Facebook Cymraeg ar ei ffordd...

[Hedd Gwynfor]

Mae Facebook wedi derbyn y Gymraeg ar y rhestr o ieithoedd i'w cyfieithu. Mae hyn yn wych, gan mai dim ond 35 iaith y mae modd cyfieithu Facebook iddynt ar hyn o bryd, ac mae llawer o'r rhain yn fersiynau gwahanol o Sbaeneg ayb.

Os chi'n aelod o Facebook, ewch draw yma i helpu gyda'r gwaith - http://www.facebook.com/translations/

Mae'r drefn yn un da iawn i ddweud y gwir. mae unrhywun yn gallu cynnig cyfieithiad ar gyfer term arbennig, ac yna mae'r holl ddefnyddwyr yn cael pleidleisio am y term gorau. Ar hyn o bryd dim ond yr adran cychwynnol 'glossary' sydd modd cyfieithu, a dim on 133 o dermau sydd yma.

Yna bydd y gwaith go iawn o gyfieithu 19,419 o frawddegau yn cychwyn! Dwi ddim yn siwr sut mae'r penderfyniad yn cael ei gymryd ynglyn a pryd i symud ymlaen o'r cam 1af 133 o dermau, i'r ail ran 19,419 o frawddegau.

Mae yna hefyd grwp Facebook ar gyfer cyfieithu Facebook i'r Gymraeg - http://www.facebook.com/group.php?gid=12919111260

[Macsen]

Dw i wedi ymuno. Pwy sy'n arwain y prosiect?

[Hedd Gwynfor]

Dw i wedi ymuno. Pwy sy'n arwain y prosiect?

Pawb. Does dim arweinydd, dyna'r pwynt. Roedd rhaid iddynt derbyn digon o geisiadau i gychwyn cyn ychwanegu Cymraeg i'r rhestr, ac yn awr dwi'n credu fod rhaid i ddigon o bobl bleidleisio o blaid y termau 'glossary' cyn bod modd symud ymlaen i'r elfen nesaf, sef y dasg go iawn. Felly pleidleisiwch dros eich hoff gyfieithiadau yma http://www.facebook.com/translations/?translate (rhaid eich bod wedi cofrestru a dewis Cymraeg fel iaith 1af yn amlwg!) neu cynigiwch rhywbeth gwell!

[Llefenni]

Hwre hwre hwre!!

[Llefenni]

O hold on, dio'm yn lecio treigladau, trio defnyddio "weld" yn lle "gweld" a mae o'n deud modi'n rong

[ger4llt]

Be fydd yn digwydd efo'r busnes "is..." wan?
A fydd "Mae" yn cael ei osod o flaen yr enw?

[Pendra Mwnagl]

Oes gan rhywun syniadau ar sut i greu cyhoeddusrwydd i hyn? Byddai hynny'n siwr o gyflymu'r broses.

[Rhodri Nwdls]

Dylai Bwrdd yr Iaith fod yn annog pobol i gyfieithu. Shwrli all eu peiriant PR nhw gael rhywbeth yn y papurau. Ydi hi ddim yn werth jest haslo'r 2700 o bobol sy'n aelod o'r grwp cyfieithwch FB i gyfieithu hefyd?

A dweud y gwir efallai taw nid nawr yw'r adeg gorau i wneud. Dim ond y Glossary (133 term) sydd ar gael i'w gyfieithu ar hyn o bryd - er mwyn ei wneud yn effeithiol dylid aros nes mae'r cam nesaf ar agor sef yr 20,000 term sydd ar FB.

[Hedd Gwynfor]

A dweud y gwir efallai taw nid nawr yw'r adeg gorau i wneud. Dim ond y Glossary (133 term) sydd ar gael i'w gyfieithu ar hyn o bryd - er mwyn ei wneud yn effeithiol dylid aros nes mae'r cam nesaf ar agor sef yr 20,000 term sydd ar FB.

Yr unig beth yw, dwi ddim yn credu y bydd y cam nesaf yn agor tan i ddigon o bbol beidleisio ar y geiriau yn y cam 1af. Wnes i ddanfon neges at y 400 sydd yn y grwp 'Cyfieithu Facebook' ond am y Grwp'Facebook Cymjraeg' sydd gyda dros 2,000 o aelodau, nid oes modd danfon neges at grwpiau gyda mwy na 1,000 aelod

[Duw]

Mae'r nifer y termau yn swnio'n erchyll i mi. A oes wir angen rheini i gyd? Wedi gweithio ar brosiectau cyfieithu gydag eraill fy hun, dwi'n meddwl ei fod yn syniad gwirion i gael pawb i wneud darnau heb fod arolygaeth/arweiniad gan rywun penodol. Gyda chynifer o gyfranwyr bydd angen sgiliau rheoli da a cheisio safoni'r iaith. Er bod ei roi i'r "gymuned" yn swnio'n wych, bydd cyfieithu 20,000 o dermau/brawddegau yn gofyn am drwbwl os nac oes rhyw strwythur neu head honcho gall bobl gysylltu a nhw os oes angen arweiniad. Mae cymunedau'n gret ond yn anffodus, gofynnwch gwestiwn a chewch 10 ateb gwahanol.

Dwi jest gobeithio bydd y termau/brawddegau'n cael eu cyfieithu mewn ffordd gall, heb dafodiaith, termau uchel sneb yn deall na chystrawen gor-gymhleth lle bod modd eu hosgoi.