Dafydd Iwan yn parcio yn lle rong

[dawncyfarwydd]

Os mae'r achlysur hwn oedd y tro cyntaf i Gwilym Euros codi achos hawliau pobl hŷn neu bobl anabl, byddwn yn derbyn dy bwynt. Ond mae gan Gwilym enw da sydd yn mynd yn ôl i'r dyddiau pan oedd o'n gynghorydd yn enw'r Blaid am fod yn frwd ym meysydd henaint ac anabledd. Mae ei flog yn llawn o gyfeiriadau at ei ymgyrchoedd a'i gwaith yn y meysydd hyn.

Beth am gyfrif felly?

Postiau GER sy'n sôn am anabledd a henaint - 8

Postiau GER sy'n ymosod yn bathetig a chwerthinllyd ar Blaid Cymru - 19228736620843746387161872643434789487431473

Hmm.

Trwy esgus bod hwn yn safiad dros bobl ag anableddau ti'n esgusodi Gwilym "What if an old lady wanted to park there?" Euros o'r ffaith ei fod yn defnyddio treialon y bobl hynny er ei ddibenion gwleidyddol chwerw ei hun.

[Hogyn o Rachub]

Pwy bynnag ydi'o, ma'i sillafu fo'n warthus - yn Saesneg a'r Gymraeg.

Dydi hynny ddim yn un o'r amodau o ymaelodi â Llais Gwynedd?

[Cacwn]

Os mae'r achlysur hwn oedd y tro cyntaf i Gwilym Euros codi achos hawliau pobl hŷn neu bobl anabl, byddwn yn derbyn dy bwynt. Ond mae gan Gwilym enw da sydd yn mynd yn ôl i'r dyddiau pan oedd o'n gynghorydd yn enw'r Blaid am fod yn frwd ym meysydd henaint ac anabledd. Mae ei flog yn llawn o gyfeiriadau at ei ymgyrchoedd a'i gwaith yn y meysydd hyn.

Beth am gyfrif felly?

Postiau GER sy'n sôn am anabledd a henaint - 8

Postiau GER sy'n ymosod yn bathetig a chwerthinllyd ar Blaid Cymru - 19228736620843746387161872643434789487431473

Hmm.

Trwy esgus bod hwn yn safiad dros bobl ag anableddau ti'n esgusodi Gwilym "What if an old lady wanted to park there?" Euros o'r ffaith ei fod yn defnyddio treialon y bobl hynny er ei ddibenion gwleidyddol chwerw ei hun.

19228736620843746387161872643434789487431473?!
He he, am faint fust di'n cyfri?

Fe wnaeth Dafydd Iwan gamgymeriad mawr yn parcio yn y safle anabal, ac fe fyddai rhai'n dweud fod yr agwedd anystyriol, di-hid yma ganddo wedi bod yn ffactor yn ei fethiant i gael ei ethol flwyddyn diwethaf.

Mi fydda rhywun yn gallu ehangu ar hyn drwy ddadlau fod dominyddiaeth maith Plaid yng Nghwynedd wedi golygu fod llawer o'u cynghorwyr wedi colli gafael ar realiti eu bröydd, a thrwy hynny, cefnogaeth yr etholwyr.

Ac yn dilyn y grasfa gafon nhw yn yr etholiad, fy ngobaith i oedd y bydda Plaid wedi cymryd moment i fyfyrio a cheisio ail-gysylltu gyda thrigolion y sir i geisio adennill y cefnogaeth a gollwyd.

Ond rwan, dros flwyddyn yn ddiweddarach, ma cefnogwyr Plaid Cymru yn dal i gicio a chrio a chwyno rownd ril.

Felly, pwy sy'n chwerw? Anwybyddwch ymgais Llais i fynd o dan y'ch croen chi (er, mae'n rhaid i mi longyfarch Gwilym Euro am hon de!) a doswch allan i siarad fo pobl normal am chenj!

