Helo a chroeso i ddiwrnod Maes-e #dyddmaese

Adran i aelodau newydd - i ddweud helo neu ofyn cwestiynau
Rheolau’r seiat
Adran i aelodau newydd - i ddweud helo neu ofyn cwestiynau. Pwyswch yma i ddarllen canllawiau cyffredinol maes-e.

Helo a chroeso i ddiwrnod Maes-e #dyddmaese

Postiogan Rhodri Nwdls » Gwe 05 Rhag 2014 8:54 am

Dwi di bod yn siarad am fforymau a ffyrdd gwell o gynnal trafodaeth arlein yn Gymraeg wythnos yma. Mae Reddit yn profi, os oedd angen, bod message boards yn fyw ac iach ac yn rhan fawr o ddiwylliant rhyngrwyd dal i fod.

Felly pa ffordd well o brofi'r dyfroedd unwaith eto ond drwy gael corwynt o weithgarwch am ddiwrnod ar yr hen ffrind, maes-e.com.

Felly sut i gymryd rhan? Postiwch un neges, ac ymatebwch i o leiaf un yn ystod y dydd.

Mwynhewch! :gwyrdd: :gwyrdd: :gwyrdd: :gwyrdd: :P :P :P :P 8) 8) 8)

Rh
Maes-eio ers 2002, yo.
Rhithffurf defnyddiwr
Rhodri Nwdls
Defnyddiwr Aur
Defnyddiwr Aur
 
Negeseuon: 3061
Ymunwyd: Sad 23 Tach 2002 4:31 pm
Lleoliad: Maesymwstwr

Re: Helo a chroeso i ddiwrnod Maes-e #dyddmaese

Postiogan mam y mwncis » Gwe 05 Rhag 2014 9:32 am

Ok - dwi nol , ond mi sylwith y rhai craff fod mwnci arall wedi dyfod ers I mi ymelodi yn wreiddiol! lets do this!
mam y mwncis
Defnyddiwr
Defnyddiwr
 
Negeseuon: 2
Ymunwyd: Gwe 05 Rhag 2014 9:08 am

Re: Helo a chroeso i ddiwrnod Maes-e #dyddmaese

Postiogan ifanceinion » Gwe 05 Rhag 2014 9:44 am

Newydd gael fy hanner-ddeffro gan Twitter ar fy ffôn, yn dweud bod "@DaiLingual a 2 arall yn trydar am #dyddmaese"!

Syniad ffantastig. Gobeithio bydd yr arbrawf yma yn profi bod fforwm agored Cymraeg yn beth defnyddiol a pherthnasol yn yr oes modern sydd ohoni...

(Ydach chi 'di ystyried (neu glywed am) Discourse o gwbl gyda llaw? Dan ni 'di cael canlyniadau reit dda efo fo draw ar SSiW.)
Rhithffurf defnyddiwr
ifanceinion
Defnyddiwr
Defnyddiwr
 
Negeseuon: 2
Ymunwyd: Gwe 05 Rhag 2014 9:17 am

Re: Helo a chroeso i ddiwrnod Maes-e #dyddmaese

Postiogan Rhodri Nwdls » Gwe 05 Rhag 2014 10:02 am

mam y mwncis a ddywedodd:Ok - dwi nol , ond mi sylwith y rhai craff fod mwnci arall wedi dyfod ers I mi ymelodi yn wreiddiol! lets do this!

Ma na fwncwns maes-e dirifedi 10 mlynedd yn ddiweddarach. Da ni hyd yn oed di pasio'r stêj siarad am napis.

Bydd rhai yn gallu sgwennu ar y maes... :ofn:
Maes-eio ers 2002, yo.
Rhithffurf defnyddiwr
Rhodri Nwdls
Defnyddiwr Aur
Defnyddiwr Aur
 
Negeseuon: 3061
Ymunwyd: Sad 23 Tach 2002 4:31 pm
Lleoliad: Maesymwstwr

Re: Helo a chroeso i ddiwrnod Maes-e #dyddmaese

Postiogan Rhodri Nwdls » Gwe 05 Rhag 2014 10:10 am

ifanceinion a ddywedodd:Syniad ffantastig. Gobeithio bydd yr arbrawf yma yn profi bod fforwm agored Cymraeg yn beth defnyddiol a pherthnasol yn yr oes modern sydd ohoni...

Sdim ond angen cnewyllyn bach o ddefnyddwyr cyson i gael fforwm i weithio. Mae na fwlch mawr rhwng trafodaeth ffurf byr a ffurf hir yn Gymraeg, a dim llefydd call ar gyfer trafodaeth nôl a mlaen estynedig. Mae fforwm yn gallu llenwi'r bwlch yna. Dwi ddim yn meddwl fasa fo r'un peth â maes-e ond y cwestiwn ydi sut beth fasa fo?

ifanceinion a ddywedodd:(Ydach chi 'di ystyried (neu glywed am) Discourse o gwbl gyda llaw? Dan ni 'di cael canlyniadau reit dda efo fo draw ar SSiW.)

