Toris Bach Plaid Cymru...

[Dafydd Iwanynyglaw]

Ar y siawns dy fod yn gofyn y cwestiwn o ddifri WWL, a dwi jyst yn dyfalu fan hyn, dybiwn i y byddai rhai yn deud fod defnyddio enw grwp penodol fel disgrifiad gwatwarus o berson nad wyt ti'n ei hoffi (er, wrth gwrs, gan nad wyt yn sylweddoi mai methodoleg yw Marcsiaith go iawn, nid cyfres o gasgliadau penodol y gellir eu mesur, dwyt ti ddim yn deallt llawer o safbwyntiau Dafydd El), o reidrwydd yn ddibrisio'r grwp hwnnw hefyd. Does na'm ystyr rhesymegol yn y frawddeg watwarus "X ydi John" os nad ydi'r siaradwr yn meddwl fod X yn rhywbeth annerbyniol.

[Wylit, wylit Lywelyn]

Neges crachddysgedig, ffugysgolheigaidd...yn fy atgoffa o rai o aelodau blaenllaw Plaid Cymru (Cynog Dafis yn gallach) yn malu cachu mewn ffordd gor-glyfar, amaturaidd (adeg Brad Y Byd)...
Plaid Cymru yn tori addewid

[Dafydd Iwanynyglaw]

Ti di anghofio "hunanbarodi o'i arddull ei hun"*.

* Joc ar gyfer pobl sy'n gallu darllen Simon Brooks di hona, WWL - paid a pheoni dy feddwl bur, werinol am y fath grachddeallusdeb.

[Dafydd Iwanynyglaw]

Wylaf.

Wylaf, O Lyndŵr, dros y Cymry’n cadw stŵr. Mae’n amlwg yn anghywir i Gymro iwsho gair hir.

Deddfaist dithau: “Bydded dwy brifysgol!”, ond gwae hwynt-hwy a feiddient ddefnyddio’u dysg, neu fynnu gwellhâd ymysg trafodaethau dwys yr oes – Sdim ishio strancio, nacoes? – neu ddwyn goleuedigaeth drwy wir ddefnyddio’r heniaith.

Wylaf.

Wylaf, O Lyndŵr, dros yr holl rwgnach a’r stŵr. “Dydio ddim yn deg, nacdi, fod rhai’n fwy peniog na ni? Mae’n anghymreig, mae’n afiach, mae’n heintus! Gwell eiriau bach na geiriau hirion Seisnig sy’n gwneud brodorion yn ddig. Gwell frawddegau purion, clên sy’n llawn naturiol awen ein gwinllan, ‘r Eden eiddil, caer bychan olaf ein hil. Ymaith â’r crach-ymylol, Brâd y Llyfrau Llenyddol, sy’n meddwl bod hi’n ddigri traethodli mewn theori!”

Bolociaid.

Wylaf, Lyndŵr, dros bob un, yn wraig neu’n ŵr, sy’n codi’u annysgeidiaeth fel pinacl tynged iaith.

Ti’n erbyn dysg? Wel, gwranda: bron nad dim ond Derrida a Foucault all wir drafod barablu geidwadol, od y canu caeth a Barddas mewn dulliau nid anaddas; dim ond dealltwriaeth gain all achub gecru celain llên beryglus o blwyfol rhag esgyn fyny’i phen ôl.

Felly’r tro nesa yr ei di‘n grac dros glyfrwch elîtyn, cofia fod Owain yntau yn gwybod gwerth gwyddorau.

[Wylit, wylit Lywelyn]

Y Byd- chei di ddim gwell teitl ar gyfer papur dyddiol cenedlaethol Cymraeg.
Cofiant Cyfnod- Weltanschauung gwar ag aeddfed. Crys-t- "un o bobol y byd"- sydd, yn y pendraw, yn bwysicach i mi na bod yn Gymro.
Eisteddfod Lerpwl a Y Byd. Pwysig iawn. Ni ddaru rhai o aelodau blaenllaw Plaid Cymru werthfawrogi hyn yn fy marn bach i. Nyff sed. Dwi'n "ymddiswyddo" o maes-e. Ta-ra.

[Hogyn o Rachub]

[ceribethlem]

[Hedd Gwynfor]

[Wylit, wylit Lywelyn]

Hoffwn weld Dafydd El fel arweinydd nesaf Plaid Cymru. Profiadol. Galluog. Gwyrdd. Chwith. Ewropeaidd. Cynaladwyedd. Pragmataidd. Caiff gadw'r set yn gynnes hyd nes y daw Adam Price i arwain. Mae gan DET ambell i wendid e.e. arddull rhy rwysgfawr a bombastic o bosib tra'n cael ei gyfweld o flaen y camerau.
Ond ef, heb unrhyw amheuaeth ydi'r ymgeisydd gorau-hyd nes y daw AP i fywiogi'r Cynulliad.

A ydwyf yn difaru sgwennu negeseuon blaenorol? Na. Dim o gwbl. Politics is a rough old trade. Brawddegau hefo pinshad o halen. Darllen rhwng y llinellau. Mymryn o ddylanwad gobeithio.

'Roedd Plaid Cymru yn haeddu cael ei cholbio am beidio a delufro papur dyddiol (hefo'r ochr newydd technolegol angenrheidiol). Torri addewid ydi torri addewid. Dwi ddim eisiau clywed Dafydd El yn dweud pethau hurt fel "byw yng ngwlad y gwcw" eto. Dylai'r ysgolhaig feddwl a phwyllo cyn agor ei geg y tro nesaf. Gobeithio ei fod wedi dysgu gwers.

Ymlaen. Yn olaf, nid wyf i yn bersonol yn Bleidiwr!

[ceribethlem]