gan Hogyn o Rachub » Gwe 07 Mai 2010 9:28 am
Am unwaith dwi am amddiffyn Ieuan Wyn Jones fan hyn; fe wnaeth o'r gorau y gall o dan y fath sefyllfa a 'sdim pwynt twyllo'n hunain i feddwl y byddai pethau'n fawr wahanol petai Wigley dal yma neu y byddai Adam Price i mewn. Mae IWJ wedi perfformio'n gryf iawn iawn yn y dadlau Cymreig, ond mae Plaid wedi'i shafftio'n llwyr gan y rhai Prydeinig.
Gan ddweud hynny, roedd y canlyniadau yn y pedair sedd darged yn uffernol bob un; gogwydd bach yn Llanelli, colli pleidleisiau ar Fôn, Ceredigion yn sedd ddiogel bellach i'r Dems Rhydd ac Aberconwy, wel, soniwn ni ddim am Aberconwy!
Yr ateb? Dwi'n meddwl bod mewnfudwyr wedi cael effaith fawr ar ganlyniadau Ceredigion a Môn a bod y dasg o'u hadennill yn uffernol. Mae 'na fai ar y Blaid am beidio â mynd i'r afael â'r sefyllfa, oherwydd mae hi'n araf sicrhau ei thranc wrth wneud, ond ar lefel San Steffan efallai bod y 'prosiect sosialaeth' wedi methu a bod angen ail-danio cenedlaetholdeb traddodiadol.
Fydd hynny ddim yn digwydd a pharhau i gael ein siomi y gwnawn. Ond does 'na dim dwyffordd amdani - noson erchyll i Blaid Cymru. Yr unig rai fydd yn gwenu yng Nghymru bora 'ma go iawn ydi Llafur.
"Be gymrwch chi Wiliam, ai salad ta beth?""Oes rhaid i chi ofyn? Wel, tatws trwy crwyn!"Y Rachub Rydd Gymraeg