Pum adran i fynd ym Mhrifysgol Bangor?

Newyddion a gwleidyddiaeth Cymru fach

Cymedrolwr: Mr Gasyth

Rheolau’r seiat
Newyddion a gwleidyddiaeth Cymru fach. Cofiwch, dim ymosodiadau personol. Pwyswch yma i ddarllen canllawiau cyffredinol maes-e.

Pum adran i fynd ym Mhrifysgol Bangor?

Postiogan Cilan » Mer 13 Ion 2010 3:46 pm

Mae'n syndod nad oes yna fwy o drafod wedi bod ar y stori yma yn Golwg: http://www.golwg360.com/UI/News/ViewNewsDetails.aspx?ID=8755

Yn ol Golwg: 'Mewn cyfarfod ar Ragfyr 11 roedd Cyngor y Brifysgol yn cael eu cymell gan y Tîm Rheoli i gau’r adrannau Diwinyddiaeth ag Astudiaethau Crefyddol, Ieithyddiaeth (Linguistics), Gwyddorau Cymdeithasol, Ieithoedd Modern ac Ysgol yr Amgylchedd ac Adnoddau Naturiol.'

Mi fyddai colli'r adrannau yma'n goblyn o ergyd i'r brifysgol ac i addysg uwch cyfrwng Cymraeg.

All rhywun gynnig mwy o oleuni ar y stori?
Cilan
Defnyddiwr
Defnyddiwr
 
Negeseuon: 20
Ymunwyd: Sul 03 Meh 2007 4:33 pm

Re: Pum adran i fynd ym Mhrifysgol Bangor?

Postiogan Josgin » Mer 13 Ion 2010 6:56 pm

Yn ystod y 70'au , y gri unfryd ymysg cenedlaetholwyr oedd ' Dim Ehangu ', gan fod hynny'n anochel yn dod a degau o ddarlithwyr a miloedd o fyfyrwyr i'r ardal nad oeddent o reidrwydd yn siarad Cymraeg.
Yn awr , crebachu'n sylwedol mae'r coleg , ac ni fydd cymaint o fyfyrwyr yn dod yno .
Peth da neu peth drwg i'r Gymraeg yw hyn ?
Josgin
Defnyddiwr Efydd
Defnyddiwr Efydd
 
Negeseuon: 360
Ymunwyd: Sad 17 Chw 2007 11:21 pm
Lleoliad: Gogledd pell

Re: Pum adran i fynd ym Mhrifysgol Bangor?

Postiogan Rhys Llwyd » Mer 13 Ion 2010 7:40 pm

Nid crebachu mae'r Brifysgol nawr Josgin, ond ehangu ymhellach ac i wneud lle i hynny maen nhw'n cael gwared o'r adrannau llai ac, yn arwyddocaol, y rhai Cymreig! Maen ofnadwy.
Delwedd
Rhithffurf defnyddiwr
Rhys Llwyd
Cymedrolwr
Cymedrolwr
 
Negeseuon: 4935
Ymunwyd: Mer 11 Rhag 2002 5:07 pm
Lleoliad: Aberystwyth

Re: Pum adran i fynd ym Mhrifysgol Bangor?

Postiogan sian » Iau 14 Ion 2010 8:43 am

Llythyron gan gynrychiolwyr o'r Ysgolion Diwinyddiaeth ac Ieithyddiaeth yn Golwg heddiw.
sian
Gweinyddwr
Gweinyddwr
 
Negeseuon: 3413
Ymunwyd: Llun 19 Ebr 2004 4:37 pm
Lleoliad: trefor

Re: Pum adran i fynd ym Mhrifysgol Bangor?

Postiogan Cilan » Iau 14 Ion 2010 8:31 pm

maen nhw'n cael gwared o'r adrannau llai ac, yn arwyddocaol, y rhai Cymreig! Maen ofnadwy.


Yn hollol. Does 'na ddim llawer o gyrsiau gradd sydd ar gael yn gyfangwbl drwy gyfrwng y Gymraeg, a mae nifer ohonyn nhw yn adrannau Diwyniyddiaeth a Gwyddorau Cymdeithasol Bangor. Mae yna nifer o gyrsiau eraill sydd ar gael yn rhannol yn y Gymraeg yn yr adrannau eraill sy dan fygythiad hefyd.

