Helo’r hen rwdan

[Hogyn o Rachub]

Gwir y gair 'rhen chwaer. Dwi byth 'di dallt be 'di'r atyniad sy gan hen bobl efo Pringyls, na pham mae 'na le Albanaidd yng nghanol Shir Fôn. Dyn ag wyr. Ond mi ga'i adael y gwaith rwan a stopio peidio gweithio felly dwi'n iawn.

[penarth]

Ymmm.....
Mar’ pontydd yn iawn lle ma nhw, delio hefo’r bobol drwg a'r twristiaid ydi'r peth
Bysa cael gwell plismyn lleol a dod ar 'stocks' yn ôl i bob pentra yn delio hefo'r pobol ddrwg.
Mae'r twristiaid yn fwy o gamp, mae'n rhaid cael gafal ar eu pres i gyd ac wedyn gwneud yn shwr bod nhw i gyd ar y bys adra, ond bod rhaid iddynt ddod yn ôl blwyddyn nesa hefo mwy !

Tôs gin i ddim barn am Pringles i fod yn onest.
@Orcloth : Be fasat ti yn hoffi gweld yn Llanfairpwll yn lle Pringyls?
Rwy’n shwr bod y pentra yn ddistaw rŵan ar ôl i'r lon newydd gael ei adeiladu?

Dim rwtch(hollol) ydi'r iaith yna ond Dutch, (Be ydi'r iaith Dutch yn Gymraeg? Iseldiroedd, Iseldireith, Iseldirogwydd?)
Doniol, yr un ymateb rwy’n cael yma i'r Gymraeg.
Mewn gwirionedd tydi o ddim mor ddoniol â hyna!

Diolch am eich croeso, fe welai chi o gwmpas rwy’n shwr

[Orcloth]

Dwi'n gwybod bod rhaid cael twristiaid er mwyn cael eu pres a cadw pobol mewn gwaith, ond doedd dim rhaid adeiladu'r ffasiwn le ar ochor yr A5. Mae'n wir nad ydi'r lon drwy'r pentre ddim mor brysur ag y bu, ond eto mae'n rhaid mynd drwyddi ar adegau, e.e. mynd a phlant i rysgol a'u nhol, mynd i'r post neu'r fferyllfa a.y.y.b. Fyddai'n parcio yn Somerfield a cherdded lawr i'r pentra bob tro dyddia yma am bod y traffic bysus a ballu mor rhemp. Tydio'm ym help bod ceir di parcio ddwy ochor i'r lon yn rhai llefydd! Be sy isio'i neud ydi symud Pringyls i'r safle newydd sydd am ei hadeiladu (gobeithio) yn dop y pentre (ddim yn bell o'r bont Britannia). Dwn i''m faint o weithia dwi di cyfri o leia 20 o fysys yn trio ffendio lle i barcio o gwmpas Pringyls!

Dwi'n meddwl mai Iseldireg ydi "Dutch" yn Gymraeg. Ai o'r Iseldiroedd wyt ti'n dod, felly? Pob hwyl i ti am rwan.

[Seonaidh/Sioni]

Dw i'n hoff iawn o Bringles - blasus iawn - ond heb weld siop ar eu cyfer nhw erioed! Rhaid fod creision yn FAWR yn Ynys Mon ynte!

Dro diwetha on i yn Llanfair etc. cofia i am siop oedd yno - "Tatws Llan" (yn llawn daioni, siwr o fod). Ydi hi'n dal yno?

[Orcloth]

Dim Pringles y creision, ffwl wirion! Siop fawr ydi Pringyls yn Llanfair p.g. sy'n gwerthu bob math o bethau fel dillad, swfenirs act ati (drud). Be oeddan nhw'n werthu yn "Tatws Llan"? Dwim yn cofio'r enw, ond os mai siop tsips oedd hi, "Glan Menai" di henw hi rwan.