Heb weld hwnna. Difyr. Sa'n ddiddorol gwybod be fasa pobl isio allan o fforwm? Be fasa'n atal nhw rhag ei ddefnyddio?
Maes-eio ers 2002, yo.
Rhithffurf defnyddiwr
Rhodri Nwdls
Defnyddiwr Aur
Defnyddiwr Aur
 
Negeseuon: 3061
Ymunwyd: Sad 23 Tach 2002 4:31 pm
Lleoliad: Maesymwstwr

Re: Helo a chroeso i ddiwrnod Maes-e #dyddmaese

Postiogan Macsen » Gwe 05 Rhag 2014 10:12 am

Cytuno bod angen rhagor o weithgarwch ar Maes-e. Ond mae angen i Maes-e symud gyda'r oes hefyd. Llawer gormod o seiadau, is-seiadau, ayyb. Ac mae'r dylunio yn edrych braidd yn hen ffasiwn erbyn hyn. :o
Rhywun yn ymosod ar y Gymraeg? - Rhannwch Why Welsh.com!
Rhithffurf defnyddiwr
Macsen
Defnyddiwr Platinwm
Defnyddiwr Platinwm
 
Negeseuon: 6193
Ymunwyd: Maw 12 Awst 2003 8:01 pm
Lleoliad: Penrhiwllan/Waunfawr

Re: Helo a chroeso i ddiwrnod Maes-e #dyddmaese

Postiogan Rhodri Nwdls » Gwe 05 Rhag 2014 10:27 am

Macsen a ddywedodd:Cytuno bod angen rhagor o weithgarwch ar Maes-e. Ond mae angen i Maes-e symud gyda'r oes hefyd. Llawer gormod o seiadau, is-seiadau, ayyb. Ac mae'r dylunio yn edrych braidd yn hen ffasiwn erbyn hyn. :o

Fyddai'n well "archifo" yr holl seiadau a dim ond cael un seiad newydd? Teimlo fel y byddai angen dechreuad newydd i gael unrhyw fath o fomentwm nôl.

Wn i ddim os ydi phpBB yn gallu edrych yn ddim byd ond hen ffasiwn? Mae na ddiweddariad o maes-e i fersiwn newydd o'r system ar ei ffordd rhywbryd fel dwi'n deall...

Ond mae Discourse yn edrych fel platfform da. Dwi'n credu taw hwnna mae BBS BoingBoing yn ei ddefnyddio. Wnaethoch chi lwyddo i drosglwyddo cyfrifon o phpBB i hwnna Ifan?
Maes-eio ers 2002, yo.
Rhithffurf defnyddiwr
Rhodri Nwdls
Defnyddiwr Aur
Defnyddiwr Aur
 
Negeseuon: 3061
Ymunwyd: Sad 23 Tach 2002 4:31 pm
Lleoliad: Maesymwstwr

Re: Helo a chroeso i ddiwrnod Maes-e #dyddmaese

Postiogan dafydd » Gwe 05 Rhag 2014 10:50 am

Mi fydd yna ddiweddariad i feddalwedd phpBB ar maes-e, fydd yn gwneud pethau'n haws o ran mewngofnodi, newid y diwyg ac ati. Yn bersonol dwi ddim yn ei weld yn hen ffasiwn i gymharu a llawer o fforymau llwyddiannus yn Saesneg.

Er enghraifft mae Digital Spy yn fwrdd trafod traddodiadol yn llawn is-seiadau ond mae wedi denu cynulleidfa a'i gadw yno. Mae yn fantais fod yna gwefan 'pen blaen' sydd yn fenter fasnachol ac yn llawn newyddion ac erthyglau i ennyn ymateb (a mae yna sylwadau ar yr erthyglau hynny er nad yw'n bwydo mewn i'r fforwm).

O ran dylunio, dwi'n meddwl fod Reddit yn un o'r rhai gwaetha a mae'r holl is-adrannau yn ddryslyd iawn. Ond mae'r defnyddwyr cyson yn amlwg yn gwybod lle i fynd a dewis eu hoff adrannau.

Nôl yng Nghymru, mae yna fforwm Cardiff WalesMap ar gyfer datblygiadau busnes/masnach/adeiladau yng Nghaerdydd. Am flynyddoedd roedd yn defnyddio bwrdd trafod 'am ddim' ar Bravenet oedd yn gwbl crap. Ond fe roedd yn ddigon prysur am fod cymuned wedi ei adeiladu. Roedd hi'n posib postio yn anhysbys ar yr hen fforwm hefyd oedd yn golygu llawer iawn o ddadlau/trolio ond hefyd prysurdeb. Mae'r fforwm newydd ar phpBB a wedi dechrau prysuro eto gyda nifer fach o gyfrannwyr cyson.

