wedi bod yn rhan o un - wyt ti?) Mae methu gweld mai pwynt rhethregol cyffredinol i ateb pwynt gor-athronyddol penodol dawncyfarwydd oedd y cyfeiriad at chwyldro, yn dangos dipyn mwy na diffyg galluedd i ddeall y galw dros ddeiseb. Dysgwch fwy am eich gelyn, am eich hanes, am wleidyddiaeth a mechanisms y wladwriaeth Brydeinig yng Nghymru, cyn dod allan efo'ch dadleuon bach hollti-blew, hunanbwysig sydd yn gwneud i bawb ond chi eich hunain weld faint mor gwbwl pathetig a di-asgwrn cefn ydach chi'n swnio.

Mae'r ddeiseb yn ymateb i ymgyrch bropaganda Brydeinig a chynlluniau sydd eisoes ar y gweill i baratoi'r ffordd i'r Arwisgiad nesaf. Dyna mae pobol yn neud, defnyddio safleoedd deiseb ar-lein i ymateb i gynlluniau'r wladwriaeth. Wrth ei rhoi i fyny yma, ar fforwm drafod fawr y Cymry Cymraeg, roeddwn i'n meddwl mod i'n gneud ffafr â'r trefnwyr, gan mai yma, ar fforwm drafod fawr radical y Cymry Cymraeg, y byddai'r gefnogaeth fwyaf. Er, dylwn wybod yn well, o sylwi faint o fynd sydd ar bynciau llosg cenedlaetholgar/cyfansoddiadol Cymreig yn y lle 'ma.

Rydach chi'n gwrthwynebu'r ddeiseb am nad ydach chi'n credu y dylid gweithredu na thynnu sylw at gynlluniau'r llywodraeth nes y maent yn cael eu gweithredu - (hence y pwynt gennyf am ffwcian o gwmpas yn 'ystyried' tra mae'r cynlluniau eisoes yn mynd rhagddynt). A'ch 'rhesymeg' yw 'aros nes mae'r bobl wedi'u cyflyrru, eu brenwashio a'u gorfodi i dderbyn mai anatod yw William fel Prins of Wêls'!

A dyna waith paratoi y wladwriaeth wedi cael dechrau da! Defnyddio taeogrwydd a diffyg asgwrn cefn cenedlaetholwyr 'home rule' y 'Sefydliad Cymreig' i gynnal Prydeindod! Dyna wnaeth y Brit State erioed. Fel y Royal National Eisteddfod, Lloyd George yn 1911, Cynan, ac yn y blaen ac yn y blaen.

Mae pawb yn gwybod be ddigwyddodd yn 1969 - hyd yn oed wedi cyhoeddi'r dyddiad a chyhoeddi'r cynlluniau, hyd yn oed wedi blynyddoedd o weithredu poblogaidd, a hyd yn oed ymgyrch fomio, aeth mwyafrif llethol y Cymry efo'r syniad, a hynny mewn cyfnod o 'ddeffroad cenedlaethol'! Pam aeth y Cymry efo'r wladwriaeth Brydeinig? Am ei bod wedi eu cyflyrru gan weision y wladwriaeth ers blynyddoedd, a bod y cyflyrru hynny wedi cael ei ganiatau gan yr apolojists o blith cenedlaetholwyr diwylliannol Cymru.

A mae peth uffarn mwy o Saeson yn byw yng Nghymru heddiw. Heb anghofio'r ffaith fod mass media heddiw gymaint yn gryfach hefyd. A pha gyfnod hawddach na rwan iddyn nhw - Cymru'n dal i ddod i ddygymod â datganoli, cenedlaetholdeb mewn false state of security, cenedlaetholdeb radical yn ddi-drefn wrth aros canlyniad y state of flux yma, ac yn y blaen ac yn y blaen. Pa gyfle gwell i fanteisio ar ein gwendid a diffyg ffocws clir, a'n clymu'n dynnach i mewn i Brydeindod?

Deffrwch! Mae'r gwaith ar y gweill eisoes gan y Wladwriaeth. Mae nhw'n testio'r dyfroedd ers blynyddoedd bellach, a mae angen dangos iddyn nhw bod yma wrthwynebiad cryf o hyd, ac y bydd unrhyw gynlluniau i Arwisgo Wil yn ysgogi gweithredu torfol di-drais gan genedlaetholwyr, gweriniaethwyr a phobl gyffredin Cymru.

Mae Cymry'n cael ei thagu tra da chi'n consyltio'ch peli crisial.

Os da chi'n erbyn gwrthwynebu'r Arwisgiad arfaethedig, peidiwch arwyddo'r ddeiseb. Ond peidiwch â mynd gam ymhellach, a chreu rhwygiadau diangen trwy ddadlau'n erbyn y rhai hynny sy'n barod i wneud y gwaith diflas o gadw ymwybyddiaeth genedlaethol i fynd trwy gownter-bropagandeiddio o fis i fis, o flwyddyn i flwyddyn. Yn enwedig o weld fod eich rhesymeg fel bwcad o groen gogor.

Ac os ydi dweud hyn o feirniadaeth yn mynd i bigo'ch swigod-egos chi, i'r graddau y byddwch yn ffraeo efo fi, wel - er na fyddwn yn croesawu hynny - rhaid deud na fydd uffar o bwys gen i, achos alla i - a Chymru - wneud heb eich math chi yn y rhengoedd.

"The Scots have their whiskey, the Welsh have their speech,
Their poets are paid around ten pence a week,
Provided no harsh words of England they speak,
Oh Lord what a price for devotion!"
- The Sea Around Us

"Wylit, wylit, Lywelyn
Wylit waed pe gwelit hyn!"

[Dylan]

wow dal dy ddwr. Dim ond cyfeirio at record digon gachu deisebau ar-lein o gael unrhyw fath o ddylanwad oeddwn i. Yn enwedig rhai gan iPetitions. O http://en.wikipedia.org/wiki/ipetitions :

iPetitions.com is a website which hosts internet petitions. It also has custom made petitions for which you can pay, and also other free petition setups.

Examples
Petitions for and against jail time for Paris Hilton.
Banning Bots in AIM Chat rooms.

pfft. Enghreifftiau arwyddocaol iawn fan yna.

dw i'n weriniaethwr o ran egwyddor ond methu honni mod i'n teimlo'n hynod o gryf am y pwnc. Fodd bynnag fedra i ddallt sut mae arwisgo'n chwarae rhan ehangach yng ngormes Cymru a'r Cymry, ac mi fedra i dy sicrhau di y bydda' i ar strydoedd y dre ma'n creu stwr pan ddaw unrhyw smic cyhoeddus ynglyn â chynulluniau i roi teitl swyddogol i Wiliam yn y castell acw. Dw i 'di arwyddo'r ddeiseb, ond token gesture pitw iawn ydi hynny, o gofio pa mor hawdd ydi twyllo'r fath bethau ar-lein. Dyna'n unig oedd fy mhwynt.

dw i ddim yn dallt y peth am fod yn "pro cau ysgolion" chwaith ond mater arall ydi hynny

[huwwaters]

Dwi'n meddwl byse hi'n well cychwyn deiseb ar wefan y Cynulliad https://www.cynulliadcymru.org/gethome/e-petitions/eform-sign-petition.htm a gweld be fydden nhw'n neud?

Neith o ddangos os yw'r Cynulliad wirioneddol heb ddigon o bwerau i allu wrthod/atal y fath beth?