Gwaharddiad ar yr IFANC o gigs steddfod

[ceribethlem]

Clwb yw clwb Ifor bach, a fel pob clwb arall rhaid fod yn 18+ i fynychu. O'r hyn ddeallaf dyna yw'r rheol trwy gydol y flwyddyn.

Na dwi'm yn meddwl - eitha pendant mod i di gweld nosweithiau ar gyfer pobl dan 18 yn CIB.

Nosweithi penodol dan 18 yw rhwini nage fe? H.y. nosweithi di-alcohol, os oes alcohol ar werth yna maent yn nosweithi 18+. A fel dywed Hedd does dim galw am gigs steddfod di-alcohol.

[geryrefail]

Mae'r awgrym na fyddai pobl ifanc yn cael mynd i mewn yn gyfreithlon i gigs yn y ddinas yn nonsens. Yn ystod tua'r flwyddyn ddiwethaf rwy wedi gyrru fy mhlant i weld Boyzone, Dolly Parton, Muse, Leona Lewis, Madonna, Springsteen, Y Stereophonics ayyb.

Mae'n dechrau dod yn amlwg i mi bod Eitha Tal Ffranco a Cowbois Rhos Botwnnog yn llawer rhy beryglus i bobl ifanc Cymru.

Ydy hi'n wir fod Cymdeithas yr Iaith nawr yn rhoi elw alcohol o flaen dyfodol ein diwylliant? Ateb ar gerdyn post os gwelwch yn dda

ger

[sian]

Ydy hi'n wir fod Cymdeithas yr Iaith nawr yn rhoi elw alcohol o flaen dyfodol ein diwylliant? Ateb ar gerdyn post os gwelwch yn dda

Er tegwch â'r Gymdeithas, dyma'r cyfle gorau y maen nhw'n ei gael mewn blwyddyn i wneud tipyn bach o arian.
Dw i'n meddwl bod mwy o gyfrifoldeb ar y Steddfod ei hunan.

[dawncyfarwydd]

Ydy hi'n wir fod Cymdeithas yr Iaith nawr yn rhoi elw alcohol o flaen dyfodol ein diwylliant? Ateb ar gerdyn post os gwelwch yn dda

Wyt ti'n dweud y dylai gigs y Gymdeithas fod yn ddi-alcohol felly?

[Mr Gasyth]

Ydy hi'n wir fod Cymdeithas yr Iaith nawr yn rhoi elw alcohol o flaen dyfodol ein diwylliant? Ateb ar gerdyn post os gwelwch yn dda

Iesu goc, dyma ydi anwybodaeth!

Tydi'r Gymdeithas ddim wedi gweld ceiniog o'r arian sy'n cael eu gwario ar alcohol yn eu gigs erioed hyd y gwn i. Pres y drws sy'n mynd i'r Gymdeithas (i gyfro costau, nid gwneud elw!) felly os rywbeth mae polisi 18+ yn anfanteisiol iddyn nhw.

Y lleoliad, boed o'n glwb, tafarn, clwb rygbi sy'n elwa o arian y bar, nhw sydd a'r drwydded a nhw felly sydd yn gyfrifol am y polisi mynediad.

Pam wyt ti mor awyddus i dy blant fynd allan i yfed Ger? Pan oeddwn i'n 16 roedd fy rhieni yn gneud pob ymdrech i'm cadw allan o dafarndai, ac yn gwaredu ar sut oedden ni'n cael ein gadael i mewn o gwbl!

[Darth Sgonsan]

Roedd Maes C yn dda iawn llynedd ond dydi Mynediad am Ddim a Delwyn Siôn ddim wir yn apelio at yr oed yna!

ma Hanner Pei yn chwara Maes C nos Sadwn ola - tipyn mwy hip na'r Myneds a Delwyn, weden ni...ar ol tri blantos, 'hanar pei i ddiwadd y bydymdym

[S.W.]

Mae 'na glwb nos yn Wrecsam,. Central Station sy'n aml yn trefnu gigs hefo bandiau mawr Saesneg - Funeral For a Friend oedd dwetha dwi'n meddwn, ble mae modd mynd yno os ydych yn 14+, mae'r bar dal ar agor, mae'r rhai dros 18 yn dal i yfed. Mae'r clwb yn rhoi band garddwn a llwiau arbennig i bobl wrth iddynt ddod drwy'r drws, bandiau sy'n dangos oedran y pobl sy'n dod i fewn ac yn amlwg i staff y bar a bouncers ac ati iw gweld. Mae'n siwr gen i fod yr un trwydded gan Clwb Ifor ag sydd gan y lle yma.

Efallai y dylid edrych os oes digon o amser i edrych i fewn i hyn ar gyfer y gigs hyn, neu os nad oes amser edrych i fewn i gwneud hyn yn y dyfodol?

Credu bod pwynt da ynglyn a'r ffaith bod dim byd 'cool' i bobl 14-16 ei neud ar y maes, byddan nhw'm isio eistedd yn y carafan hefo mam a dad, felly be di'r odds newn nhw ffeindio cwrw o rhywle a just meddwl ar eu ben eu hunain heb unrhyw oruchwyliaeth?

I ymateb yn sydyn i bwynt Rhys, dwi'm yn meddwl gelli di rhoi'r bai ar mudiadau neu sefyldiadau Cymraeg am hyn yn unig. Byddai gwyl mewn unrhyw iaith ddim mor poblogaidd heb alcohol. Yn sicr byddwn i'n fwy anhebygol o fynd yno os na allaf gael peint o gwrw yn fy llaw. Mae'n ran o'r sîn.

[eusebio]

Yn ystod tua'r flwyddyn ddiwethaf rwy wedi gyrru fy mhlant i weld Boyzone, Dolly Parton, Muse, Leona Lewis, Madonna, Springsteen, Y Stereophonics ayyb.

Blydi hell ... oes gan unrhyw un rif i'r NSPCC??

[Macsen]

Allen nhw ffeindio rywbeth i'w wneud yng Nghaerdydd does bosib. Mae na quasar laser yna! Sinema 15 sgrin! Techniquest! Amgueddfa efo mamothiaid blewog yna fo!

OK dydi o'm yn ddiwylliant Cymraeg on do'n i'm wir yn poeni am hynna pan o'n i'n 14 oed, chwaith. Geith nhw boeni am warchod enaid y genedl pan mae nhw'n 16.

[geryrefail]

Braf gweld bod cymaint o ni'n rhydd brynhawn Gwener!

Does dim bwriad gyda fi ddanfon criw o blant 15 oed allan i yfed.........gigs yw beth mae nhw eisiau. Dwi ddim wedi eu casglu nhw o gigs dan ddylanwad erioed......

Beth yw'r siawns y gall Clwb Ifor a'r Undeb Myfyrwyr gael system o wristbands ar gyfer pob oed i ganiatau i bobl 15 oed fynd i fwynhau am y noson ....... mae'r sefyllfa fel y mae hi yn sarhad ar ein pobl ifanc. Mae pythefnos gan y trefnwyr i ddod i drefniant. Ydy hi'n amhosib?

ger