Cwari Llanllyfni - argyfwng

[Bwmbarech]

Mae'r cwari di cau ers nos Lun - sgowsar twatlyd sydd bia'r lle ac wedi ei redeg i lawr ers tro. OK mae'n anodd ar dai tafarna ond mae na bethau yn digwydd yno (dim diolch iddo fo - mwy o ddiolch i CPD Llanllyfni). Beth bynnag mae o di cyflwyno cais i dynnu cwari i lawr a codi 5 ty!!!!! Dim rhai fforddiadwy chwaith y basdad. Mae o di shafftio pawb odd yn helpu fo a dwi isio gwbod sut i shafftio fo'n ol. Deiseb ayb ar y gweill a lot yn pissed off ond unrhyw syniada? Dan ni yn dlawd a heb ddim cyfleusterau (blaw neuadd goffa gret- diolch alwen)ond ddim yn gymunedau'n gynta so dan ni yn ff===cd. Dan ni hefyd di arfar protestio a codi twrw (hei ffordd osgoi) ond maes cynllunio fel byd y freemasons i ni...... Helpwch ni!!

Ty Tafarn enwog yn Llanllyfni ydi Cwari gyda llaw - dim byd yn grand ond relaxed

[7ennyn]

Pan o'n i yn byw yn Llan tua 25 mlynedd yn ol, mi odd 'na 3 siop yn y pentre - Siop Barbra, y Post a Siop Gwaelod. Ond fedrai ddim dychmygu Llanllyfni heb y Cwari. O'n i wedi bwriadu galw fewn am hanner yn gynharach heno - d'on i ddim yn gwybod bod y lle wedi cau lawr. Dwi'n cytuno'n llwyr hefo chdi ynglyn a twatrwydd y boi.

Does gen i ddim llawer o gliw am gynllunio a ballu, ond mae 5 ty yn swnio yn lot, a dwi bron 100% siwr na fydd y cyngor cymuned yn cymeradwyo'r ffasiwn gais. O ran protest, bysa meddianu'r adeilad pan (neu os) fydd o'n wag yn effeithiol iawn 'swn i'n feddwl. Bysa hi ddim yn ddrwg o beth siarad am y peth hefo Alun Ffred 'chwaith.

[aronj89]

Ty Tafarn enwog yn Llanllyfni ydi Cwari gyda llaw - dim byd yn grand ond relaxed

Dio run Cwari ag yn caneuon Sobin? Calwch o yne i greu ffwc o stwr

[Seonaidh/Sioni]

Mae'r cwari di cau ers nos Lun. Beth bynnag mae o di cyflwyno cais i dynnu cwari i lawr a codi 5 ty!!!!! Dim rhai fforddiadwy chwaith. ond maes cynllunio fel byd y freemasons i ni...... Helpwch ni!!

Ty Tafarn enwog yn Llanllyfni ydi Cwari gyda llaw - dim byd yn grand ond relaxed

Ar Oogle des i o hyd i "The Quarryman's Arms" yn Llanllyfni. Eniwe. Dw i ddim yn gyfarwydd a rheolau cynllunio yng Nghymru a chreda i bod nhw tipyn yn wahanol i'r rhai sy gennym ni yma yn yr Alban. Er enghraifft, pa lais sy gen y Cyngor Cymuned yn Llanllyfni? Rydw i'n aelod or' cyngor cymuned lle dwi'n byw ac mae gennym yr Hawl i Gael ein Consyltio ar bob mater cynllunio yn ein hardal ni - ond dyna fo, dim hawl i gael ystyried o'n barnau ni gan yr Awdurdod Cynllunio (i fi, Cyngor Fife, i chi, swn i'n credu Cyngor Gwynedd).

Yn gyntaf, ai listed building ydy'r Cwari? Os ie, bydd yn help mawr i chdi.

