Firefox

[Hedd Gwynfor]

"Quick Locale Switcher" wedi gosod yn ddi-ffwdan. Gwrthod rhoi'r pecyn Cymraeg am ryw reswm. Vista'n od? Ges i drafferth yn llwytho chwareuwr fflach ddoe 'fyd.

Mae'n rhedeg yn iawn gyda fi ar Vista Gwna'n siwr dy fod yn dilyn y cyfarwyddiadau'n iawn..

Wedi dilyn popeth, y pecyn Cymraeg ddim yn agor yn iawn. Mae'n gweud fod y cyfrifiadur ddim yn nabod y rhaglen
Mae'r rhan bach iaith ar y gwaelod ar y dde yn gweithio, ond dyw e' ddim yn newid dim i'r Gymraeg.
Byddai'n trial eto rhywbryd.

Wnest ti lawrlwytho o'r wefan Gymraeg?

http://cy.www.mozilla.com/cy/

aha... does dim son am hwn ar wefan meddal. Yw'r pecyn iaith yn rhan o hwn felly? Ar wefan meddal mae cyfarwyddiadau ar sut i lawrlwytho'r rhaglen yn Saesneg, a wedyn newid y rhyngwyneb i'r Gymraeg, a dyna'r cyfarwyddiadau dwi wedi dilyn, ac mae'n gweithio'n iawn gyda fi ar XP a Vista. Ond, os oes modd lawrlwytho'r rhaglen gyda'r rhyngwyneb Cymraeg wedi ei osod yn barod, byddai hynny lot yn well! Yw'r geiriadur Cymraeg wedi gosod yn hwn hefyd, neu a oes angen gosod hwn yn ychwanegol?

Gyda llaw, cofiwch wneud yn siwr fod eich porwr yn chwilio am fersiwn Gymraeg o wefan (os yw'n bodoli, ac os mae'r wefan wedi cael ei adeiladu'n gywir) yn 1af. (Ddim yn siwr os yw hyn wedi ei wneud ar eich rhan os yn lawrlwytho'r fersiwn uchod o wefan Firefox?!?) I wneud hyn:

Pwyswch ar y tab Offer (Tools)
Dewiswch 'Dewisiadau' (Options)
Pwyswch ar y tab 'Uwch' (Advanced)
Yn yr adran 'Ieithoedd' (Languages) Pwyswch ar y botwm 'Dewiswch'
Gwnewch yn siwr mai 'Cymraeg [cy]' sydd ar frig y rhestr. Os nad yw yna o gwbwl, ychwanegwch trwy bwyso ar ychwanegu a'i ddewis o'r rhestr. Os nad yw ar y brig, pwyswch ar 'Cymraeg [cy]' a wedyn y botwm 'Symyd i Fyny'. Os yw'r dewis ar gael rhowch '[cy-gb]' fel ail ddewis yn y rhestr hefyd.

cymraeg.jpg (43.86 KiB) Dangoswyd 5700 o weithiau

[ceribethlem]

Os o'n i ti, byddwn yn dileu FF yn gyfan gwbl a gwneud arsefydliad glân.

Diolchaf, byddai'n cael shot yn neud hwnna heno. Dileu popeth drwy Add/Remove Programs?

[ceribethlem]

Canlyniad! Popeth yn Gymraeg nawr. Diolch i Dduw

[Duw]

Blydi gwd myn. Diolch i ti hefyd - ers i Chrome ddod mas - dyna'r unig porwr dwi wedi defnyddio o ddydd i ddydd. Rwyt wedi neud i fi ailgydio mewn FF - anghofio pa mor ddefnyddiol yw e - mae'r ategynnau webdev yn wych.

[Rhys]

Galli di ychwanegu nifer o wahanol wefannau i'r blwch ymchwilio yny gornel dde uchaf, sy'n gwneud ycmchilio'n lot cynt. Ti'n gallu ychwnaegu pethau fel Amazon, e-bay a hyd yn oed Geiriadur Llambed ato.

firefox.jpg (23.26 KiB) Dangoswyd 5597 o weithiau

[mwgdrwg]

Ti'n gallu gwneud Firefox edrych yn fwy Cymreig rwan gan ddefnyddio "persona":

http://www.getpersonas.com/persona/9977#

[ceribethlem]

Wel, fi wedi cael firefox am rhyw fis a hanner. Rhaid dweud fi ddim yn rhy hapus gyda fe, ac wedi newid nol i IE. Mae'r peth yn rhewi'n gyson (yn arbennig pan yn agor tabiau) ar y cluniadur (sy'n rhedeg ar Vista) heb ddefnyddio fe digon ar y PC (XP) i benderfynnu os oes angen ei dynnu fe bant o hwnna eto neu beidio.

[Duw]

Rhaid dweud ma FF3 yn araf iawn yn llwytho 'da fi hefyd. Dwi'n defnyddio Chrome rhan fwyaf o'r amser. Er gwaetha'r ffaith nid oes fersiwn Cymraeg ar gael eto - mae'n gyflym, rhedeg scripts yn ofnadwy o gyflym ac yn weddol sefydlog er taw 'beta' ydyw.

[Madrwyddygryf]

Ia ti'n iawn. Mae Chrome yn un da ond eitha syml a dwyt ti ddim yn gallu allforio dy ffefrynau. Mae Firefox yn dda oherwydd yr holl add-ons. Mae gennai facebook toolbar, twitterfox, shareholic ac feedly. Mae feedly yn dda iawn achos mi mae'n allforio popeth sydd ar dy google reader ac cyflwyno mewn ffurf cylchgrawn.

[HuwJones]

Dwi newydd diweddaru i'r fersiwn newydd o Firefox. A wnaeth yr holl beth digwydd yn awtomatig mwy neu lai ac roedd yr holl beth yn Gymraeg heb orfod chwilio. GRET!!!! Da iawn i bawb sydd wedi gweithio gyda Mozzila gyda'r cyfieithu.