17-19 Gorffennaf * GWYL ARALL * Caernarfon

[Jeni Wine]

GWYL ARALL (another) Festival
Gorffennaf 17-19
CAERNARFON

Mae Gwyl Arall yn wyl newydd sbon, ac yn benwythnos llawn dop o
ddigwyddiadau cerddorol, llenyddol a chelfyddydol, fydd yn digwydd yng
Nghaernarfon rhwng Gorffennaf 17-19.

Uchafbwyntiau yn cynnwys Mike Parker a Jon Gower yn siarad am eu
hobsesiwn gyda mapiau, Lloyd Jones yn hansio ei nofel Gymraeg gyntaf,
Gwyn Thomas yn holi Harri Parri a sesiwn ar y cyd gyda Steve Eaves a'i ferch,
Manon Steffan sydd newydd gyhoeddi ei nofel gyntaf i oedolion.

Bydd gig ecsglwsif ym Medi ar y nos Sadwrn, gyda Mr Huw, Eitha Tal
Ffranco, Yr Ods a Sweet Baboo, ynghyd a pherfformiadau dros y penwythnos
gan Meic Stevens, Llwybr Llaethog, Geraint Lovgreen, Dau Cefn, Cyrion, wUw,
Crav, PSI, Y Ffrwydron a Derwyddon Dr Gonzo.

Ar b'nawn Sadwrn, bydd yr artist Bedwyr Williams yn perfformio ei
bregeth Methodist to My Madness ar gwch bleser Queen of
the Sea a bydd y penwythnos yn arwain i ben gyda Pybcrol Llenyddol,
Pictiwrs yn y Pyb, Stomp a Barbaciw i gyfeiliant Y Ffrwydron.

Byddwn hefyd yn cynnal cystadleuaeth Ffotofarathon ar y dydd Sadwrn, gan
gyhoeddi'r enillwyr ar y prynhawn Sul.

Bydd y digwyddiadau yn cymryd lle yn Medi, Neuadd y Farchnad, y Con'
Club, Anglesey a'r Morgan Lloyd a'r bwriad yw creu bwrlwm ac afiaith
drwy'r holl dref dros y penwythnos.

Rydym yn dra diolchgar i'n noddwyr - Y Lolfa, Barcud, Seren Arian,
Cyngor Tref Caernarfon, Palas Print a Cymen.

Am ragor o wybodaeth am yr wyl, ewch i
http://www.palasprint.com/gwylarall neu ein tudalen ar Facebook.
Gallwch hefyd gysylltu gyda eirian@palasprint.com

BYDD YR AMSERLEN LAWN YN CAEL EI CHYHOEDDI DDECHRAU'R WYTHNOS NESA.
GWYLIWCH Y GOFOD HWN............

[seljones]

Y linc ydi http://www.palasprint.com/gwylarall , dim spes rhwng y gwyl a arall

[Prysor]

Croeso mawr mawr i'r wyl yma. Hen bryd cael gwyl sy'n hybu/dathlu llenyddiaeth poblogaidd a 'ffrinj-aidd' yn y Gymru Gymraeg, ac mae Caernarfon yn eidial, achos mae na sin gelfyddydol gyfoes bywiog yno.

Mae'r line-up yn dangos ei bod hi'n wyl sydd yn bwriadu gwneud hyn, ac mae'n ddechrau da iawn. Ffresh!!!

On i isio deud hynna, achos dwi'n credu ynddo fo go iawn, ac wedi crybwyll yr angen mewn erthygl sgwennis i ddechrau Mehefin (cyn i Gwyl Arall gael ei chyhoeddi) ar gyfer cyhoeddiad fydd allan cyn diwedd y mis ma.

Da iawn criw Gwyl Arall - pobol efo gweledigaeth yng Nghymru o'r diwedd!