[dawncyfarwydd]

Digon teg.

Does dim problem efo Dafydd Iwan yn parcio yn y safle yna. Fe gafodd o ganiatâd ac nid safle anabl cyffredin ydi o. Mae o'n gwbl ddi-fai yn y mater yma unwaith ydach chi'n sbio arno fo yn llai arwynebol nag sy'n bosib i Gwilym Euros.

OND dwi yn meddwl bod Llais Gwynedd wedi colli allan ar stori dda yma.

Adeg yr etholiad llynedd fe wnes i bleidleisio i'r ymgeisydd annibynol (oedd eisiau bod yn ymgeisydd LlG, ond oedd yn rhy hwyr yn rhoi ei bapurau i mewn...). Yr hyn o'n i'n gobeithio fyddai'n digwydd oedd y byddai Dafydd Iwan a Dic Penfras yn colli eu seddi, ynghyd ag un neu ddau arall - digon i gael gwaed newydd i mewn i'r cyngor, i roi seirens ym mhennau Plaid Cymru, ond dim digon i'r Cyngor gael ei lenwi efo incompetents popiwlist heb syniadaeth ond 'grr Plaid Cymru gas, twt twt'.

Fel mae'n digwydd fe ddigwyddodd hynny ac felly mae gan gynghorwyr fel Gwilym Euros blatfform i ladd ar y Blaid ohono. Dwi ddim yn deud nad ydi Gwilym Euros yn gynghorydd effeithiol yn lleol - mae o'n ymgyrchydd da ar faterion fel y cartref hen bobol na, ac mae galw am gwtogi llym ar staff y sector gyhoeddus yng Ngwynedd yn rhywbeth y dylid bod wedi ei wneud yn ystod blynyddoedd y boom.

Ond yn rhy aml mae o'n creu penawdau di-sail, plentynaidd - ac yn meddwl bod cyfiawnder a gwirionedd ar ei ochr o pan mae'n amlwg i bawb call mai di-sail a phlentynaidd ydi ei gyhuddiadau o. Dwi ddim yn Bleidiwr mawr,yn enwedig ar lefel Gwynedd, ond mae'n gas gen i weld rhywun yn chwarae politics fel hyn pan mae'r bobl mae o'n ymosod arnynt yn onest.

Beth bynnag, y stori mae Gwilym Euros wedi'i methu yn fan hyn ydi PAM y cafodd Dafydd Iwan ganiatâd i barcio yn y safle yma. Does gen i ddim sail i hyn, ond mi fyddai'n ddiddorol gwybod pa mor aml mae DI yn cyfarfod â swyddogion Gwynedd, ym mha rôl y mae o'n gwneud hynny, ac ydi gwŷr busnes tebyg yn cael yr un cyfle a mynediad.

Dwi ddim yn coelio'r holl straeon ma am gysylltiadau amheus rhwng DI a Watkin Jones etc - bwlshit anonest etholiadol gan LlG oedd lot o hynny. Ond un peth mae'n hanfodol i'r Blaid ei osgoi - ac mae hynny'n anodd wedi bod mewn grym yn hir ac yn ecsclwsif - ydi mynd yn rhy gyfforddus mewn grym ac yn rhy cosy efo swyddogion.

Dwi eisiau i LlG fod yn wrthblaid effeithiol, ond tra'u bod nhw'n dal i ymosod yn blentynaidd does dim i'w wneud ond eu dangos nhw fel incompetents plentynaidd.

[Cardi Bach]

Oes rhywun arall wedi clywed y suon fod un (neu ragor?) o gynghorwyr Cymraeg Ll G am ymuno a'r Ceidwadwyr?
Wnath rhywun son am y peth i fi'r wythnos dwetha - galla i ddim a chofio pwy nac ym mha gyd-destun yn anffodus.
Cawn weld os oes sail i'r peth yn ddigon buan, siwr o fod.

