Adam Price ddim yn sefyll yn yr Etholiad nesaf

[Gowpi]

Bydden i'n mwy na balch mynd mas i ganfasio ar ran Jon

[Ray Diota]

Eglurhad i Ray os gwelwch yn dda: Beth yw sefyllfa rhywun sydd a sedd restr 'wan' yn y cynulliad? A fydde'n rhaid i rywun roi'r gore i'w swydd yn y Cynulliad er mwyn sefyll am sedd yn San Steffan? Achos ma 'na seddi rhestr Plaid fydd yn cael eu colli os bydd y Blaid yn ennill, fel sy'n debygol, mwy o bleideisiau yn yr etholiad cynulliad nesa...

Hynny yw, a fydde rhywun fel Nerys Evans yn cael sefyll i fynd i San Steffan heb roi'r gore i'w sedd yn y Cynulliad? Achos ma Nerys yn debygol o golli'i sedd tro nesa a hynny oherwydd llwyddiant PC mewn seddi etholaethol...

O ran Adam Price, whare teg iddo fe am neud rhwbeth tu hwnt i'r cyffredin...

[Hedd Gwynfor]

Dwi ddim yn credu fod rheol yn atal AC cyfredol rhag sefyll mewn etholiad i fod yn AS. Mae'r Toriaid hefyd yn addo newid rheolau ar gyfer etholiadau y Cynulliad, fel bod modd i unigolyn sefyll mewn etholaeth ac ar y rhestr unwaith eto, felly mae'n bosibl bydd diddordeb gan Nerys Evans sefyll yn etholaeth Gorllewin Caerfyrddin ac ar y rhestr??

Dwi ar ddeall bod sawl un yn bwriadu rhoi eu henwau ymlaen i fod yn ymgeisydd y blaid yn etholaeth Dwyrain Caerfyrddin a Dinefwr. Mae Mabon ap, Llyr Hughes Griffiths a Arwel Lloyd eisoes wedi datgan na fyddant yn mynd amdani. Dyma restr o ambell un sydd wedi cael eu henwi sydd dal â diddordeb (dwi heb siarad gyda'r bobl yma, felly ddim yn gwybod os yw'r sibrydion yn wir):

Jonathan Edwards
Rhys Davies (Cynghorydd Llanfihangel Aberbythych)
Elwyn Williams (o Gaerfyrddin, ac wedi sefyll dros y Blaid sawl tro mewn gwahanol etholaethau)
Nerys Evans AC

Darn da ar flog Cambria Politico – http://cambriapolitico.com/2009/09/afte ... the-arena/

[Hedd Gwynfor]

Er Gwybodaeth:

Os ti'n byw'n etholaeth Dwyrain Caerfyrddin a Dinefwr ac am ddethol olynydd @AdamPrice rhaid ti fod yn aelod erbyn 12.00 28.09.09

[Hedd Gwynfor]

Wedi clywed gan ffynhonnell dibynadwy iawn bod Angharad Mair yn bwriadu rhoi ei henw ymlaen!

Bydd yr enwebiadau yn agor wythnos nesaf, ac ar ôl mis bydd cyfarfod o'r pwyllgor etholaeth i greu rhestr fer. Gobeithio bydd popeth ar ben erbyn diwedd mis Tachwedd.

[Ray Diota]

Wedi clywed gan ffynhonnell dibynadwy iawn bod Angharad Mair yn bwriadu rhoi ei henw ymlaen!

FFFFFAAAAAAAAAAAAAAAAAAAAAAAACINHEL.

[Lorn]

Bydde hynny'n un difyr OS bydde hi'n cael ei hun yn AS - mai'n un o gyfarwyddwyr a pherchnogion (dwi'n meddwl) o gwmni Tinnopolis - sydd yn berchen ar y cwmni sy'n neud Question Time!

[Dylan]

haha iasu angharadmawredd

dw i wedi bod yn cael hwyl yn ystyried y posibiliadau, ond ffycin hel nes i ddim gweld hwnna'n dod

dyddiau difyr

dal yn credu mai Jonathan Edwards fydd hi serch hynny. Ond jiw jiw

[Hedd Gwynfor]

Chi ‘di gweld yr hysbyseb yn Golwg am Gynhyrchydd a Chyfarwyddwr ar gyfer Wedi 7? Cyd-ddigwyddiad neu hyder?

[Hedd Gwynfor]

http://www.golwg360.com/ui/News/ViewNew ... px?ID=6142

Mae un o gydweithwyr agosâ’r Aelod Seneddol Adam Price wedi dechrau ar ymgyrch i’w olynu yn sedd Dwyrain Caerfyrddin a Dinefwr.

Fe gadarnhaodd Jonathan Edwards, a fu’n gweithio i’r AS, ei fod wedi gwneud cais swyddogol i fod yn ymgeisydd seneddol nesa’r Blaid yn yr etholaeth...

Does neb arall wedi cyflwyno eu henwau yn swyddogol i olynu Adam Price hyd yn hyn, ond roedd sïon bod y ddarlledwraig Angharad Mair yn ystyried gwneud, yn ogystal â John Dixon, Cadeirydd Cenedlaethol Plaid Cymru.

Enwau eraill sydd wedi cael eu crybwyll yw Nerys Evans, Aelod Cynulliad Canolbarth a Gorllewin Cymru, y llenor Catrin Dafydd, a rhai o gynghorwyr lleol y rhanbarth.