gan Duw » Sul 24 Awst 2008 11:29 pm
Dwi erioed wedi deall y term Future-Proofing. Nid oes modd gosod F-P ar unrhyw galedwedd na meddalwedd. O brofiad, fel y rhan fwyaf ohonoch, dwi wedi diawlo prynu teclun dim ond i weld y pris yn haneru ar ol 2 mis a model newydd yn ymddangos gyda dwbl y cof, dwbl hwn a dwbl y llall am yr un pris, neu fersiwn newydd o feddalwedd yn cael ei gynhyrchu'n syth ar ol i mi ddiweddaru o'r fersiwn (cyn-)diwethaf.
Mae gwefannau hefyd yn dioddef o ffads - rhaid eu newid yn gyson i'w cadw'n ffres. Cynnydd (progress) yw hyn?
Un ffordd o gadw'r cost (ariannol) yn isel yw defnyddio meddalwedd ffynhonnell-agored. Yr unig gost wedyn yw'r amser i ail-sefydlu a dod yn gyfarwydd a'r pecyn.
Y camgymeriad mwyaf rydym yn gwneud yw talu trwy'r trwyn am rywbeth gan ein bod o dan y camargraff y bydd yn para'n ddefnyddiol am amser hir.
Tybed faint o ymdrech sydd yn mynd i mewn i gynnal eich cyfrif ar Facebook a'r tebyg? A fydd yn troi mewn i'r FriendsReunited nesaf ac yna bydd yn rhaid dechrau'r broses eto oherwydd "ffasiwn" newydd?
Sori, dwi'n swnio fel rial hen bopyr.