Cofiwch Dryweryn

[Dicsi]

Oes rhywun wedi ysgrifennu am Cadw yn rhoi tri deg mil o bunnoedd i adfer y wal ger Llanrhystud lle y paentiwyd y geiriau Cofiwch Dryweryn?
Tra'n cydnabod fod y murlun wedi cyfrannu at codi ymwybyddiaeth am anghyfiawnder mawr Tryweryn mi ddwedwn i mai llawer mwy buddiol i Cadw ac i bawb arall fyddai cyfrannu i godi'r cerflun coffa i Dryweryn sydd eisioes wedi ei gynllunio gan gerflunydd o ardal y Bala, (John Morris?). Dwi'n cofio gweld model o'r cerflun yma sbel yn ol sydd fel ffenics yn codi o'r dwr. mae o wir yn syfrdanol ei gynllun. Pe byddai hwn yn ei le mae'n siwr y byddem yn cael Angel of the North go arbennig ger dyfroedd Tryweryn.

[Ray Diota]

dwinne ddim yn hollol siwr os yw'r ymgyrch 'ma i brynu'r wal a thir werth e rili...

[Madrwyddygryf]

Mi roaf cwpl o bunnoedd i fewn os bydd nhw'n newid o i 'Anghofiwch Tryweryn'.

[Mr Gasyth]

Ma'n dda gweld Cadw a'r Ymddiriedolaeth Genedlaethol yn cefnodi amddiffyn darn o hanes Cymreig am unweth, yn hytrach na Normanaidd neu aristo-Saesnig.

Mae' apel i godi'r cerflun ger Tryweryn ei hun yr un mor bwysig wrth gwrs, ond mae'r ffaith fod y murlun yng Ngheredigion yn dangos fod Tryweryn wedi bod yn ddigwyddiad o bwys cenedlaethol sydd a pherthnasedd ymhell tu hwnt y Benllyn.

[Ray Diota]

Mi roaf cwpl o bunnoedd i fewn os bydd nhw'n newid o i 'Anghofiwch Tryweryn'.

nath rhywun neud sbel fach yn ol yndo (heblaw am ddileu'r treiglad )...

[Ray Diota]

Ma'n dda gweld Cadw a'r Ymddiriedolaeth Genedlaethol yn cefnodi amddiffyn darn o hanes Cymreig am unweth, yn hytrach na Normanaidd neu aristo-Saesnig.

Mae' apel i godi'r cerflun ger Tryweryn ei hun yr un mor bwysig wrth gwrs, ond mae'r ffaith fod y murlun yng Ngheredigion yn dangos fod Tryweryn wedi bod yn ddigwyddiad o bwys cenedlaethol sydd a pherthnasedd ymhell tu hwnt y Benllyn.

ond graffiti ar wal yw e ondife? os nad yw e'n goroesi'n 'organic' (os ti'n deall be s'da fi) falle ma'i dyna'i diwedd hi... bydd y ffarmwr yn wherthin holl ffordd i'r banc 'chan...

[Huad]

Wrth ehangu'r drafodaeth, oes yna beryg weithiau i ni gorbwysleisio ar y gorffennol?? Mae beth ddigwyddodd yn Dryweryn yn ofnadwy, ond os angen symud mlan nawr? Cofio'r gorffennol wrth gwrs, ond dim gormod falle- dyfodol sy'n bwysig nawr...

Roedd yn ddiddorol gweld erthygl yn y Westerm mail wythnos diwethaf adeg Steddfod ag oedd yn gofyn barn pobl ifanc am Dryweryn. Y teimlad ymysg yr ifanc odd bod angen edrych ymlaen i'r dyfodol nawr a rhoi ein ymdrechion mewn i ymgyrch fel Senedd i Gymru yn hytrach nac edrych nol. Fel wedodd Raydiota, graiffiti ar wal yw e diwedd dydd, sydd edrych yn ofnadwy erbyn hyn gyda'r lliwiau coch/gwyrdd horibyl (dyw e ddim yn edrych cystal ag o'r blaen!)..£50,000 yw'r ffigwr ma bob yn son am iw gadw??! A byddai yn well buddsoddi a gwario'r arian yna ar ymgyrchoedd posotif fath a Senedd Llawn i Gymru neu deddf iaith lawn???!!!

Symud ymlaen nawr gyfeillion......

[Kez]

Wi'n siwr taw 'Cofia Dryweryn' odd ar y wal 'slawar dydd pan own i'n mynd hibo iddi - wedi tymor yn y coleg ger y lli. Y bobol iangach a ath ati i beinto wedyn nath ei newid hi i 'Gofiwch Dryweryn'.

Er hynny, wi'n cretu bysa billboard yn rhatach na phyrnu'r wall a'r holl dir o'i chwmpas - ti gelad di'r un negas drosto am bris lot rhatach:?

[Lorn]

Dwi'n meddwl bod hi'n bwysig iawn bod y wal a'r graffiti yma'n cael ei diogelu. Diben cyrff fel Cadw ydy i amddiffyn arwyddion o dreftadaeth unigryw o bwysigrwydd hanesyddol. Wel mae'r wal yma'n enghraifft unigryw ac yn cyfleu penod pwysig yn hanes y wlad - â'i effeithiau dal i'w weld hyd heddiw.

[Ray Diota]

sydd edrych yn ofnadwy erbyn hyn gyda'r lliwiau coch/gwyrdd horibyl (dyw e ddim yn edrych cystal ag o'r blaen!)..

wel wy'n meddwl bod e'n hyfryd