Mae gwefan Mantais - http://www.mantais.ac.uk/cyrsiau/?lang=cy - yn dangos faint mewn gwirionedd o gyrsiau addysg uwch cyfrwng Cymraeg sydd 'na.
Cilan
Defnyddiwr
Defnyddiwr
 
Negeseuon: 20
Ymunwyd: Sul 03 Meh 2007 4:33 pm

Re: Pum adran i fynd ym Mhrifysgol Bangor?

Postiogan obi wan » Gwe 15 Ion 2010 10:05 am

Nid yn unig fydd ddim Dysgu trwy'r Gymraeg ar ^ol, fydd dim Cyfadran Gelfyddydau chwaith. Mae awdurdodau Bangor newydd ail-enwi'r lle yn "Brifysgol" tra'n ei droi yr un pryd yn rhywbeth salach na pholitechnig. Dyma wneud gwawd o holl draddodiad y coleg a holl ymdrechion y gorffennol. NYTARS. NYTARS HOLLOL. I'r seilam ^a nhw. Dyn a helpo'r Prifathro fydd yn dilyn hyn. Job iawn i ryw Sais. Rhy dorcalonnus i Gymro.
obi wan
Defnyddiwr
Defnyddiwr
 
Negeseuon: 61
Ymunwyd: Sad 17 Ebr 2004 3:44 pm

Re: Pum adran i fynd ym Mhrifysgol Bangor?

Postiogan sian » Gwe 15 Ion 2010 10:39 am

obi wan a ddywedodd:Nid yn unig fydd ddim Dysgu trwy'r Gymraeg ar ^ol, fydd dim Cyfadran Gelfyddydau chwaith. Mae awdurdodau Bangor newydd ail-enwi'r lle yn "Brifysgol" tra'n ei droi yr un pryd yn rhywbeth salach na pholitechnig. Dyma wneud gwawd o holl draddodiad y coleg a holl ymdrechion y gorffennol. NYTARS. NYTARS HOLLOL. I'r seilam ^a nhw. Dyn a helpo'r Prifathro fydd yn dilyn hyn. Job iawn i ryw Sais. Rhy dorcalonnus i Gymro.


Beth yw'r rheswm felly?
sian
Gweinyddwr
Gweinyddwr
 
Negeseuon: 3413
Ymunwyd: Llun 19 Ebr 2004 4:37 pm
Lleoliad: trefor

Re: Pum adran i fynd ym Mhrifysgol Bangor?

Postiogan dawncyfarwydd » Gwe 15 Ion 2010 1:10 pm

Annwyl fyfyriwr,

Efallai y gwyddoch fod y Brifysgol wedi bod yn cynnal 'Arolwg Academaidd' sydd wedi
cynnwys asesiad manwl o'n portffolio darpariaeth academaidd.

Cafodd Cyngor y Brifysgol, sef ein corf llywodraethol, wybodaeth am yr Arolwg yn mis
Rhagfyr a chytunwyd y cynhelid trafodaethau pellach cyn y cymerir unrhyw gamau pellach.
Byddai gwybodaeth ychwanegol hefyd yn cael ei darparu i'r Cyngor fel sail i'w
trafodaethau.

Efallai y byddwch yn ymwybodol i mi hefyd gyhoeddi yn yr un cyfarfod yn Rhagfyr, y byddaf
yn ymddeol yn Hydref 2010.

Ar ôl ystyriaeth fanwl mae tim uwch reoli y Brifysgol (y Pwyllgor Gweithredu) wedi
penderfynu y dylem ddisgwyl nes penodir Is-Ganghellor newydd cyn cyflwyno cynigion i'w
hystyried ynghylch Ysgolion penodol. Bydd hyn yn caniatau i'r Is-Ganghellor newydd i
gyfrannu at unrhyw newidiadau angenrheidiol, a chael perchenogaeth drostynt.

