OpenOffice.org 2.4 Cymraeg, Cysgliad i'r Mac ac ati

[Rhoslyn Prys]

Dyma'r hyn sydd wedi dod ar gael yn ddiweddar:

OpenOffice.org 2.4

Mae'r fersiwn diweddaraf yma'n cynnwys gwelliannau i nifer o elfennau o OpenOffice.org i gryfhau'r berthynas gydag agor ffeiliau yn Access ac Excel yn fwy llwyddiannus. Cofiwch fod nifer cynyddol o Estyniadau ar gael ar gyfer ychwanegu offer newydd i'r pecyn.

Mae safle gwe http://www.cy.openoffice.org wedi cael diweddariad ac mae'r ffeiliau Cymraeg i gyd i'w cael yno.

Cysgliad Mac

Mae Canolfan Bedwyr yn ryddhau fersiwn o Cysgliad i'r Mac yn sgil nawdd gan Fwrdd yr Iaith. Mae'r pecyn rhad ac am ddim ar gael o safle gwe Cysgliad http://www.e-gymraeg.org

Cysgliad Windows

Diweddariad Newydd 17/03/08 Mae diweddariad newydd rhad ac am ddim o Cysgliad i'r PC wedi ei ryddhau dros y we. Mae'n cynnwys gwelliannau i lecsicon a rheolau gramadeg Cysill. Mae'r diweddariad hefyd yn cynnwys gwelliannau i'r modd mae Cysgliad yn gweithio gyda Vista ac Office 2007. Mae'r diweddariad ar gael ar-lein drwy raglen Cysill.

Cysgliad a Google Maps

Mae manylion am hyn ar Murmur, blog Canolfan Bedwyr http://murmur.bangor.ac.uk/?p=65

Cyfieithiadau Wetwork

Mae Alan Davies, Wetwork wedi cysylltu i son am nifer o becynnau meddalwedd mae wedi eu cyfieithu gall fod o ddefnydd. Mae'r pecynnau iaith i gyd i'w cael ar safle gwe Alan ar safle Wetworkhttp://www.wetwork.org.uk/cyfieithiad/ . Mae'r rhaglenni yn cynnwys Spaw2, pecyn prosesydd WYSWIG ar-lein, tebyg ond gwell (ym marn Alan) na FCKEditor a TinyMCE. YAV, gwiriwr data ochr-gleient ffurflenni gwe a Podcast generator ar gyfer creu ffeiliau RSS, podlediadau a fideolediad.

Wordpress 2.2.3

Mae pecyn iaith diweddaraf Wordpress ar gael o safle Meddal.com.

Pethau sydd ar y gweill/ar fin ymddangos: Mandriva Linux 2008.1 a Firefox 3.

[Pendra Mwnagl]

Diolch yn fawr iawn am y Cysgliad i'r Mac. Gwych! (am ddim hefyd!)

[Rhys Llwyd]

Oes rhywun arall yn gweld fersiwn NeoOffice o Power Point yn slugish iawn i'r pwynt na ellir ei ddefnyddio oherwydd ei fod mor araf ac anwadal?

[Pendra Mwnagl]

Oes rhywun arall yn gweld fersiwn NeoOffice o Power Point yn slugish iawn i'r pwynt na ellir ei ddefnyddio oherwydd ei fod mor araf ac anwadal?

Rhaid i mi gyfadde bod fi'n ffeindio NeoOffice i gyd braidd yn anwadal. Dydio jyst ddim yn Fac-aidd rhywsut.

[sian]

Dw i newydd osod Cysgliad i'r Mac ond yn methu ei gael i weithio.
Dw i wedi rhoi Cysill a Cysgeir yn y ffolder Applications ac yn y Doc.
Os ydw i'n clicio ar eicon Cysgeir yn y doc, mae'n bownsio cwpwl o weithiau ond dim byd yn digwydd.
Dw i'n gallu agor Cysill a chopïo testun iddo fel mae'n dweud yn y ffeil 'Darllenwch fi' ond dim ond un paragraff sydd yn y golwg a dydi e ddim yn dangos y geiriau y mae'n awgrymu eu cywiro.
Dw i wedi treio dilyn y cyfarwyddiadau ar gyfer cael yr eiconau yn y bar offer - mae'n dweud am agor Cysill, mynd i File ac yna Gosod/Install ond os ydw i'n agor Cysill, does dim dewis 'Install' yn y ddewislen.

All rhywun helpu plis? Siwr ei fod yn hawdd!

Diolch

[Rhoslyn Prys]

Mae yna ffyrdd o gael y rhaglenni hyn i symud bach yn gynt. Mae manylion i'w cael drwy Gwgl, dyma un enghraifft:

http://www.downloadsquad.com/2007/08/18/how-to-speed-up-openoffice/

Pob lwc

[Griff-Waunfach]

Dwi yn cael trafferth gyda CysGair yn penodol. Ynghyd a hyn maen rhaid i mi copio a phastio testun i mewn i Cysill yn hytrach na'i gwirio yn y rhaglen dwi'n defnyddio.


Unrhyw un arall yn cael trafferth gyda GysGair?


Sori am y cwyno, dwi RILI yn ddiolchgar am cael cysgliad i'r MAC!!

[sian]

Dwi yn cael trafferth gyda CysGair yn penodol. Ynghyd a hyn maen rhaid i mi copio a phastio testun i mewn i Cysill yn hytrach na'i gwirio yn y rhaglen dwi'n defnyddio.


Unrhyw un arall yn cael trafferth gyda GysGair?


Sori am y cwyno, dwi RILI yn ddiolchgar am cael cysgliad i'r MAC!!

Dyna ni - run broblem yma.
O'n i MOR ecseited neithiwr pan welais i fod hwn ar gael. Fydd e'n grêt unwaith ga i e i weithio.

[Griff-Waunfach]

Dwi yn cael trafferth gyda CysGair yn penodol. Ynghyd a hyn maen rhaid i mi copio a phastio testun i mewn i Cysill yn hytrach na'i gwirio yn y rhaglen dwi'n defnyddio.


Unrhyw un arall yn cael trafferth gyda GysGair?


Sori am y cwyno, dwi RILI yn ddiolchgar am cael cysgliad i'r MAC!!

Dyna ni - run broblem yma.
O'n i MOR ecseited neithiwr pan welais i fod hwn ar gael. Fydd e'n grêt unwaith ga i e i weithio.

Os ddaw di o hyd i cael e i withio, rho gwybod sut!

[Duw]

Dwi wedi cael problem gyda Cysill (PC/XP) yn ddiweddar (dwi ddim yn cofio os gwnaeth cyfddyddiad awtomatig ddigwydd) - diflannodd yr eitem o'r toolbar mewn Word. Ceisiais a'i hail-osod heb lwyddiant. Unrhyw un arall wedi cael yr un peth? Rhaid copio a gludo nawr, sy'n real boen.