[Gwilym Euros]

Mae'n wir...mae David Cameron am groesawu Seimon Glyn, Owain Williams, Alwyn Gruffudd, Aeron Maldwyn a mi i'w rhengoedd mewn seremoni fawr yng Nghastell Caernarfon bore dydd Llun am 9 o'r gloch y bore.

Mae Boris Johnson yn gadael y Ceidwadwyr hefyd ac yn symud i Danygrisiau er mwyn dod yn Aelod o Lais Gwynedd

Mae Cristiano Ronaldo wedi cael digon yn Madrid yn barod ac yn torri ei fol i gael chwarae i Wrecsam y tymor nesaf....rhyfedd o fyd gyfeillion, rhyfedd o fyd!

[Josgin]

Dewch yn gynnar i G'fon dydd Llun ta- rhag ofn fydd yna nunlle i barcio !

[Hen Rech Flin]

Beth am gyfrif felly?

Postiau GER sy'n sôn am anabledd a henaint - 8

Postiau GER sy'n ymosod yn bathetig a chwerthinllyd ar Blaid Cymru - 19228736620843746387161872643434789487431473

Dyna wleidyddiaeth fy machgen aur i. Gem yr wyt ti am gyd chware trwy ddanfon post pathetig a chwerthinllyd i'r drafodaeth gyfredol

[Hen Rech Flin]

Does dim problem efo Dafydd Iwan yn parcio yn y safle yna. Fe gafodd o ganiatâd ac nid safle anabl cyffredin ydi o. Mae o'n gwbl ddi-fai yn y mater yma unwaith ydach chi'n sbio arno fo yn llai arwynebol nag sy'n bosib i Gwilym Euros.

OES! Mae yna broblem efo Dafydd yn parcio yn y parth dan sylw! Mae'n barth i berson anabl. Mae'r ffaith ei fod yn barth ar gyfer berson anabl dynodedig yn golygu bod Dafydd wedi torri'r rheolau dwywaith.

Ystyria cwestiwn sylfaenol:

Pam fod parth ar gyfer aelod unigol o'r staff yn cael ei ddynodi fel un i berson anabl?

Does dim rhaid iddi fod! Bydda jest dweud mai parth hwn a hwn ydyw'r parth yma yn ddigonol i gadw'r parth ar gyfer y gweithiwr dynodedig, boed anabledd gydag ef / hi neu beidio.

Y rheswm pam bod y parth dan sylw yn cael ei nodi fel un i'r anabl yw ei fod yn cael ei gynnwys yn awdit y Cyngor o wasanaethau i bobl sy'n byw gydag anabledd!

Os ydy'r cyngor yn gwahodd pobl sydd heb anabledd i barcio yno o bryd i'w gilydd bydd eu awdit o wasanaethau i'r anabl yn un ffug - yn anghyfreithiol o ffug!

Y peth calla i Dafydd a'r Blaid ei wneud yw derbyn nad oedd ganddo’r hawl i barcio yn y bae, ymddiheuro, egluro mae cam ddealltwriaeth ydoedd, a mynd rhagddi i'r frwydr nesaf.

Mae'r troelli a nachau yn gwneud drwg i'r Blaid ac i'w hanes anrhydeddus o gefnogi achos hawliau pobl sydd yn byw efo anabledd.

Hwyrach nad ydy'r achos o fawr o bwys yng Ngwynedd. Ond o ystyried pa mor agos oedd etholiad Ewrop yng Nghonwy, gall pechu deiliaid y bathodyn glas yno gwneud gwahaniaeth rhwng ennill a cholli!

Mae'n rhaid tynnu llinell o dan y stori yma, er lles y Blaid. Yr unig ffordd o wneud hynny yw trwy i DI syrthio ar ei fai!

[dawncyfarwydd]

Os oes bai ar rywun, nid Dafydd Iwan ydi hwnnw.

Roedd y peth yn gwbwl ddifalais.