19.5.12 : Gweithdy Gwerin CLERA : Llanberis (3/3)

Beth sy 'mlaen? Pob digwyddiad Diwylliannol, Gwleidyddol, Ieithyddol ayb. Dim Gigs!

Cymedrolwr: ceribethlem

Rheolau’r seiat
Beth sy 'mlaen? Pob digwyddiad Diwylliannol, Gwleidyddol, Ieithyddol ayb, ond dim Gigs! Cofiwch gynnwys y drindod sanctaidd yn y teitl sef - Dyddiad : Beth : Lleoliad - e.e. 05.01.07 : Protest Achub ein Gwiwerod Coch : Cae, Pentrecagal. Rhowch gymaint o fanylion pellach ag sy'n bosib yn y neges ei hunan, gan gynnwys amser y digwyddiad, lleoliad, pris (os yn berthnasol), beth sy'n digwydd ac ati. Er mwyn cael y digwyddiad i ymddangos yn y calendr hefyd, cofiwch ddewis y tab 'Digwyddiad Calendr' ar waelod y dudalen pan yn llunio'r neges, a mewnddodwch y dyddiad perthnasol. Pwyswch yma i ddarllen canllawiau cyffredinol maes-e.

19.5.12 : Gweithdy Gwerin CLERA : Llanberis (3/3)

Postiogan cwrwgl » Gwe 04 Mai 2012 12:00 pm

Gweithdy CLERA Llanberis (3/3)
Y drydedd mewn cyfres o weithdai cerddoriaeth draddodiadol.

Ddydd Sadwrn, 19 Mai 2012
1pm - 4.30pm
Amgueddfa Lechi Cymru, Parc Padarn, Llanberis LL55 4TY

Dosbarthiadau:
1. Sylfaen: Stephen Rees - Dechrau dysgu chwarae o'r glust.
2. Canolradd: Sioned Webb - Alaw & chyfeiliant.
3. Uwch: Patrick Rimes - Chwarae Alawon

£7.50 / £12 (tocyn teulu) / £5 (plant),
Cyfyngir y niferoedd i 10 ymhob dosbarth.

Am wybodaeth pellach / ffurflen gofrestru cysylltwch a:
catrin@sesiwn.com
(01286) 831344
http://www.sesiwn.com

Noder: Mae £4 o dal i barcio ym Mharc Padarn drwy'r dydd
(mae hyn yn dal gyffredinol yn holl faesydd parcio Llanberis).

Bydd y gwersi yn dechrau yn brydlon am 1.15pm!

GWYLIWCH Y GOFOD!
Gweithdai pellach yn cael eu cynnal ym Mhen Llyn (Mai - Awst), ac yn Nhy Siamas Dolgellau ym mis Gorffennaf a mis Hydref. Posibilrwydd o weithdy arall yn Llanberis fis Medi. Dyddiad i'w gadarnhau.
Manylion ar y wefan http://www.sesiwn.com

Gweithdai pellach yng Nghanolfan Eirianfa, Factory Place, Dinbych:
Dydd Sadwrn 12 Mai 2012, 1.30pm - 5pm
Dydd Sadwrn 14 Gorffennaf 2012, 1.30pm - 5pm

………………………………………………………………………..

Cefndir:

Sesiwn Dros Gymru – Gweithdai Gwerin CLERA 2012
Galwad ar offerynwyr o bob lefel i gymeryd rhan mewn digwyddiad cerddorol newydd!!
Dystiwch y delyn, tiwniwch eich ffliwt a thynnwch y ffidil o'r to! 

Mae Clera wrthi yn trefnu rhaglen uchelgeisiol o weithdai gwerin dan yr enw "Sesiwn Dros Gymru", gyda chefnogaeth Cyngor Celfyddydau Cymru. Y bwriad yw cynnal 40 o weithdai offerynnol (hanner diwrnod) dros gyfnod o flwyddyn, mewn 4 ardal wahanol (gogledd-ddwyrain / gogledd-orllewin / de-orllewin / de-ddwyrain), sef 10 gweithdy i bob ardal.

Gweithdai i ddysgu a chwarae alawon traddodiadol Cymreig gyda thiwtoriaid profiadol. Os ydych yn chwarae ffidil, ffliwt, chwiban, telyn neu unrhyw offeryn acwstig sy'n addas ar gyfer cerddoriaeth werin, cewch ymuno a'r dosbarth sy'n addas i chi.
Bydd 3 dosbarth ym mhob gweithdy, ar gyfer gwahanol lefelau o allu a phrofiad cerddorol ac mi fydd niferoedd wedi eu cyfyngu i 10 mewn dosbarth.
Mi fydd dosbarth lefel sylfaen arbennig yn Llanberis a Dinbych yn canolbwyntio ar ddechrau dysgu sut i chwarae alawon Cymreig o'r glust - addas iawn i offerynnwyr clasurol sy'n newydd sbon i gerddoriaeth draddodiadol. 

Dewch am jig! 8)
cwrwgl
Defnyddiwr Efydd
Defnyddiwr Efydd
 
Negeseuon: 244
Ymunwyd: Iau 20 Ion 2005 9:54 pm

Re: 19.5.12 : Gweithdy Gwerin CLERA : Llanberis (3/3)

Postiogan cwrwgl » Gwe 04 Mai 2012 12:05 pm

Alaw y dydd yw Jig Arglwydd Caernarfon, y fersiwn allan o lyfr Blodau'r Grug, weler'r atodiad.
Atodiadau
BG5 Jig Arglwydd Caernarfon.jpg
BG5 Jig Arglwydd Caernarfon.jpg (76.39 KiB) Dangoswyd 3769 o weithiau
cwrwgl
Defnyddiwr Efydd
Defnyddiwr Efydd
 
Negeseuon: 244
Ymunwyd: Iau 20 Ion 2005 9:54 pm


Dychwelyd i Digwyddiadau

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig ac 1 gwestai

cron