Dwi'n meddwl mod i wedi dweud hyn o'r blaen ond mae'n bosib nad yw fforwm holl-gynhwysol 'Cymraeg' yn gweithio mor dda erbyn am fod fforymau yn dueddol o drafod pynciau penodol (Cyfryngau/Busnes/Chwaraeon ayyb), felly mi fyddan angen cyfeirio pobl at is-adrannau penodol (fel mae pobl yn defnyddio reddit am wn i).
Rhithffurf defnyddiwr
dafydd
Cymedrolwr
Cymedrolwr
 
Negeseuon: 2146
Ymunwyd: Llun 19 Awst 2002 12:21 pm
Lleoliad: Anfeidredd

Re: Helo a chroeso i ddiwrnod Maes-e #dyddmaese

Postiogan Macsen » Gwe 05 Rhag 2014 11:41 am

dafydd a ddywedodd:Er enghraifft mae Digital Spy yn fwrdd trafod traddodiadol yn llawn is-seiadau ond mae wedi denu cynulleidfa a'i gadw yno. Mae yn fantais fod yna gwefan 'pen blaen' sydd yn fenter fasnachol ac yn llawn newyddion ac erthyglau i ennyn ymateb (a mae yna sylwadau ar yr erthyglau hynny er nad yw'n bwydo mewn i'r fforwm).


Roedd nifer o is-seiadau yn iawn ar y Maes pan oedd lot o fynd yma - yn yr un modd ac y mae ty mawr yn iawn os yw'n llawn pobl. Ond pan y mae pawb yn gadael mae'r ty mawr yn teimlo'n fwy gwag ac unig nag yw'r bwthyn. Fel ag y mae hi mae 'maint' y Maes yn pwysleisio'r teimlad o wacter.
Rhywun yn ymosod ar y Gymraeg? - Rhannwch Why Welsh.com!
Rhithffurf defnyddiwr
Macsen
Defnyddiwr Platinwm
Defnyddiwr Platinwm
 
Negeseuon: 6193
Ymunwyd: Maw 12 Awst 2003 8:01 pm
Lleoliad: Penrhiwllan/Waunfawr

Re: Helo a chroeso i ddiwrnod Maes-e #dyddmaese

Postiogan Rhodri Nwdls » Gwe 05 Rhag 2014 12:30 pm

dafydd a ddywedodd:Mi fydd yna ddiweddariad i feddalwedd phpBB ar maes-e, fydd yn gwneud pethau'n haws o ran mewngofnodi, newid y diwyg ac ati. Yn bersonol dwi ddim yn ei weld yn hen ffasiwn i gymharu a llawer o fforymau llwyddiannus yn Saesneg.

Oes na olygydd testun chydig mwy WYSIWYG na BBCode ar fersiynau newydd? Mae'r markup BBCoide yn teimlo braidd yn drwsgwl erbyn hyn.
dafydd a ddywedodd:Mae yn fantais fod yna gwefan 'pen blaen' sydd yn fenter fasnachol ac yn llawn newyddion ac erthyglau i ennyn ymateb (a mae yna sylwadau ar yr erthyglau hynny er nad yw'n bwydo mewn i'r fforwm).

Beth am Ffrwti fel pen blaen?
dafydd a ddywedodd:Dwi'n meddwl mod i wedi dweud hyn o'r blaen ond mae'n bosib nad yw fforwm holl-gynhwysol 'Cymraeg' yn gweithio mor dda erbyn am fod fforymau yn dueddol o drafod pynciau penodol (Cyfryngau/Busnes/Chwaraeon ayyb), felly mi fyddan angen cyfeirio pobl at is-adrannau penodol (fel mae pobl yn defnyddio reddit am wn i).

Cael o nôl lawr i 5 categori a byddai'n iawn dwi'n meddwl. Ma'r un Boing Boing yn eitha syml, ond wedi ei arwain gan ddiwylliant y wefan a'r teip o bethau ma nhw'n trafod.

Materion Cyfoes / Pynciau Llosg (edefynnau wedi eu creu'n awtomatig o ffrwd Ffwti?), Cerdd/Celf/Cyfryngau, Technoleg, Iaith, Sdwff (categori catch all), Chwaraeon? a Meta

Debyg bod modd 'brandio' is-adrannau mewn ffordd weledol wahanol erbyn hyn oes?
Maes-eio ers 2002, yo.
Rhithffurf defnyddiwr
Rhodri Nwdls
Defnyddiwr Aur
Defnyddiwr Aur
 
Negeseuon: 3061
Ymunwyd: Sad 23 Tach 2002 4:31 pm
Lleoliad: Maesymwstwr

Nesaf

Dychwelyd i Croeso a Chyfarchion

Pwy sydd ar-lein

Defnyddwyr sy’n pori’r seiat hon: Dim defnyddwyr cofrestredig a 5 gwestai