[penarth]

@Sioni : Big Chips Mon da chi'n gweld !
Roedd fy Anti Elsi yn byw yn Llanfairpwll, yn agos i'r ysgol fach i fynnu am y twr. Dwi di treulio lawer o wyliau haf yno fel plentyn, a ma’ Tatws Llan yn canu cloch....ond yn anffodus dim ond canu cloch!
Dwi'n cofio'r parot ar draws y lon yn canu God save the Queen

@Orcloth : Yndw rwy’n byw yn yr Iseldiroedd ond yn Sir Fôn cefais fy nwyn i fynnu.
Tybed bod eich lôn yn brysurach y dyddiau yma? Ceir wedi parcio ar y ddwy ochor, bysus etc am ei bod hi rŵan yn lôn y pentra un waith eto, ond yn glamp o lôn y pentra y tro yma.
Ma'r Motel yna yn Star yn le rhyfadd! Ydi o erioed wedi bod yn le llwyddiannus i rhiwin?

[Orcloth]

Ella bo hynny'n wir, ond os di pawb sy'n picio i'r fferyllfa ayyb yn parcio ar ochor lon, mae hynny'n gwneud hi'n anoddach i bawb arall sy isio pasio drwy'r pentra, a hefyd i'r bysys mawr sy'n mynd i Pringyls. Sa'n well i bawb gerdded i'r siop yn lle defnyddio'u ceir, a cholli rhywfaint o bwysau yr un pryd!
Ewadd, ma'r Motel wedi cau ers tua 25 mlynedd o leia bellach. O'n i wrth fy modd yn mynd yno am fwyd ers stalwm, a gwrando ar bobol yn canu yn y "lounge". Ti di dod ag atgofion melys yn ol i mi! O'n i'n arfer gweithio yno, yn gweini yn yr "Autogrill" dros wyliau'r haf. Ar hyn o bryd, mae siop ddodrefn yn adeilad y Motel ei hun. Yn y "chalets", mae syrjeri doctor, pobol gwerthu ffenestri a rhywun arall yn gwerthu dodrefn drud. Fuest ti'n y Motel pan oeddat yn aros yn Llanfair?

[penarth]

Orcloth : Naddo dim i mi gofio, ond dwi'n rhiw hannar cofio mynd i ddisco yno , dydw i ddim yn cofio os mai Motel oedd o dal yr adeg hynny. Dwi'n cofio'r bobol Ffenestri PVC a'r bobol dodrefn. Rydw’i wedi bod dan yr argraff bod y lle wedi newid dwylo llawer gwaith , dydw i ddim yn rhy shwr pam.
Na doedd y Motel ddim ar yr agenda , athrawes yn yr ysgol fach oedd fy Anti Elsi felly mynd i lefydd fel Twr Marquis , zw mor, y jêl yn Biwmarus a Castell Penrhyn oedd ein gwyliau ni.

[Orcloth]

Ia, mi es i i ddisgo yno unwaith neu ddwy - dawns clwb motobeic oedd un, a dawns i groesawu sowldiwr o Star, a oedd di bod yn y Falklands, oedd y llall. Ewadd, da ni'n siarad blynyddoedd maith yn ol rwan!
O'n i'n arfar mynd i ysgol Llanfair, sgwn i os oedd dy Anti Elsi yn fy nysgu i? Fatha "Miss" rwbath fysa ni'n ei galw hi maen siwr! Byddi di'n dod drosodd i Sir Fon o hyd?
Mae'n braf cael siarad hefo rhywun sy'n cofio'r ardal yn dda! Hwyl am y tro, Penarth.

[penarth]

Ia, mi es i i ddisgo yno unwaith neu ddwy - dawns clwb motobeic oedd un, a dawns i groesawu sowldiwr o Star, a oedd di bod yn y Falklands, oedd y llall. Ewadd, da ni'n siarad blynyddoedd maith yn ol rwan!
O'n i'n arfar mynd i ysgol Llanfair, sgwn i os oedd dy Anti Elsi yn fy nysgu i? Fatha "Miss" rwbath fysa ni'n ei galw hi maen siwr! Byddi di'n dod drosodd i Sir Fon o hyd?
Mae'n braf cael siarad hefo rhywun sy'n cofio'r ardal yn dda! Hwyl am y tro, Penarth.

Hmm! Llanfairpwll, Moelfra, Bodffordd, Llanerchymedd, Llangefni, Aberffraw, Niwbwch....Yndw dwi dal yn cofio'r ardal.
Miss Roberts fysa fy modryb ac yn byw yn Tremarian oedd hi yn agos i'r ysgol.
Dwi'n cofio mynd i'r 'bikers dws' yn Plas Coch, ar ôl y Vintage Rally, partis dipyn gwell na'r hen ddisgos yn Motel Star