Caernarfon-"Dre" i ba bentrefi yn union?

[Wylit, wylit Lywelyn]

Teithio o amgylch Pen Llyn unwaith, a dyma fi'n clywed rhywun yn gofyn i rywun arall: "Lle ti'n mynd? I Dre? " Y Dre yma oedd Pwllheli. A hoffai rywun gynnig rhetsr sy'n ateb cwestiwn teitl yr edefyn yma?
Holl bentrefi Arfon yn unig? A ydyw mor syml a hyn??

[sian]

Pwllheli yw "dre" Trefor - yn y canol - tua 9 milltir o Bwllheli a 13 o Gaernarfon.
Dw i newydd holi rhywun o Gyrn Goch - y pentre nesa - tua thair milltir i lawr y lôn - a Caernarfon yw eu tre nhw.

[Hogyn o Rachub]

Dre ydi Caernarfon yn Nyffryn Ogwen i mi a ffrindiau, ond mae'r rhai ifancach (mae hynny'n swnio'n ofnadwy oed fi) yn defnyddio Dre i gyfeirio at Fangor erbyn hyn.

[Macsen]

Waunfawr, Caeathro, Llanrug, Bontnewydd, Rhosgadfan, Llanwnda, Groeslon, Penygroes, Llandwrog.

Di Bangor ddim yn 'dre', man ddinas.

[sian]

Dre ydi Caernarfon yn Nyffryn Ogwen i mi a ffrindiau

Ydi hynna'n rhyfedd o styried bod Bangor yn fwy ac yn nes a bod mwy o fysus yn mynd i Fangor?

Mae'n debyg bod pobl o lefydd fel Brynsiencyn ar Ynys Môn yn arfer cyfri Caernarfon yn "dre" hefyd am ei bod hi'n haws i ffermwyr ddod ag anifeiliaid i'r farchnad ar draws y Fenai na mynd i Langefni. Roedd pobl o'r ardaloedd hynny'n bancio yng Nghaernarfon tan yn gymharol ddiweddar, medden nhw.

[GT]

Waunfawr, Caeathro, Llanrug, Bontnewydd, Rhosgadfan, Llanwnda, Groeslon, Penygroes, Llandwrog.

Di Bangor ddim yn 'dre', man ddinas.

Hefyd Deiniolen, Llanber, Dinorwig, Clwt y Bont, Brynrefail, Cwm y Glo, Penisarwaun, Rhostryfan, Ffrwd Cae Du, Felin, Bethesda Bach, Talysarn, Llanllyfni, Nebo, Rhos, Carmel, Bethel, Llanddeiniolen, Nant Peris, Llanfaglan, Clynnog ac yn rhyfedd iawn Brynseincyn (fel mae Sian yn ei ddweud) - ers dyddiau'r fferi.

[Manon]

Dre ydi Caernarfon yn Nyffryn Ogwen i mi a ffrindiau, ond mae'r rhai ifancach (mae hynny'n swnio'n ofnadwy oed fi) yn defnyddio Dre i gyfeirio at Fangor erbyn hyn.

Dre 'dwi a'm cyfeillion o Ddyffryn Ogwen yn galw Caernarfon, ond i Fangor 'da ni'n mynd i siopa ayyb. Am ryw reswm, gair Cnafron ydi dre, er nad ydan ni'n mynd yno mor aml a hynny.

[Wylit, wylit Lywelyn]

Diolch yn fawr am yr ymatebion hyd yn hyn. Mmmm...gellir ychwanegu Fachwen am wn i. Be am Mynydd Llandygai?
Y sylw am Frynsiencyn yn ddiddorol iawn.
Be am bobl Garndolbenmaen? Ai Porthmadog (Port) yw "Dre" iddyn nhw? Be am bobl Pantglas?

[Hogyn o Rachub]

Dre ydi Caernarfon yn Nyffryn Ogwen i mi a ffrindiau

Ydi hynna'n rhyfedd o styried bod Bangor yn fwy ac yn nes a bod mwy o fysus yn mynd i Fangor?

Ydi bosib, ond fela mai. Fel ddywedodd Manon "Dre" ydi Caernarfon i bobl Dyffryn Ogwen, er y byddai pobl y ffordd yma'n dueddol o fynd i siopa i Fangor yn hytrach na Chaernarfon, ond "mynd i Fangor" fyddan nhw, ddim "mynd i dre". Dim ond rhywbeth diweddar iawn ydi i bobl ddechrau cyfeirio at Fangor fel 'Dre'.

[Kez]

... er y byddai pobl y ffordd yma'n dueddol o fynd i siopa i Fangor yn hytrach na Chaernarfon...

Wel mae pobol Caernarfon yn dueddol o fynd i siopa i Fangor yn hytrach na Chaernarfon. Mae'n help cael siopa.

O'm profiad inna, bysa pobol yr ardal yn mynd i Gaer i siopliffto, dod nol i Fangor am chips a phastai a bennu lan yn y 'Black Boy' am beint neu ddou cyn mynd nol i'r Waunfawr ar bwys Ceunant er mwyn creu a thrafod llenyddiaeth i gam o gam