Sïon etholiad Ewrop

[Tracsiwt Gwyrdd]

Na fyddai'n wych i weld aelod o'r BNP/UKIP mas yn Ewrop? Bydde'r ffaith ei fod yn gorfod hala llawer o amser mysg Johnny Foreigner yn uffern ar ddaear iddynt!

Oni'n meddwl am hynny. Sut ddiawl ma grwp adain dde eithafol yn yr UE yn mynd i weithio? BNP yn gorfod cymysgu efo pobol polish a jyrman etc...

ma'r BNP yn gwrthod mynd, ydyn nhw ddim? y gwastraff eitha' os gawn nhw sedd.

[Iwan Rhys]

A fydd y canlyniadau yn cael eu cyhoeddi fesul etholaeth, neu dim ond fel canlyniad Cymru gyfan?

A pha amser/amserau y gallwn ni ddisgwyl clywed y canlyniadau?

[osian]

Ma'r rhaglen ar BBC2 rhwng 10 ac 1 heno, a rhaglen newyddion felly drwy'r nos. Sgin i'm clem pryd ma canlyniad Cymru am ddod, ond swn i'n tybio y bydd hi'n reit fuan o sdyriad maint y wlad...

[Hedd Gwynfor]

Newydd weld Adam Price a Nick Bourne yn siarad yn fyw o'r cownt ar BBC News 24, a roedd y ddau yn ffyddiog iawn, o weld beth oedd eisoes wedi cyfrif, y bydd Llafur yn 3ydd safle yng Nghymru. Rhwng Ceidwadwyr a Plaid Cymru am y safle 1af. Dyma ddywedodd Adam Price:

We had an earthquake in Wales on Friday night and I think we're going to have a political earthquake tonight. It's between us and the Conservatives for pole position.

Mae hyn yn awgrymu yn gryf i mi y bydd UKIP felly yn cael y 4ydd sedd yng Nghymru, gan ei fod yn debygol iawn o gael o leiaf 15%, a dwi ddim yn gweld y Ceidwadwyr na Phlaid Cymru yn cael mwy na 30% o'r bleidlais i sicrhau 2il sedd.

Disgwyl canlyniad yng Nghymru erbyn 10pm heno!

Gol. Wedi dileu ffigyrau nad oedd yn cynnwys Lib Dems

[Mwlsyn]

Lib Dems 2% ?!!

[Hedd Gwynfor]

Lib Dems 2% ?!!

doh! Dyna pa mor amherthnasol ydyn nhw yn fy meddwl i. Lib Dems ar ol UKIP beth bynnag. Dyma ddarogan yn cynnwys y Lib Dems!!

Ceidwadwyr 22% - 1 sedd
Plaid Cymru 22% - 1 sedd
Llafur 19% - 1 sedd
UKIP 13% - 1 sedd
Lib Dems 8%
BNP 5%
Gwyrdd 5%

Ffigyrau 2004 oedd:

Llafur 32.5%
Ceidwadwyr 19.4%
Plaid Cymru 17.4%
UKIP 10.5%
Lib Dems 10.5%
Gwyrdd 3.6%
BNP 3%

[Hedd Gwynfor]

Oddi ar Blog Menai. Ymddangos fod Adam Price bach yn rhy hyderus yn rhy gynnar. Son fod Plaid Cymru yn 3ydd trwy Gymru gyda'r Ceidwadwyr yn 1af, a Llafur yn 2il.

Etholiad Ewrop Rhan 10
Hen etholaeth Conwy, Toriaid yn gyntaf, Blaid yn ail, UKIP yn drydydd, Llafur yn bedwerydd.
Posted by menaiblog at 20:50
Etholiad Ewrop Rhan 9
Plaid Cymru yn gyntaf yn Meirion, Ceidwadwyr yn ail, UKIP yn drydydd, Llafur yn bedwerydd efo'r Lib Dems a'r Blaid Werdd yn agos tu ol. Sibrydion bod y Ceidwadwyr yn gyntaf dros Gymru, Llafur yn ail, a PC yn drydydd drost Gymru.
Posted by menaiblog at 20:45
Etholiad Ewrop Rhan 8
Sibrydion bod y toriaid ar y blaen dros Gymru, efallai y blaid yn ail. Y bedwaredd sedd rhwng UKIP a Lib Dems. Plaid Cymru tua 40% yn Ceredigion.
Posted by menaiblog at 19:35
Etholiad Ewrop Rhan 7
Llafur yn ennill yn y Rhondda, Plaid Cymru ar y blaen yn Llanelli gyda Llafur yn ail. Plaid Cymru wedi ennill Caernarfon efo hanner y bleidlais, toriaid yn ail, Llafur yn drydydd, UKIP yn bedwerydd. Plaid Cymru ar y blaen yn Nwyrain Caerfyrddin. UKIP ddim i weld yn gryf yng Nghymru.

[Hedd Gwynfor]

Blog Vaughan Roderick:

Sibrydion (2) - 7/06/2009, 21:16

Rwyf am newid y broffwydoliaeth ynghylch y bedwaredd sedd gan roi UKIP yn ol yn y ffram. Mae'r blaid honno wedi gwneud yn well na'r disgwyl mewn etholaethau Llafur.

Mae Llafur yn colli pob sedd yng Nghaerdydd ac yn gwneud yn ofnadwy yn y Gogledd Ddwyrain. Ar y llaw arall mae Llafur ar y blaen i Blaid Cymru mewn llefydd fel Castell Nedd Port Talbot a Chaerffili. Y Ceidwadwyr ar y brig, Llafur yn ail, PC yn drydydd a'r bedwaredd sedd i UKIP? Mae'n gynnar ond mae hynny'n bosib. Gyda llaw mae'r Ceidwadwyr ac UKIP ar y blaen i'r Democratiaid Rhyddfrydol ym Maldwyn.

[Hedd Gwynfor]

Betsan Powys yn cadarnhau mai'r Toriaid sydd wedi ennill y bleidlais boblogaidd yng Nghymru!

[Hedd Gwynfor]

Mae'n debygol iawn, iawn erbyn hyn mai'r drefn fydd Ceidwadwyr, llafur, Plaid Cymru, UKIP, Rhyddfrydwyr. Dal ansicrwydd ynglŷn a'r 4ydd sedd. UKIP a Ceidwadwyr yn dweud eu bod wedi ennill y sedd. Noson wael iawn i Blaid Cymru, noson gwael i Llafur, noson wych i'r Ceidwadwyr a UKIP.

SNP yn gwneud yn dda iawn yn yr Alban, Ceidwadwyr hefyd yn gwneud yn weddol, Llafur a'r Rhyddfrydwyr yn gwneud yn wael. Pam fod yr SNP wedi llwyddo a'r Blaid wedi methu?