Dirwy £70 am barcio'n Aldi - cwestiwn iaith

[Mr Gasyth]

Dwi di cael llythyr drwy'r post heddiw gan ryw gwmni meysydd parcio yn deud fod ganddyn nhw dystiolaeth ffotograffig fy mod wedi parcio ym maes parcio Aldis Bangor am fwy na'r dwyawr a ganiateir, ac o'r herwydd fod rhaid i mi dalu ffein o £70.

Rwan, tu hwnt i'r ffaith fod hynne'n ddirwy ridicilous o uchel am fynd 10 munud dros amser, mae'r llythyr sydd wedi dod gan y cwmni crwcs yn uniaeth Saesneg, er fod ganddo'r un pwrpas (a grym, dwi'n tybio) a thocyn parcio cyhoeddus, neu wys llys, yna oni ddylai fod yn ddwyieithog?

Unrhwyun yn wgybod be di'r sefyllfa gyfreithiol efo hyn o dan y ddeddf iaith?

[Cardi Bach]

Cwmni preifat yn gweithredu polisi personol fydden i'n meddwl sydd yma, sy'n golygu nad ydyn nhw'n dod i fewn i'r ddeddf iaith bresenol. Ond amcani yw hyn.

[7ennyn]

... ganddo'r un pwrpas (a grym, dwi'n tybio) a thocyn parcio cyhoeddus, neu wys llys, yna oni ddylai fod yn ddwyieithog?

Tydi o ddim yn gyfwerth a thocyn parcio cyhoeddus gan (i). tydi'r cwmni preifat wnaeth gyhoeddi'r ddirwy ddim hefo gwarant i wneud hynny o dan Ddeddf Trafnidiaeth Ffordd 1999, a (ii). tydi'r ddeddf honno ddim yn ddilys ar gyfer tir preifat beth bynnag. Felly dwyt ti ddim wedi troseddu, - mater sifil yn unig ydi o.

Rwan, hefo dirwyon parcio cyhoeddus o dan y Ddeddf Trafnidiaeth Ffordd, defnyddiwr cofrestredig y car sydd yn gyfrifol am y ddirwy - dim ots pwy oedd yn gyrru. Ond yn yr achos sifil yma, tor-cytundeb rhwng y gyrrwr ac Aldi ydi o. Cyfrifoldeb y cwmni sy'n rheoli'r maes parcio ydi profi mai ti oedd y gyrrwr ar y pryd. Paid a gwadu mai ti oedd yn gyrru, ond paid a chyfaddef 'chwaith. Dwi ddim yn arbennigwr ar y maes yma cofia, ac os wyt ti am ddefnyddio'r ddadl yma hefo'r crwcs rwyt ti'n gwneud hynny at ior own rusg!

Dwi hefyd yn bryderus ynglyn a sut mae nhw wedi gallu cael gafael ar dy fanylion di. Ydi'r DVLA yn gwerthu data i'r sgamiwrs yma?

Ond dwi'n meddwl bod Cardi Bach yn llygad ei le ynglyn a'r Ddeddf Iaith yn yr achos yma, yn anffodus!

[Garnet Bowen]

Yn bersonol, dwi wastad yn anwybyddu'r math yma o docyn parcio, gan nad yw'r cwmniau byth bythoedd yn trafferth mynd ar dy ol am yr arian.

Ond fel mae'n digwydd, dwi'n nabod rhywun sydd wedi rhyw hanner defnyddio'r ddadl ieithyddol i osgoi talu dirwy o'r fath. Fe yrrodd o lythyr (hynod o ddoniol) yn ol i'r cwmni, yn honi ei fod yn Gymro uniaith Gymraeg, a nad oedd yn gallu deallt cynnwys y llythyr. Aeth yn ei flaen i ddweud ei fod wedi talu i gael cyfieithu llythyr gwreiddiol o'r Saesneg i'r Gymraeg, ac yna ei fod wedi gorfod talu drachefn i gael cyfieithu ei ateb Cymraeg ef i'r Saesneg. Mynodd fod y cwmni maes parcio yn ad-dalu'r gost o gyfieithu - a oedd yn digwydd bod yn fwy na'r ddirwy ei hun. Wnaeth y cwmni parcio ddim trafferth ymateb.

[Hen Rech Flin]

Camgymeriad yw credu bod y cwmnïau yma yn "anwybyddu" gwrthod talu'r dirwyon hyn. Os wyt yn gwrthwynebu talu, ar unrhyw sail (megis sail Garnet uchod, neu sail iaith) - gei di ddim ateb na gŵys i'r llys. OND cei di ddim mo dy anwybyddu chwaith - bydd y cwmnïau yn cyflwyno dy fanylion i'r cwmnïau sgorio credyd, fel talwr gwael sydd wedi methu anrhydeddu dyled.