Mae'n bwysig pwysleisio nad oes unrhyw benderfyniadau o gwbl wedi eu gwneud, ac unwaith y
penodir yr Is-Ganghellor newydd, ymgynghorir yn llawn gyda'r Cyngor, y Senedd, staff,
Undebau Llafur a myfyrwyr yn arbennig ar unrhyw gynigion neu ddewisiadau yn deillio o'r
Arolwg cyn y gwneir unrhyw benderfyniadau.

Byddwch yn gwybod, wrth gwrs, bod y pwysau ariannol sy'n wynebu prifysgolion led led
Prydain yn sylweddol, er fod y sefyllfa yng Nghymru yn llai eglur ar y funud. Beth sydd
yn glir yw fod yr angen i wneud penderfyniadau anodd yn anorfod yn y dyfodol. Mae newid
yn angenrheidiol, nid yn unig oherwydd pwysau ariannol, ond hefyd o ganlyniad i'r
cyfeiriad strategol newydd sy'n ofynnol gan y Llywodraeth - yn San Steffan a Bae
Caerdydd. Mae'r strategaeth honno yn cynnwys pwyslais ar gyfiawnder cymdeithasol a
datblygiad economaidd, a chanolbwyntio adnoddau ac ymdrech ar ganolfannau o ragoriaeth
cynaliadwy. Nid yw ond cywir a phriodol yn fy marn i, ac ym marn y Pwyllgor Gweithredu, y
dylai'r Is-Ganghellor newydd gael cyfle gwirioneddol i gynorthwyo i lunio cyfeiriad y
Brifysgol ar gyfer y dyfodol.

Byddaf, wrth gwrs, yn parhau i roi gwybod i chi am unrhyw ddatblygiad o bwys.

Yn gywir,

R. Merfyn Jones
Is-Ganghellor

Ydi hwnna'n esbonio unrhyw beth?

Na, do'n i'm yn meddwl.
Rhithffurf defnyddiwr
dawncyfarwydd
Defnyddiwr Arian
Defnyddiwr Arian
 
Negeseuon: 837
Ymunwyd: Iau 28 Ebr 2005 4:27 pm
Lleoliad: yn dal yma...

Re: Pum adran i fynd ym Mhrifysgol Bangor?

Postiogan Seonaidh/Sioni » Gwe 15 Ion 2010 11:54 pm

Nag ydy - dim ond dweud "Mae pethau'n mynd i fynd yn uffernol o ddrwg ac rydw i'n offski cyn i hynny ddigwydd".

Beth fyddai o i le wrth roi'r gorau i ddarlithio yn y Saesneg ac yn gwneud y cyfan trwy gyfrwng y Gymraeg?
A bheil thu gam aithneachadh?
Rhithffurf defnyddiwr
Seonaidh/Sioni
Defnyddiwr Efydd
Defnyddiwr Efydd
 
Negeseuon: 476
Ymunwyd: Sul 03 Chw 2008 8:34 pm
Lleoliad: Markinch, Rìoghachd Fìobha

Re: Pum adran i fynd ym Mhrifysgol Bangor?

Postiogan obi wan » Sul 17 Ion 2010 11:19 am

i ateb Gweinyddwr. Y "rheswm" yw'r ofergoel na ellir cael adran academaidd o gwbl os nad yw'n adran fawr, e.e. Adran Seicoleg efo 9 neu 10 o gadeiriau athrawon ! Yn draddodiadol, bu hanner dwsin o ddarlithwyr yn ddigon i ddysgu pwnc yn gwbl effeithiol, a'r ateb i'r prifysgolion yw mynd yn ^ol at drefn felly. Ond mae'r gwleidyddion academaidd heddiw yn Adeiladwyr Ymerodraeth yn anad dim arall, a dyna pan y mae cymaint o brifysgolion y dyddiau hyn yn torri beddi oddyn nhw'u hunain.
obi wan
Defnyddiwr
Defnyddiwr
 
Negeseuon: 61
Ymunwyd: Sad 17 Ebr 2004 3:44 pm

Nesaf

Dychwelyd i Materion Cymru

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 6 gwestai