Pedr Lewis, Gweriniaethwr Cymreig wedi marw

[Prysor]

Er cof am Pedr Lewis, a fu farw ddoe, 21 Gorffennaf, yn Ysbyty Tywysoges Cymru, Penybont ar Ogwr.

Roedd Pedr yn un o'r Gweriniaethwyr Cymreig cyntaf hynny yn y 50au, ac fe gafodd garchar dros ei wlad.

Yn niwedd yr 80au fe heriodd Dafydd El am arweinyddiaeth Plaid Cymru. Colli'n drwm, ond o leiaf y bu i'r daith siarad a drefnwyd iddo gan y Cyfamodwyr a gweriniaethwyr eraill ail-gynnau'r ddadl am gyfeiriad Plaid Cymru a chenedlaetholdeb Cymreig. Atgofion melys, cyffrous a difyr sydd gen i o'r cyfarfodydd hynny.

Parhaodd i weithio'n ddiwyd dros Gymru drwy gydol ei fywyd, a ni guddiodd o'r angen am ddulliau chwyldroadol o hyrwyddo'r achos.

Heddiw, mae rhai ohonom yn cofio ei ymroddiad a'i gyfraniad i ddatblygiad cenedlaetholdeb Cymreig. Dylid nodi hynny.

Heddwch i'w lwch.

[Siani Flewog]

Clywch, clywch

[Hedd Gwynfor]

Heddwch i'w lwch.

Newydd dderbyn y wybodaeth yma ar ebost, a fydd yn ddefnyddiol i'r sawl sy'n bwriadu mynd i'w angladd.

Bydd angladd Pedr yn cymryd lle am 11.30pm dydd Gwener nesaf (Gorffennaf 31) yn amlosgfa Llangrallo ger Penybont ar Ogwr. Cyhoeddir hyn fory (Sadwrn) neu dydd Llun yn y Western Mail. Pasiwch y neges mlaen. Diolch.

[ap Dafydd]

Wedi cwrdd a Pedr ar sawl gwrthdystiad nol yn y 80au.

Clwyais ei fod wedi mynd i gartref ofal y mis diwethaf ond nid am ei fod yn marw.

Pob bendith iddo a'i gymeryd yn ddiogel i'r Byd Arall

Ffred