Daily Post Cymraeg... ish!

[Griff-Waunfach]

Gwefan Cymraeg i'r daily Post!

http://www.dailypostcymraeg.co.uk

[Llefenni]

Hei - dwi'n lecio hwna! RSS Feeds a popeth

Di'r treiglo ddim yn 100%, ond byddai'n joio ei ddarllen, deffo.

[gruffudd]

O diar...

http://www.dailypostcymraeg.co.uk


Dw i ddim yn meddwl ei fod e'n haeddu dau edefyn. Wna i uno hwn a'r llall. Gol

[sian]

Dw i'n cymryd mai'r gohebwyr eu hunain sy'n sgrifennu'r stwff Cymraeg - mater o arfer sgrifennu Cymraeg yw e i raddau helaeth, mae'n siwr.

[Chwadan]

Rwyn ysgrifennu atoch i'ch hysbysu fod y Daily Post yn lansio gwefan newydd sbon fydd yn cynnig gwasanaeth newyddion yn Gymraeg.

Mae'r wefan i'w chael ar http://www.dailypostcymraeg.co.uk ac fe ydd yn fyw dydd Mercher, Awst 27.

Bydd y wefan yn cynnwys straeno fel maent yn datblygu ar draws Gogledd Cymru. Fe fyddwn hefyd yn cario straeon o Gymru, Prydain a thu hwnt yn Gymraeg. Cewch hefyd ddarllen prif straeon chwaraeon y dydd yn Gymraeg ar y wefan.

Yn ogystal a’r newyddion a’r chwaraeon yn Gymraeg fe fydd fideos, cyfweliadau a geleriau lluniau ar y wefan newydd.

Bydd ein colofnwyr arlein yn cynnwys cyn-lywydd Plaid Cymru, Dafydd Wigley.

Mae’r Daily Post yn cefnogi twf yr iaith Gymraeg. Rydym yn gobeithio gymeryd y cyfle i ddanfon eich straeon a'r newyddion i ni yn Gymraeg.

Os ydych yn hoffi beth rydych yn ei weld ar wefan dailypostcymraeg danfonwch neges o gefnogaeth i mi fel bod modd ei gynnwys ar y wefan.

Rydym ddim wedi derbyn grantiau ar gyfer datblygu'r wefan o gwbl. Ein nod yw sefydlu gwefan byrlymus a chyffrous ar gyfer y cannoedd o filoedd o fobl sy'n siared Cymraeg. Maer gynulleidfa'n ddigon mawr i ddenu hysbysebwyr fydd yn gwneud y wefan yn adnodd hunan-gynhaliol i'r rhai siared yr iaith Gymraeg ac yn barod i warchod ei datblygiad a'i bodolaethywun sy'n

Rwyn edrych ymlaen i glywed oddi wrthych.

Fy e-bost yw robirvine@dailypost.co.uk

Diolch am ddarllen hwn ac rwyn gobeithio y gwnewch fwynhau dailypostcymraeg.co.uk

Rob Irvine
Golygydd, Daily Post Wales &
Chyfarwyddwr Cyhoeddi, Trinity Mirror North Wales

[Mali]

Rwan fedrai roi y Daily Post yn fy ffefrynnau 'Cysylltiadau Cymraeg' !
Mae'n werth ei gefnogi .... da iawn.

[LLewMawr]

hwntw ydw i- ond fi'n mynd i ddarllen y dely post nawr!

[Hedd Gwynfor]

Ie, chwarae teg iddynt. Mae'n amlwg eu bod nhw'n ceisio gwneud y pwynt fod modd rhedeg gwefan newyddion yn Gymraeg heb grant gan y Llywodraeth. Bydd rhaid i wefan newyddion Golwg felly bod yn well na un y Daily Post, gan fod £200,000 y flwyddyn yn swm sylweddol ar gyfer gwefan newyddion. Gobeithio'n wir y bydd y Western Mail yn dilyn yr un trywydd!

[Blewyn]

Hmm....fysa well gen i weld gwefan (a phapur !) sy'n cael ei yrru gan grwp o bobl sydd wir eisiau, yn hytrach na gwefan gan gwmni Saesnig sy'n amlwg yn meddwl bod well iddyn nhw wneud rhywbeth rhag ofn fod'na bres grant ar gael, neu posibilrwydd o gystadleuaeth Cymreig. Y peryg ydy mai gwasanaeth cymharol wan fydd o i'w gymharu a be fysa Y Byd wedi bod, a fel marwith yr iaith just gadael iddo fynd wneith rhai fel y Daily Post.

[Gog y Cwm]

Sori - ond os mai gwefan Gymraeg 'di hon, yna dwi'n Dori o waed glas cyflawn.

Dyma grynodeb o'r prif stori chwaraeon:

"Mae John Toshack, boss Cymru, wedi'i enwi James Collins... yn ei dîm Cwpan y Byd, er bod mae'r ddau heb 'di chwarae gem i West Ham y tymor yma"

Mae safon yr iaith yn drewi o gyfieithu gair-am-air, cystrawennau Saesneg, camsillafu cyson, dim priflythrennu pan fo'r angen. Cywilydd arnoch chi, ohebwyr Cymraeg/gyfieithwyr y Daily Post.

Efallai bod yr iaith yn fwy 'gweladwy' ac amlwg heddiw - ar wefannau, arwyddion siopau a strydoedd, dogfennau diflas llywodraeth leol a Llywodraeth Cymru - ond iesu moses, mae'r safon yn gwaethygu.

Sgiwsiwch yr iaith, ond ffyc, dwi'n gandryll. Ai dyma'n haeddiant ni ar ôl methiant "Y Byd"??