Ron Davies yn cefnogi Plaid Cymru

[Hedd Gwynfor]

http://bronglais.blogspot.com/2010/04/r ... rdays.html

[Duw]

Nid yw craffter yr hen Ron wastad wedi bod yn anffaeledig. Albatros efallai?

[dewi_o]

Mae Ron Davies dal i fod yn boblogaidd yng Nghaerffili. Mae ei gefnogaeth i Blaid Cymru yn hwb i'r blaid lleol.

[Josgin]

Credaf mai polisi Elin Jones ar ddileu foch daear wnaeth y gwahaniaeth !

[Iwan Rhys]

dewi_o, (neu unrhyw un), petai Ron Davies yn sefyll yn enw Plaid Cymru yn etholiadau'r Cynulliad 2011 yng Nghaerffili, wyt ti'n credu y byddai ganddo fe siawns dda?

Mae gen i gof i Adam Price lansio rhywbeth fel "Prosiect21" chydig flynyddoedd nol, sef nod i Blaid Cymru fod yn blaid fwyaf y Cynulliad yn 2011, ac roedd e'n meddwl mai 21 sedd oedd y ffigur y byddai angen ei gyrraedd.

Wrth ystyried ambell ffactor sydd wedi dod i'r amlwg dros y flwyddyn-ish ddiwethaf, e.e. posibilrwydd o Ron yn ymgeisydd PC yng Nghaerffili, Dafydd Trystan yn cael ymgyrch dda iawn yng Nghwm Cynon, rhai yn son y gallai Adam Price sefyll yng Nghastell Nedd, ac o weld pobl yn troi oddi wrth Lafur yn ddiweddar, sgwn i pa mor bosibl/amhosibl yw'r ffigur ma o 21?

Dyw hi bellach ddim yn amhosibl gweld Plaid Cymru yn ennill yr holl etholaethau hyn:
Ynys Mon, Arfon, Aberconwy, Gorllewin Clwyd, Dwyfor Meirionydd, Ceredigion, Dwyrain Caerfyrddin a De Penfro, Gorllewin Caerfyrddin a Dinefwr, Llanelli, Castell Nedd, Cwm Cynon a Chaerffili. Ac wrth gwrs, mae Rhondda ac Islwyn wedi bod yn wyrdd yn y gorffennol hefyd.

Dychmygwch sut bydde hynny'n edrych ar y map! Heblaw am chydig ffiltiroedd yn ardal Machynlleth, byddai'n bosib cerdded o Gaergybi i Gaerffili ar dir gwyrdd!

[dewi_o]

Iwan, 14 sedd rwyt wedi enwi, mae pob un yn bosib ond mae rhai yn uchelgeisiol iawn. Fe all Castell Nedd a Chaerffili cwympo i'r Blaid flwyddyn nesaf. Ond rwy'n poeni am ein cefnogaeth eleni yn y Cymoedd, yn enwedig yn dilyn codiad yn cefnogaeth y Rhyddfrydwyr. Os mae'r Blaid am ddod yn agos i gipio 14 sedd mae'n rhaid iddi ddenu cefnogwyr Llafur sydd wedi cael llond bol. Nid yw'r Blaid yn gwneud hyn ar hyn o bryd. Mae'n debyg bydd % pleidleisiau Plaid Cymru yn is na 5 mlynedd yn ol gyda efallai cynydd mewn cynrhychiolaeth i 4 sedd.

[Iwan Rhys]

Dwi ddim yn dweud bod yr 14 sedd yna'n debygol (o bell ffordd), ond byddai'n deg dweud eu bod nhw o fewn y "realms of possibility", petai sawl peth yn cwympo i'w lle dros y flwyddyn nesa, a phetai Plaid Cymru yn cael ymgyrch ragorol ac yn llwyddo i ddangos mai nhw yw'r blaid sy'n cynnig dewis amgen chwith-o'r canol. (Sawl 'os' dwi'n gwbod.)

Be dwi ddim yn gwbod yw petai Plaid Cymru yn yn ennill 14 sedd etholaeth, a fydden nhw'n wedyn yn gallu cael 7 sedd restr ar ben hynny, er mwyn cyrraedd y ffigur ma o 21. Mae gormod o permutations i fi weithio hynna mas!

Ond wrth gwrs, mae na etholiad arall cyn hynny . . .