Daily Post Cymraeg... ish!

[Seonaidh/Sioni]

"Mae John Toshack, boss Cymru, wedi'i enwi James Collins... yn ei dîm Cwpan y Byd, er bod mae'r ddau heb 'di chwarae gem i West Ham y tymor yma"

Hen gwestiwn efallai - be sy well gennych, pobl yn deud "Rydw i'n heto teipo Welsh", "Roedd y lectric yn off am oriau" - neu pobl yn deud "I hate typing Welsh", "The electric was off for hours"? Am gyfieithu, beth am "Is John Toshack, boss of Wales, after his naming James Collins...in his team Cup of the World, though being are the two without after playing game for West Ham the season here". Mae'n wir fod y Gymraeg ychydig yn wael, ond Cymraeg ydy hi, dim gair-am-air cyfieithiad o'r Saesneg.

[Duw]

Ger llaw Sian, ydy 'menyw' yn rhan o dafodiaeth y de? Beth yw'r gair swyddogol? Beth ddylent ddefnyddio am "fenywod" oes ffurf lluosog i "ddynes"? Ai gwraig/gwragedd yw term?

Ydi, dwi'n meddwl. O'n i'n cyfieithu rhywbeth 'niwtral' i blant yn ddiweddar ac yn methu cael term boddhaol.
'menyw / menywod' yn rhy ddeheuol
'dynes' yn rhy ogleddol a dim lluosog
'merchaid' maen nhw'n ddweud ffor hyn - sy'n rhy anffurfiol
'merch / merched'' yn awgrymu rhywun ifanc
gwraig /gwragedd yn rhy fawreddog ac yn awgrymu menyw briod

Wnes i ddilyn rhyw Feiblau i Blant sydd yma yn y diwedd a defnyddio gwraig - ond do'n i ddim yn hapus

Diolch am yr eglurhad Sian. Cytunaf fod gwraig braidd yn lletchwith, ond er mwyn plesio pawb, doedd dim llawer o ddewis.

Mae hwn yn codi pwynt - a dylem ddisgwyl i'r storiau fod yn berffaith o ran Cymraeg BBC "niwtral"? Bron yn amhosib heb yr arian i benodi cyfieithwyr proffesiynol. Dwi'n methu gweld sut na fyddai gwallau gan ystyried yr amser sydd ar gael i ysgrifennu'r erthygl a'i chyhoeddi. Nid oes tim o olygwyr i sicrhau cywirdeb fel sydd ar bapur newydd.

[khmer hun]

Ym, a be'n union sy'n rong ar 'ac os taw ffor'na'?

Ac os taw ffor'na chi'n teimlo, wel, mae'i 'di cachu arnon ni bois...

[løvgreen]

Chware teg i'r Daily Post meddwn i - a dwi'n cytuno efo Sioni - nid cyfieithu gair-am-air sydd yma, mond Cymraeg bratiog bob-dydd fydd yn ddealladwy i'r rhan fwya o ddarllenwyr y Dail.

Cytuno efo Khmer hun hefyd - be sy o'i le ar 'os taw ffor'na...' yn y cyd-destun hwnnw?

A dwi'n meddwl bod pawb yn gallu deall menywod, felly faswn i ddim yn petruso defnyddio'r gair mewn dogfen i Gymru gyfan (er mai Gog ydwi! )

[dawncyfarwydd]

Ym, a be'n union sy'n rong ar 'ac os taw ffor'na'?

Dim ond mai Elfyn Llwyd oedd yn ddeud o - i fod!