Cwmni Theatr 3D ….
yn cyflwyno dwy ddrama ar y thema Darganfyddiad
Yn ôl eu harfer o roi llwyfan i ysgrifennu newydd, ag atgyfodi clasuron.
Theatr y Maes, Eisteddfod Genedlaethol Meirion a'r Cyffiniau
Nos Wener, Awst 7fed, 2009. 8yh
'Y Twr’
Gan Gwenlyn Parry
Dyma gyfle i weld detholiad o un o ddramau Gwenlyn Parry a oedd yn ddrama Gomisiwn Eisteddfod Genedlaethol Caerdydd nôl yn 1978.
Dyma daith bywyd gwr a gwraig wrth iddyn nhw ddringo twr bywyd. Gwelir hwy yn heneiddio, a'r dieithrwch rhyngddynt yn cynyddu wrth iddyn nhw ddringo.
Cast: Glenn Jones, Elin Wmffras
Cyfarwyddwr: Hannah Wynn Jones
Ac hefyd …drama fer newydd
‘Sawl yn Syrthio’
Gan Glenn Jones
Diffiniad y geiriadur o "SYRTHIO":-
'Disgyn yn sydyn, cwympo, codwm, cwympo o fan uchel gyda nerth disgyrchiant; lleihau gwerth; llai pwerus; teimlad cariad; digwyddiad neu amod.'
Ond syrthio mewn ffordd wahanol iawn a wna'r pedwar cymeriad sy'n ganolog i'r ddrama hon.
Byddwn yn dyst i ddeilema Llio, Huw, Arwel a Meirion wrth iddynt sefyll ar eu dibyn personol nhw yn myfyrio dros yr ysfa bwerus i syrthio...neu ddim.
Cast: Elin Leyshon, Ceri Murphy, Aled Wyn Thomas a Ieuan Rhys
Cyfarwyddwr: William Gwyn
Bydd y ddrama hon hefyd yn rhan o gynhyrchiad nesaf Cwmni Theatr 3D - Angel.
Dewch i gefnogi!