Prifysgol Glyndwr

[HuwJones]

Tra fod Prifysgol Bangor wedi dropio'r "Cymru" o'i teitl mae 'Wrecsam Tec' yn newid ei enw i Brifysgol Glyndwr
http://news.bbc.co.uk/welsh/hi/newsid_7500000/newsid_7508300/7508325.stm

Gallwn fod â balchder yn ein cysylltiad ag Owain Glyndŵr," meddai'r prifathro, Yr Athro Mike Scott.

[Seonaidh/Sioni]

Warthus. Coleg Technegol Wrecsam yn dwyn yr enw "Prifysgol Glyndwr"? Swn i'n credu mai "Prifysgol Dyffryn Dyfrdwy" fasai'n addasach. A be dy'r fersiwn Saesneg - "Waterdene University"?

[Hedd Gwynfor]

Chwarae teg iddynt am ddewis yr Enw Prifysgol Glyndwr. Onid oedd Glyndwr yn wreiddiol o ardal Wrecsam?

Yn ôl sôn, mae'r unoliaethwyr yn yr ardal wedi bod yn cwyno am yr enw 'cenedlaetholgar' newydd yma

Cysylltwch gyda Swyddfa'r Wasg Prifysgol Glyndwr i'w llongyfarch: 01978290666 / press@newi.ac.uk

Dwi wedi, a derbyn yr ymateb yma:

Diolch am eich geiriau caredig. Pe hoffech dderbyn ein taflen am yr enw yr ydym wedi'i ddewis, anfonwch eich cyfeiriad post atom. Bydd manylion yn cael eu rhoi ar ein gwefan cyn hir hefyd.

Mae'n gyfnod cyffrous i ni ac yr ydym yn falch iawn o dderbyn eich cefnogaeth.

Dyma esboniad ar wefan Prifysgol Glyndwr yn esbonio pam ddewiswyd yr enw.

[huwwaters]

Chwarae teg iddynt am ddewis yr Enw Prifysgol Glyndwr. Onid oedd Glyndwr yn wreiddiol o ardal Wrecsam?

Yn ôl sôn, mae'r unoliaethwyr yn yr ardal wedi bod yn cwyno am yr enw 'cenedlaetholgar' newydd yma

Dyma be o ni'n meddwl.

Fydd yn codi ymwybyddiaeth am yr unigolyn yma ymysg pobol yr ardal.

[S.W.]

Sioni, nid Coleg Technegol Wrecsam ydy hi bellach, di heb fod yn Goleg Technegol ers lot! Prifysgol ydy hi ers ddydd Gwener, ac er nad ydw i'n ffan yn bersonol o'i enwi'n Brifysgol - byddai'n well gen i ei weld yn cael ei alw'n Brifysgol Wrecsam, ac enwi'r campws yn Campws Glyndwr, does dim byd yn warthus o gwbl yn Wrecsam yn gwneud hyn yn hytrach nag unrhyw sefydliad arall.

Bydde Prifysgol Dyffryn Dyfrdwy braidd yn wirion o feddwl nad yw'r dre, sef ble mae'r Brifysgol newydd wedi ei leoli yn ran o Ddyffryn Dyfrdwy!

I ymateb i bwynt Hedd, o Lyn Dyfrdwy oedd Owain Glyndwr yn dod sy'n ran o Sir Ddinbych, ond tafliad carreg o Wrecsam ydy hynny a roedd ganddo hefyd gysylltiadau a ardal Hanmer sydd ar gyrion y dref. Felly mae'r cysylltiadau rhwng Owain Glyndwr a'r dre a'r Sir yn rhai amlwg.

Mae rhai Unoliaethwyr yn siwr o gwyno, ond o be dwi wedi ei weld mae'r trwch yn hapus iawn a'r enw felly dwi'm yn gweld o'n cael ei newid.

[Seonaidh/Sioni]

Wel, chwarae teg - mae na gyswllt. Ond rhaid gyfadde fod yn gas gen i weld prifysgolion newyddion yn cymryd enwau pobl, e.e. Oxford Brookes, De Montfort, Heriot Watt, Brunel. Nid jest prifysgolion, neu lefydd newydd - Robert Gordon Institute of Technology, Rutherford College, Lady Margaret Hall - ac lle dw i'n aros mae'r hen Fife College a'r hen Glenrothes College wedi ymuno a ffurfio - Adam Smith College! Ych a fi!