Os wyt yn gwrthod talu, am ba bynnag reswm, mae'n rhaid iti ysgrifennu llythyr at y cwmni yn dadlau dy achos, a chadw copi o dy gŵyn fel prawf bod y "gwrthod talu" yn achos anghydfod yn hytrach na'r mater du a gwyn gan yr un sy'n hawlio'r tal.

Bydd rhaid iti wedyn gwirio dy sgôr credyd a mynnu bod y cwmnïau credyd yn dileu unrhyw gofnod yn erbyn dy enw hyd i'r anghydfod cael ei ddyfarnu.

Gall anwybyddu llythyrau o'r fath effeithio yn arw ar dy allu i gael gorddrafft, cerdyn credyd, benthyciad, morgais a hyd yn oed tŷ cyngor yn y dyfodol.

Gall credu dy fod "wedi ennill" oherwydd nad yw'r cwmni wedi ymateb i dy gŵyn bod yr un mor gostus!

[Mr Gasyth]

Bydd rhaid iti wedyn gwirio dy sgôr credyd a mynnu bod y cwmnïau credyd yn dileu unrhyw gofnod yn erbyn dy enw hyd i'r anghydfod cael ei ddyfarnu.

A sut ma rhywyn yn gwneud hyn? Sut mae gwbod be ydi dy 'sgor credyd'?

[Mr Gasyth]

Yn bersonol, dwi wastad yn anwybyddu'r math yma o docyn parcio, gan nad yw'r cwmniau byth bythoedd yn trafferth mynd ar dy ol am yr arian.

Ond fel mae'n digwydd, dwi'n nabod rhywun sydd wedi rhyw hanner defnyddio'r ddadl ieithyddol i osgoi talu dirwy o'r fath. Fe yrrodd o lythyr (hynod o ddoniol) yn ol i'r cwmni, yn honi ei fod yn Gymro uniaith Gymraeg, a nad oedd yn gallu deallt cynnwys y llythyr. Aeth yn ei flaen i ddweud ei fod wedi talu i gael cyfieithu llythyr gwreiddiol o'r Saesneg i'r Gymraeg, ac yna ei fod wedi gorfod talu drachefn i gael cyfieithu ei ateb Cymraeg ef i'r Saesneg. Mynodd fod y cwmni maes parcio yn ad-dalu'r gost o gyfieithu - a oedd yn digwydd bod yn fwy na'r ddirwy ei hun. Wnaeth y cwmni parcio ddim trafferth ymateb.

ha ha, mae hwnne'n un da. ella anfonai nodyn bach yn gofyn am y llythyr yn gymraeg, a gweld be ddigwyddith o fanno!

[Norman]

A sut ma rhywyn yn gwneud hyn? Sut mae gwbod be ydi dy 'sgor credyd'?

Cwmni 'renw experian sy'n gwerthu'r adroddiadau - mae'n deud fod o am ddim ar y dudalen flaen - ond dwi'n siwr bod angen talu punt neu ddau am yr adroddiad llawn.

[iwmorg]

Y gyfrinach hefo materion sifil o'r math yma yw 'cwestiyna bopeth!'

Lle gawsoch fy manylion? Allwch chi ddarparu tystiolaeth o pwy wnaeth y gytundeb (h.y. y person barciodd y car)? Beth yw'r dystiolaeth sydd ganddoch o doriad y cytundeb? Sut mae lluniau yn dangos amser?? Di'r ffaith fod cloc ar gamera digidol ddim yn dderbyniol gan fod yn ddigon hawdd newid yr amser. Cofia, mae dyletswydd ar yr hawlydd (nhw) i brofi eu hachos yn dy erbyn di mewn materion sifil. Os fyddent yn mynd a ti i'r llys, byddai'n rhaid iddynt brofi 'on the balance of probabilities' mae ti barciodd y car ac dy fod wedi torri'r gytundeb 2 awr.

Mae fyny i ti am wni os wyt am ddefnyddio unrhyw ddadl ar sail iaith.

Ar y pwynt am hanes credyd - doeddwn i ddim yn ymwybodol fod cwmniau o'r fath yn medru rhoi nodyn ar eich 'ffeil' heb gael CCJ yn eich herbyn. Hynny yw, byddai'n rhaid iddynt gael dyfarniad llys sirol yn eich herbyn er mwyn cael effeithio ar eich sgor credyd. Cwmni preifat ydynt ac nid oes ganddynt gytundeb credyd hefo'r cyhoedd! mae 'run fath a'r dyn llefrith yn ceisio rhoi black mark ar eich record am beidio talu bil ar amser! Heb CCJ - dwi'm yn meddwl fod o'n bosib!

[Mr Gasyth]

diolch iwmorg - handi iawn.