Yn ail, oes na reolau yn eich ardal ynglyn a thai "fforddiadwy"? Lle dw i'n byw, mewn pentrefi mae rhaid i bob scheme am 10 neu fwy o dai gynnwys rhai "fforddiadwy". Os bydd gennych chi ffigur is, e.e. 5, dyna help hefyd. Ac hyd yn oed os peidio, mae'n werth dadlau dros dai "fforddiadwy" wrth ystyried natur yr ardal (mae angen am dai digon rhad er mwyn gwrthsefyll diboblogeiddio ardaloedd cefnwlad ond oes).

Yn drydydd, rhaid edrych yn llym ar y cynlluniau. Ble'n union bydd y 5 ty? Fydd digon o ardd ganddyn nhw? Digon o le rhyngddyn nhw? Digon o fynediad am (e.e.) y Gwasanaethau Argyfwng? Beth am sut basen nhw'n effeithio ar yr adeiladau eraill o'u cwmpas?

Yn bedwerydd, y pyb. Mae o'n rhan bwysig o fywyd Llanllyfni ac basai bywyd hebddo fel rhwygo'r galon allan o'r pentref. Wel, byddwch chi'n gwybod yn well na finnau am yr effeithiau - gwerth son amdanyn nhw.

Yn gyffredinol, bydd 10 llythyr o brotest at yr awdurdod cynllunio (pob un yn codi rhyw bwynt dilys o ran cynllunio) yn werth lot mwy na deiseb wedi llofnodi gan 100. Yn yr Alban, mae llythyr tebyg gan yn cyngor cymundeb lleol yn werth ychydig yn fwy na llythyr gan aelod y cyhoedd (ond dim ond ychydig).

Peth i watsio am ydy arson. Lle dw i'n byw dan ni wedi colli o leiaf 3 adeilad rhestredig oedd "yn y ffordd" o ryw developer i dan. Damweiniol i gyd, wrth gwrs. Cysylltwch a'r heddlu am hyn rhag ofn.

Pob lwc.

[y nionyn]

Dio run Cwari ag yn caneuon Sobin?

Yndi tad, y dafarn enwoca yn llanllyfni o bell ffordd!

[Llefenni]

Be di'r siawns o conglomorate lleol yn trio unai blocio'r cais cynllunio a/neu phrynnu'r adeilad? Grant gan Llechen Las?

[Hogyn o Rachub]

Y ffordd orau o fynd ati ydi gwrthwynebiad y Cyngor lleol, a hefyd cael cymaint o bobl â phosibl (hynny ydi rhai degau os bosib) i ysgrifennu at adran gynllunio'r Cyngor yn gwrthwynebu'r cais. Byddwn yn awgrymu'n gryf cyflwyno unrhyw ddeiseb i'r adran gynllunio hefyd. Gallai hynny fod yn ddigon os gwneir pwyntiau dilys e.e. diffyg lle i 5 ty, diffyg lleoedd parcio ar gyfer 5 ty, angen am dai fforddiadwy lleol, diffyg mwynderau (er nad ydi hynny'n debygol o weithio gyda thy tafarn).

Gallai'r cais fynd yr holl ffordd at yr Arolygiaeth Gynllunio a fyddai'n anfon Arolygydd i asesu'r safle, a fyddan nhw ddim yn gwrando ar argymhellion unrhyw gyngor mi ddyweda i wrthoch chi rwan. Mae'n biti uffernol nad ydi'r system gynllunio yn ffafrio pobl leol a'u hanghenion yn y lleiaf, ond fela mai.

Pob hwyl, beth bynnag.

[Hogyn o Rachub]

Gyda llaw gallai'r ddogfen hon, sef Cynllun Datblygu Unedol Gwynedd fod o fudd, ond mae o'n uffernol o heavy going. Hefyd, bydd cael gafael ar Gynllun Lleol Arfon Wledig yn help i ddod o hyd i ffyrdd o atal unrhyw ddatblygiad, ond fedrai'm ffendio hwnnw.

[y mab afradlon]

Beth am gysylltu gyda Cymuned? (cymuned[at]cymuned.org). Mae'n siwr bydd digon o gefnogaeth ar gael i chi o'r cyfeiriad yna os oes isie.